ŴaLevi 22:18 - Tonga Bible 1986

¹⁸ “Kamba kwaku Aroni ndi ŵana ŵake, ndi ku ŵaYisraele wose, Asani munthu ngwa nyumba yaku Yisraele, pamwenga ya ŵalendo ŵakutandara mwaku Yisraele wapereka sembe yake, manyi njakulipa rapu, pamwenga nja wanangwa yo yiperekeka ku Ambuya sembe yakocha,

ŴaLevi 22:18 Referans Kwoze

Marangu 12:6

kweniko ndiku mukarutanga, ndipo kweniko ndiku muzenge ndi sembe yinu yakocha ndi sembe yinu yakubaya, ndi chigaŵa chinu chachichumi, mpasku wakuthamikiya, ndi mpasku wakupereka ndi marapu ghinu, ndi mpasku wakupereka, ndi ng'ombe zakudanga kupapika, ndi ŵana ŵakudanga kupapika ŵa mberere zinu.

Maŵerengedu 15:3

ndipo mupereka ng'ombe pamwenga mberere kuŵa mpasku wapa moto pamwenga mpasku wakocha pamwenga sembe ku Ambuya, kufiska rapu pamwenga nge ndi mpasku wa wanangwa, pamwenga sembe ya panyengu zakutemeka za madghera, kuŵachitiya Ambuya fungu lamampha,

ŴaLevi 1:2

“Ukambe ku ŵaYisraele, ndipo uŵanene kuti, penipo munthu yose waku imwe watuza ndi mpasku ku Ambuya, uŵe wa ng'ombe yakutuwa ku miskambu.

Machitidu gha Ŵakutumika 18:18

Ndipo Paulo, wati waswapo so mazuŵa ghanandi, wangurayirana ndi ŵabali wo, ndipo wangulowoke ku Siriya; ndi pamoza nayo Priskila ndi Akula; wanguti wameta sisi mu Kenkirea, chifukwa waŵanga ndi rapu.

Nahumu 1:15

Wona, pa mapiri marundi ghaku yo watuza ndi uthenga wamampha, yo wawandiska chimangu! Sunga madghera ghako, Yuda, fiska marapu ghako, chifukwa wazenge so cha muheni kumikana nawe, wamalizgike teteti.

Yona 2:9

Kweni ine nkhaperekanga sembe kwinu ndi mazu ghakuwonga, nkhaperekanga cho ndajirapizga nacho. Utaski ngwa Ambuya!”

Yona 1:16

Ndipo ŵanthurumi ŵangopa Ambuya weniukongwa, ndipo ŵangupereka sembe ku Ambuya, ndi ŵangurapa marapo.

Wakutaula 5:4

Penipo urapa rapu kwaku Chiuta, reka kuswera pakulifiska; chifukwa iyo kuti wendi likondwa mu ŵazereza cha. Fiska cho warapa.

Sumu 116:18

Marapu ghangu ku Ambuya ndifiskenge inya paurongo pa khamu lawo lose,

Sumu 116:14

Marapu ghangu ku Ambuya ndifiskenge, pa maso pa khamu lawo lose.

Sumu 66:13

Ndizenge ku nyumba yinu ndi mipasku yakocha; ndikaperekanga kwaku imwe cho ndingupangana.

Sumu 65:1

A Chiuta, ŵanthu ŵatenere kurumba imwe mu Zioni; ndi kupereka kwaku imwe cho ŵakupangana,

Sumu 61:8

Viyo ndikoŵeriyenge marumbu ku zina linu, po ndipereka marapu ghangu zuŵa ndi zuŵa.

Sumu 61:5

Chifukwa imwe, A Chiuta mwavwa marapu ghangu, mwanditore mu chihara cha ŵakopa zina linu.

Sumu 56:12

Marapu ghangu kwaku imwe nditenere kufiska, A Chiuta; ndiperekenge kwaku imwe mipasku yakuwonga.

Sumu 22:25

Rumbu langu mu unganu ukuru lituliya kwaku imwe; marapu ghangu ndifiskenge paurongo pa ŵakumopa.

Marangu 16:10

Viyo mukarghanga dghera la ŵasabata nge ndimo Ambuya Chiuta winu wangumulanguliyani. Penipo zani ndi munthulu kupaska ku Ambuya Chiuta winu. Mukaperekanga kwakuyana nge ndimo Ambuya Chiuta winu wakusakatiskiyani.

Marangu 12:17

Mungarghiyanga mu mizi yinu chachichumi cha trigu winu, chingana ncha vinyo winu, chingana ncha mafuta ghinu, chingana ncha ng'ombe zinu zakudanga kupapika, chingana ncha mberere zinu zakudanga kupapika chingana ndi mpasku winu wose wamarapu gho murapa, chingana ndi sembe zinu za kupereka.

ŴaLevi 23:38

pamoza ndi masabata gha Ambuya, mukasazgiyangapo vyaulera vinu, mipasku yinu ya mphenduzga ndi mipasku yinu ya wanangwa yo mupaska ku Ambuya.

ŴaLevi 17:13

Ndipo yose wa ŵaYisraele, pamwenga ŵalendo ŵakutandara mukati mwawo pakusaka asani wabaya nyama pamwenga chiyuni vyo waturgha wadire pasi ndopa zake ndi kuziwunda ndi dongo.

ŴaLevi 17:10

“Asani munthu wa nyumba yaku Yisraele pamwenga ya ŵalendo ŵakutandara mukati mwawo waturgha ndopa ze zose, ndikamikananga nayo munthu yo, ndipo ndikamudumuwangako ku ŵanthu ŵake.

ŴaLevi 7:16

Kweni asani sembe yake njakurapiyapo pamwenga nja wanangwa yikarghikanga mu zuŵa lenilo wayipereke, ndipo yo yajako yikarghikanga ndi mlenji unyake,

ŴaLevi 1:10

“Asani wapereka mpasku wakocha wachakuturiya ku mskambu, mberere pamwenga mbuzi, wakaperekanga yinthurumi yambura kalema.

Chituwa 12:5

Mberere yinu yiŵenge yambura kalema, yinthurumi ya chirimika chimoza, muyitonge ku mberere pamwenga ku mbuzi;

ŴaLevi 22:17

Ambuya angunena ndi Mosese,

Amosi 4:5

mupereke sembe zakocha zakuwonge za mtupu, ndi mpaskuwa wanangwa, ndipo muwuwandiske; chifukwa mutanja kuchita viyo, mwa ŵanthu ŵaku Yisraele!” atiti Ambuya.

Malaki 1:14

“Watembeke wakupusika yo we ndi yinthurumi mu mskambu wake ndipo wapangana kuyipereka, kweni wabayiya sembe Ambuya yo ye ndi kalema; chifukwa nde karonga mukuru, ndipo nditopeka mukati mu mitundu, atiti Ambuya ŵa maŵanja.

2 Mikoka 31:14

Kore mwana waku Imna mu Levi, mlonda wa likomo laku vuma wenga msungi mura wa mpasku wawanangwa wakuperekeka kwaku Chiuta, kugaŵa phande la muthulu wakuŵikikiya Ambuya, ndi mpasku wakupaturika.