ŴaLevi 20:27 - Tonga Bible 1986

²⁷ “Munthurumi pamwenga munthukazi yo ngwakombeza, pamwenga chanusi, wakabayikanga; wakadinikanga ndi mya, ndopa zawo zikaŵanga pa ŵeneko.”

ŴaLevi 20:27 Referans Kwoze

ŴaLevi 19:31

Mungawombezanga pamwenga kuchita vyanusi, mungavipenjanga ivi cha vinu vingamukazuzgani: Ndine Chiuta winu.

ŴaLevi 20:6

“Asani munthu watiya ku kombeza ndi ku vyanusi ndi kujiwizga kwaku vyo, ndikarwananga nayo muthu yo, ndikamudumuwangako ku ŵanthu ŵake.

Chituwa 22:18

“Mungazomerezganga chanusi kuŵa wamoyo cha.

Machitidu gha Ŵakutumika 16:16

Ndipo kunguŵa, tichiruta ifwe ku malo ghakurombe, kuti msungwana yumoza, wakuŵa ndi mzimu wa kuwukwa, wangukumana nafwe, mweniyo watoliyanga ambuyake chanduwu chinandi wachiloska.

ŴaLevi 20:2

“Nena ku ŵaYisraele, munthu we yose mwina Yisraele pamwenga mlendo wakutandara mu Yisraele; yo wakaperekanga mwana wake kwaku Moleke wakabayikanga: ŵanthu ŵamu charu ŵakamudinanga ndi mya.

ŴaLevi 24:14

“Mutuzgeni mu ugoŵi yo wangutemba; ndipo wose wo ŵangumuvwa ŵaŵike manja ghawo pa mutu wake, ndipo ŵanthu wose wa mpingu wo ŵamudine ndi mya.

Maŵerengedu 15:35

Sono Ambuya anguti kwaku Mosese, “Munthu yo wabayike; mpingu wose umudine ndi mya kubwalo kwa ugoŵi.”

Marangu 21:21

Sono ŵanthurumi wose ŵa msumba uwa ŵamudinenge ndi mya mpaka kufwa, viyo mupeyengemo uheni mukati mwinu, ndipo Yisraele yose wavwenge, ndi wopenge.

1 Samuele 28:3

Apa ndipo Samuele wafwa kali, ndipo ŵaYisraele wose ŵangumutenje ndi kumuŵika mu Rama, mu muzi wake. Ndipo Sauli wangudikiska wose ŵakombeze ndi ŵavyanusi mu charu.

2 Mikoka 33:6

Wangocha ŵana ŵake mu moto nge ndi mpasku mu dambo la mwana waku Hinomu, wanguchita maula ndi ufwiti, ndi kupenja viŵanda ndi ŵakuwombeza. Wanguchita ulakwi unandi pamoso gha Ambuya, kuyuskaukari wawo.