ŴaLevi 20:4 - Tonga Bible 1986

⁴ Ndipo asani ŵamu charu mo ŵakarekanga kumweruzga penipo wapereka yumoza wa ŵana ŵake kwaku Moleke ndipo kuti ŵantumubaya cha,

ŴaLevi 20:4 Referans Kwoze

Machitidu gha Ŵakutumika 17:30

Viyo nadi Chiuta wangujumphiskiya maso pa nyengo zo za ujira; kweni sono walanguliya ŵanthu wose kosekose kung'anamuka:

1 ŴaKaronga 20:42

Ndipo wanguti kwaku iyo, “Atiti viyo Ambuya, ‘Chifukwa wazomerezga kutuwamo mu manja ghako munthu mweniyo ndakombole ku kunangika, chifukwa cho umoyo wako ukaserenga pa umoyo wake, ndi ŵanthu ŵako pa ŵanthu ŵake.’ ”

Yoswa 7:12

Chifukwa ichi Yisraele kuti wangama cha paurongo pa ŵarwani ŵake; ŵarazga misana yawo paurongo pa ŵakupindikana ŵawo, chifukwa ŵasanduka chinthu chakubayika. Kuti nkhaŵanga namwe so cha, kwambura kuti mutuzgemo vyakukanizgika vyo mukati mwinu.

Marangu 13:8

mungamuzomerezganga pamwenga kumuvwiya cha. Chingana ndi jiso linu lingamufwiya lisungu cha. Pamwenga kumureka pamwenga kumubisa;

Chivumbuzi 2:14

Kweni nde navyo vyawida kukususka iwe pakuti we nawo kweniko ŵanyake wo ŵakoreska chisambizgu cho chaku Balamu, yo wangusambizga Balaki kupong'a chiguŵisku paurongo pa ŵana ŵaku Yisraele, kurgha vinthu vyakubayikiya vyangoza, ndi kuchita ureŵi.

ŴaLevi 20:3

Ine ndamweni ndikarwananga nayo ndipo ndikamudumuwangako ku ŵanthu ŵake, chifukwa wapereka yumoza wa ŵana ŵake kwaku Moleke kufipiska nyumba yangu yakupaturika, ndi kunanga zina langu lakupaturika.

ŴaLevi 20:5

iku ine ndikarwananga ndi munthu yo ndi ŵamu nyumba yake. Ndikamudumuwangako ku ŵanthu ŵake, munthu yo ndi wose ŵakumurondo pakuchita ureŵi ndi Moleke.