ŴaLevi 20:6 - Tonga Bible 1986

⁶ “Asani munthu watiya ku kombeza ndi ku vyanusi ndi kujiwizga kwaku vyo, ndikarwananga nayo muthu yo, ndikamudumuwangako ku ŵanthu ŵake.

ŴaLevi 20:6 Referans Kwoze

ŴaLevi 19:31

Mungawombezanga pamwenga kuchita vyanusi, mungavipenjanga ivi cha vinu vingamukazuzgani: Ndine Chiuta winu.

Yesaya 8:19

Ndipo ŵachikamba kwaku iwe, “Fumba ku ŵamaula ndi ŵakombeza wo ŵajumajuma ndi kubwebweta,” kumbi ŵanthu kuti ŵatenere kufumba Chiuta wawo cha? Kumbi nchakwenere kufumba ŵakufwa mu malo mwa ŵamoyo?

ŴaLevi 20:27

“Munthurumi pamwenga munthukazi yo ngwakombeza, pamwenga chanusi, wakabayikanga; wakadinikanga ndi mya, ndopa zawo zikaŵanga pa ŵeneko.”

Sumu 73:27

Chifukwa awonani, wose wo wapata imwe ŵakafwanga, ndipo mukaparghang'anga wose wo ŵalivi chigomekezgu mwaku imwe.

Hoseya 4:12

Ŵanthu ŵangu ŵafumba fundu ku chimuti, ndipo ndodo yawo yitiŵakonkhoske. Chifukwa mzimu wa ureŵi waŵarandizga, ndipo ŵareka Chiuta wawo chifukwa ŵakhumba kuchita ureŵi.

Ezekiele 6:9

po ndipo ŵakupozomoka mwaku imwe ŵakandikumbukanga mukati mu ŵamitundu ko ŵatoreke umkoli, nditakuti ndaphwanya mtima wawo wa ureŵi wo wapatuka kwaku ine, ndi kujara maso ghawo gho ghang'anamukiya ku ureŵi ndi ŵangoza ŵawo; ndipo ŵachitenge mselu mu maso ghaku iwo ŵeneko pa mauheni gho ŵachita, pa maunyakazi ghawu ghose.

Maŵerengedu 15:39

mphonje yikakukumbuskaninga marangu ghose gha Ambuya, kuti mughavwe pa mukayidaŵiranga, mureke kupenja vyamu mtima ndi vyamu maso ghinu, vyo mwaziŵiriya kuvirondo ndi kuzerezeka navyo.

ŴaLevi 19:26

“Mungarghanga nyama ndi ndopa zake cha. Mungachitanga chanusi ndi ufwiti cha.

Machitidu gha Ŵakutumika 16:16

Ndipo kunguŵa, tichiruta ifwe ku malo ghakurombe, kuti msungwana yumoza, wakuŵa ndi mzimu wa kuwukwa, wangukumana nafwe, mweniyo watoliyanga ambuyake chanduwu chinandi wachiloska.

Chituwa 22:18

“Mungazomerezganga chanusi kuŵa wamoyo cha.

ŴaLevi 17:10

“Asani munthu wa nyumba yaku Yisraele pamwenga ya ŵalendo ŵakutandara mukati mwawo waturgha ndopa ze zose, ndikamikananga nayo munthu yo, ndipo ndikamudumuwangako ku ŵanthu ŵake.

ŴaLevi 20:5

iku ine ndikarwananga ndi munthu yo ndi ŵamu nyumba yake. Ndikamudumuwangako ku ŵanthu ŵake, munthu yo ndi wose ŵakumurondo pakuchita ureŵi ndi Moleke.

Yeremiya 44:11

“Chifukwa cho atiti Ambuya ŵa maŵanja, Chiuta waku Yisraele: Ehe, ndikalazganga chisku changu paku imwe kumikana namwe pa uheni, kudumuwako Yuda yose.

Chituwa 22:17

Asani awiske ŵakaniska kumupaska mwali yo, wakalipanga ndrama zachilowola mwenimo ŵalowole ŵamwali.