ŴaLevi 22:4 - Tonga Bible 1986

⁴ Paulevi yomoza wa fuko laku Aroni yo ngwamakhate pamwenga wakutama ndi thenda yaku suruwa warghengepo vinthu vyakupaturika mpaka po watozgeka. We yose yo wakwaska kanthu ka ukazuzi chifukwa cha kukwaska wakufwa pamwenga munthu yo wakoza upafi;

ŴaLevi 22:4 Referans Kwoze

ŴaLevi 21:1

Ndipo Ambuya anguti kwaku Mosese, “Kamba ku ŵazukuru ŵana ŵaku Aroni, unene kwaku wo kuti paulevi yumoza waku wo watenere kujikazuzga chifukwa cha wakufwa mukate mu ŵanthu ŵake.

ŴaLevi 11:39

“Ndipo asani nyama yose yo mungargha yafwa, yo wakwaskenge thupi lake, wakaŵanga wakunguzgika mpaka mazulo, ndipo wakunyamuwa thupi lo nayo wakachapanga saru zake, wakaŵanga wakunguzgika mpaka mazulo.

Maŵerengedu 18:19

Mipasku yose yakupaturika yo ŵaYisraele ŵapereka ku Ambuya ndapaska iwe, ndi ŵana ŵako ŵanthurumi ndi ŵana ŵako ŵanthukazi pamoza nawe, nge ndi phande la muyaya; ndi phanganu la muche paurongo pa Ambuya kwaku iwe ndi ku mphapu yako.”

Maŵerengedu 18:9

Ivi vikawanga vyako pa vinthu vya kupaturika kwakuruska, vyambura kufika ku moto; mipasku yawo yose, mipasku yawo yose ya ufwa, mipasku yawo yapa ulakwi, mipasku yawo yose ya pharamulu, yo ŵapereka kwangu, yikaŵanga yakupaturika kwakuruska kwaku iwe ndi ku ŵana ŵako.

ŴaLevi 21:22

Wangaziŵa kurgha chiŵande chaku Chiuta, nanga nchakupaturika ukongwa ndi cha vinthu vyakupaturika;

ŴaLevi 2:10

Ndipo mpasku wa ufwa wo wajako ukaŵanga waku Aroni ndi wa ŵana ŵake; ili ndi phande lakupaturika ukongwa la mpasku wapa moto ku Ambuya.

ŴaLevi 2:3

Ndipo chigaŵa cho chikajangako cha mpasku wa ufwa chikaŵanga chaku Aroni ndi ŵana ŵake. Cho nchigaŵa chakupaturika chakuruska cha mipasku yapa moto ku Ambuya.

ŴaLevi 15:17

Ndipo chakuvwara chose ndi khungu lose paku lo upafi wadikapo wavisuke ndi maji, kweni vikaŵanga vyakunguzgika mpaka mazulo.

Hagayi 2:13

Viyo Hagayi wanguti, “Asani yumoza yo ngwakufipa chifukwa wakwasana ndi chiŵanda, ndipo wako chimoza chaku ivi, kumbi chituŵa chakufipa?” Ŵazukuru ŵangwamuka kuti, “Chituŵa chakufipa.”

Maŵerengedu 19:20

“Kweni munthu yo wambura kuphotoka ndi kuti watijiphoto cha, munthu wa viyo wadumulikemo mukati mu unganu, chifukwa wakazuzga nyumba yakupaturika ya Ambuya; pakuti maji ghakuphotole ghalivi kuwazgike paku iyo, ngwakunguzgika.