ŴaLevi 20:23 - Tonga Bible 1986

²³ Ndipo imwe kuti mukayendanga mu malusu gha mtundu wo ndituwutuzgamo paurongo pinu cha; pakuti iwo ŵanguvichita vyose ivi, chifukwa cho ndinguŵakana.

ŴaLevi 20:23 Referans Kwoze

Marangu 9:5

Kuti nchifukwa cha urunji winu pamwenga kunyoroka kwa mtima winu cha, kuti musere kwachironda charu chawo, kweni nchifukwa cha kwananga kwa mitundu iyi lekani Ambuya Chiuta winu waŵadikiska kutuwa pa nthazi pinu, ndi kuti wafiske mazu gha wangurapiya ku auskemwe, kwaku Abrahamu, Yisaki, ndi Yakobe.

ŴaLevi 18:24

“Mungajikazuzganga ndi chose chaku ivi cha; chifukwa mitundu yo ndidikiska paurongo pinu yikujikazuzga navyo.

ŴaLevi 18:30

Viyo vwani kuchenjezga kwangu, mungachitanga po cha nanga ndi nyengo yimoza umoza wa midauko ya ukazuzi yo yinguchitika kale imwe mwenga mundaze, pamwenga kujikazuzga mwaŵeni ndi malusu gho. Ine ndine Ambuya Chiuta winu.”

ŴaLevi 18:3

Mungachitanga uli ndimo ŵachitiya muno mu charu cha Kanani mo ndaza namwe cha. Mungavwiyanga marangu ghawo cha.

ŴaLevi 18:27

(pakuti maukazuzi ghose yagha ndigho ŵanguchita ŵanthu ŵa charu ichi wo ŵengamo kale; viyo kuti charu chingukazuzgika);

Zekariya 11:8

Mu mwezi umoza ndingutuzgako ŵaliska ŵatatu. Kweni ndingukaripa nawo, iwo nawo ŵangunditinkha.

Sumu 78:59

Chiuta pakuchiwona ichi wangukalipa, viyo wanguŵapatiya limu ŵanthu ŵake;

ŴaLevi 18:25

Viyo charu chingukazuzgika, ndipo ine ndingulanga uheni wake, po charu chinguwukuwa ŵakuja mwaku cho.

ŴaLevi 18:2

“Ukambe ku ŵaYisraele, Ndine Ambuya Chiuta winu.