ŴaLevi 2:15 - Tonga Bible 1986

¹⁵ Ndipo mukaŵikangapo mafuta ndi kulalikapo vya chema pachanya pake; ndi mpasku wa ufwa.

ŴaLevi 2:15 Referans Kwoze

ŴaLevi 2:14

“Asani mupereka mpasku wa mbeu zinu zakudanga ku Ambuya, mukaperekanga mbeu zakupanda zifya za masoyo gha sono zakumizgika ndi moto.

ŴaLevi 2:16

Ndipo mzukuru wakawochanga kuŵa phande la mbeu yakuponda, ndi mafuta ndi vyachema vyose kuŵa chikumbusku cha kupereka mpasku wapa moto ku Ambuya.”

Chituwa 29:2

ndi chiŵande chambura mtupu, makeke ghambura mtupu ghakusazgana ndi mafuta, ndi tuviŵande twakuphapha twambura mtupu twakupakapo mafuta. Mukavibikanga ndi ufwa wakuti ng'ibu wa trigu.

Chituwa 30:34

Ndipo Ambuya anguti kwaku Mosese, “Uto vyakununkhira vyamampha, mure ndi sekereti ndi gelebuna, vyakununkhira vyamampha ndi nje zo zakununkhira (chimoza ndi chimoza) viyanenge mu unandi,

ŴaLevi 2:1

“Kweni we yose wakuza ndi mpasku wa ufwa kwachipereka ku Ambuya, mpasku wake ukaŵanga wa ufwa wamampha; wakadanga mafuta paku wo, ndi kuŵikapo vyachema,

ŴaLevi 5:11

“Kweni asani walivi njiŵa ziŵi pamwenga tuviwunda twa nkhunda, iku wakazanga ndi ufwa wamampha wa chipimo cha chigaŵa cha chumi, kuŵa mpasku wake wapa kwananga ko wakuchita. Kuti waŵikengepo mafuta cha, ndipo kuti waŵikengepo vya chema cha, pakuti ndi mpasku wapa kwananga.

Maŵerengedu 15:4

sono yo wapereka mpasku wake ku Ambuya wazenge ndi mpasku waufwa chigaŵa chimoza cha chichumi cha mweso wa ufwa wamampha wakusazgika ndi chigaŵa chimoza cha vigaŵa vinayi vya mweso wa mafuta;