ŴaLevi 19:33 - Tonga Bible 1986

³³ “Asani mlendo watandara namwe mu charu chinu, mungamuchitiyanga phuzu cha.

ŴaLevi 19:33 Referans Kwoze

Chituwa 23:9

“Mungayuzganga mlendo cha, mutuwuziŵa mtima wa mlendo, pakuti imwe mwenga ŵalendo mu charu cha Egipiti.

Chituwa 22:21

“Munganangiyanga mlendo pamwenga kumuyuzga, pakuti imwe mwenga ŵalendo mu charu cha Egipiti.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Yeremiya 7:6

asani mureka kuyuzga ŵalendo, ndi ŵana ŵa masiya ndi vyoko, pamwenga kudiska kuyuzga ŵalendo, ndi ŵana ŵa masiya ndi vyoko, pamwenga kudiska ndopa za ŵanthu zambura kalema mumalo yagha; ndipo asani mukarekanga kurondo ŵachiuta ŵanyake wo ŵangumunangani mwaŵeni,

Marangu 24:14

“Mungayuzganga mteŵeti wakurembereka mweniyo ndi mukavu ndi musauchi, manyi njumoza wa ŵabali ŵinu pamwenga yumoza wa ŵalendo ŵeniwo ŵemu charu chinu mukati mu mizi yinu.

Ezekiele 22:29

Ŵanthu ŵa charu ŵachita vya nkhaza ndi kuphanga; ŵakandirizga mukavu ndi wakusauka, ŵakwamphuwa vya mlendo kwambura kumuchitiya lisungu.

Ezekiele 22:7

Mwaku iwe wiske ndi nyina ŵapepulika ukongwa; mlendo wakuja mukati mwako wakomwa ndi suzgu; muranda ndi choko mwaku iwe ŵanangika.

Marangu 24:17

“Mungatimbanizganga cheruzgu chakurunjikiya mlendo pamwenga wamasiya, pamwenga kuto chivwalo cha choko kuŵa chikoli,

Marangu 24:18

kweni mukakumbukanga kuti imwe mwenga ŵaŵanda mu Egipiti, ndipo Ambuya Chiuta winu wangukuwomboni kutuwamo muwa, mwaku cho nditumulanguliyani kuchita ichi.

Marangu 27:19

“ ‘Watembeke yo watimbanizga kweruzgika kwa mlendo, kwa wambura awiske, ndi kwa choko.’ Ndipo ŵanthu wose ŵanenenge, ‘Ameni.’

Chituwa 22:20

“We yose wakupereka chisopo kwaku chiuta we yose, kwambura nge nkhu Ambuya, wakaphwanyikanga kwambura kujako.