ŴaLevi 19:4 - Tonga Bible 1986

⁴ Mungang'anamukiyanga ku ŵangoza pamwenga kujisongonole ŵachiuta cha: Ndine Ambuya Chiuta winu.

ŴaLevi 19:4 Referans Kwoze

ŴaLevi 26:1

“Mungajichitiyanga ŵangoza cha nanga nkhumika ŵangoza wakusemeka pamwenga chimuzati cha, ndipo mungamikanga mwa wakusemeka mu charu chinu kuvisopa vyo cha, pakuti ine ndine Ambuya Chiuta winu.

Chituwa 34:17

“Mungajichitiyanga ŵachiuta ŵa mkuŵa nanga mba golide cha.

Chituwa 20:23

Kuti mukachitanga ŵachiuta ŵa siliva cha kuŵa pamoza nane, chingana nkhujichitiya ŵachiuta ŵa golide cha.

1 Yohane 5:21

Mwatwana twangu tuwaniko ku vyangoza.

Marangu 27:15

“ ‘Watembeke munthu yo wachita ngoza wakusongono, wo mbukazuzi ku Ambuya, chinthu chakuchitika ndi manja gha munthu mumisiri, ndipo watichimika ku ubende.’ Ndipo ŵanthu wose ŵakamukanga, ŵanenenge, ‘Ameni.’

1 ŴaKorinte 10:14

Viyo mwaŵakwanjiwa ŵangu, thaŵani kusopa-ngoza.

Sumu 96:5

Chifukwa ŵachiuta wose ŵa ŵanthu mbangoza pe; kweni Ambuya ŵakwata machanya.

Chituwa 32:4

Ndipo wanguronda golide ku manja ghawo, ndipo wanguchita ndi chidya chakuzotole wangwenguwa, ndi wanguchita thole la ng'ombe. Ndipo wanguti, “Yaŵa ndiwo ŵachiuta ŵinu mwa ŵaYisraele, wo wangumutoliyani kuno kutuwa mu charu cha Egipiti.”

Hagayi 2:18

Ghanaghanani kwamba zuŵa ili mpaka ku nthazi; kwamba zuŵa la machumi ghaŵi pachanya ghanayi (24) la mwezi wachinkhonde ndi chinayi. Kutuwa zuŵa lo chiŵanja cha kasopi wa Ambuya chinguzengeke, ghanaghanani.

ŴaLevi 19:5

“Muchipereka sembe ya chimangu ku Ambuya, mukayiperekanga viyo kuti murondereke.

1 Mikoka 16:26

Chifukwa ŵachiuta wose ŵa ŵanthu mbangoza; kweni Ambuya angulenga machanya.

ŴaLevi 11:44

Pakuti Ine nde Ambuya Chiuta winu; viyo mujipatuwe mwija, muŵe ŵatuŵa pakuti Ine nde mtuŵa. Mureke kujikazuzga ndi chinthu chose chakukwaŵa cho chikwaŵa pa charu chapasi.

ŴaLevi 19:25

Kweni mu chirimika cha chinkhonde murghenge vipasi vyawo, alinga kuti miti yimupasiyeninge vyakuzala: Ndine Ambuya Chiuta winu.

Marangu 4:16

muchenje vinu mangachimwa pakujichitiya chikozgu chakusema mukawonekedu ke kose. Pamwenga mu chikozgu cha munthurumi, pamwenga munthukazi;

Marangu 7:25

Vikozgu vyakusemeka vya ŵachiuta ŵawo, mukaviwochenge ndi moto; mungachikhumbiranga siliva, chingana ndi golide lo le paku vyo, pamwenga kulito kuti liŵe linu vinu mungajiwizga nalo, chifukwa mbukazuzi kwa Ambuya Chiuta winu.

1 ŴaKaronga 14:9

Kweni iwe wachita mphurupuru kuruska wose wo ŵengako paurongo pako ndipo wajipangiya ŵachiuta ŵamwenga, ndi ŵangoza ŵakusongono, kundisosomole ku chikwiya, ndipo wanditaya kuvuli kwako,

2 Mikoka 28:2

kweni wangwenda mu zinthowa za ŵakaronga ŵaku Yisraele. Wangupangiya Bala ŵangoza ŵakusongono;