ŴaLevi 21:6 - Tonga Bible 1986

⁶ Ŵakaŵanga ŵakupaturika kwaku Chiuta wawo, kweni kukazuzga zina laku Chiuta wawo cha; pakuti iwo ŵapereka sembe zapa moto ku Ambuya, chiŵande chaku Chiuta wawo; chifukwa cho ŵakaŵanga ŵakupaturika.

ŴaLevi 21:6 Referans Kwoze

ŴaLevi 18:21

Ungaperekangapo nanga njimoza wa ŵana ŵako, kuŵapereka mu moto kwaku Moleke cha; ndi kuwozga zina laku Chiuta winu. Ndine Ambuya.

ŴaLevi 3:11

Ndipo mzukuru wakaviwochanga pa jochero uli nkhurgha kwakupereka ku Ambuya pa moto.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

Ezekiele 44:7

pakuti mwazomerezga ŵalendo, ŵambura kuchinjika mu mtima ndi liŵavu, kusere mu malo ghangu ghatuŵa, kughafipiska, po mutindipaska kurgha kwangu, mafuta ndi ndopa. Mwaswa phanganu langu, mukusazgiyako ku maunyakazi ghinu ghose.

Yesaya 52:11

Tuwanimo, tuwanimo, tuwanimo mu Babiloni, mungakonga kanthu kaukazuzi cha; tuwanimo mukati mwake, jitozgeni mwaŵeni, imwe mwaŵakunyamuwa viyaŵi vya Ambuya.

Ezra 8:28

Ndipo ndinguti kwaku iwo, “Ndimwe mwakupaturika kwaku Chiuta, ndipo viyaŵi navyo vyakupaturika; ndipo siliva ndi golide ndi mpasku wa wanangwa wo waperekeka ku Ambuya, Chiuta wa ŵambuyamwe.

ŴaLevi 21:8

Mukamupatuwanga pakuti iyo wapereka chiŵande chaku Chiuta winu; kwaku imwe wakaŵanga wakupaturika, pakuti Ine mbuyamwe yo wapatuwa ndi kutoweska imwe, nde wakupaturika.

ŴaLevi 19:12

Mungarapanga ndi zina langu kwakupusika cha, kukazuzga zina laku Chiuta winu: Ndine Ambuya.

ŴaLevi 10:3

Sono Mosese wanguti kwaku Aroni, “Ichi ndicho Ambuya akamba, ‘ndikajirongonga mtuŵa mwaku weniwo ŵe pafupi nane, ndipo paurongo pa ŵanthu wose ndikaŵanga ndi unkhankhu.’ ” Ndipo Aroni wanguja chisisi.

Chituwa 29:44

Ndikapatuwanga hema lakuwunganamo ndi jochero la sembe Aroni nayo ndi ŵana ŵake ŵanthurumi ndikaŵapatuwanga kuŵa ŵazukuru ŵakunditeŵete.

Chituwa 28:36

“Ndipo mukachitanga nge nkhathabwa ka golide leneko, ndipo musimbengepo, uli nkhusimba kwa chidindo, ‘Chakupaturikiya ku Ambuya.’

Chituwa 19:22

Ndipo so unene ŵazukuru wo ŵandere kufupi ku Ambuya kujipatuwa ŵija vinu Ambuya angaŵarotoke.”

ŴaLevi 21:17

“Kamba kwaku Aroni, paulevi nanga njumoza wakupapika mwaku iwe mu migoneze yose, yo wendi kalema wakazanga kupereka chiŵande chaku Chiuta wake.

ŴaLevi 21:21

paulevi munthu yumoza wakupapika mwaku Aroni mzukuru wakuŵa ndi kalema yo wakazanga kufupi kuzachipereka sembe za Ambuya zapa moto, pakuti wendi kalema, kuti wazenge kufupi cha kuzachipereka chiŵande chaku Chiuta wake.

ŴaLevi 20:3

Ine ndamweni ndikarwananga nayo ndipo ndikamudumuwangako ku ŵanthu ŵake, chifukwa wapereka yumoza wa ŵana ŵake kwaku Moleke kufipiska nyumba yangu yakupaturika, ndi kunanga zina langu lakupaturika.

ŴaLevi 21:23

kweni kuti wakazanga kufupi ndi chivwinkhu cha, pamwenga kuza ku jochero, chifukwa wendi kalema; vinu wangakazuzga malo ghangu ghakupaturika, pakuti ine ndine Ambuya yo watighapatuwa.”

Maŵerengedu 16:5

ndipo wangunena ndi Kora ndi mpingu wake wose, kuti, “Lemawa Ambuya akarongonga mweniyo ngwawo, ndi yo ndi mtuŵa, ndipo akamunderezgiyanga mtuŵa kufupi kwaku iwo; inya mweniyo iwo asankha akamunderezgiyanga kufupi kwawo.

Maŵerengedu 28:2

“Walanguliye ŵaYisraele, uŵanene kuti, ‘Muphwerenge kupereka kwangu pa nyengo yake yakutemeka, mpasku wangu, kurgha kwa mipasku yangu yapa moto, fungu lamampha.’