ŴaLevi 19:30 - Tonga Bible 1986

³⁰ Mu sungenge masabata ndi kutumbika nyumba yangu: Ndine Ambuya.

ŴaLevi 19:30 Referans Kwoze

ŴaLevi 26:2

Musungenge masabata ghangu ndi kutumbika malo ghangu ghakupaturika. Ndine Ambuya.

Wakutaula 5:1

Sunga kenderu kako pakututa ku nyumba yaku Chiuta; kundere kufupi kutegherezga nkhwamampha kwakuruska kupereka sembe za wakupusa; pakuti kuti ŵaziŵa cha kuti ŵachita uheni.

ŴaLevi 19:3

Munthu yose waku imwe watumbike nyina ndi wiske, ndipo musungenge masabata ghangu. Ndine Ambuya Chiuta winu.

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

Mateyu 21:13

Ndipo wanguŵanene, “Kwalembeka, ‘Nyumba yangu yidanikenge nyumba ya kuromba’: kweni imwe mwayisanduska mphanji ya ŵakupoka.”

Sumu 89:7

Chiuta wakopeka mu upu wa ŵakupaturika, mura ndi wakofya pachanya paku wose ŵakumuzunguliya.

ŴaLevi 16:2

Ambuya anguti kwaku Mosese, “Umunene Aroni mwana munyako kuti wangazanga nyengo yose mu malo ghakupaturika cha wangaserenga kurutiliya chivwinkhu, kufika paurongo pa chitengo cha lisungu cho che pachanya pa bokosi la phanganu, vinu wangafwa; pakuti ndikawonekanga mu mtambo pachanya pa chitengo cha lisungu.

Chituwa 20:8

“Kumbuka zuŵa la sabata kulisunga lakupaturika.

1 Petro 4:17

Pakuti ndi nyengo yakuti cheruzgu chiyambenge pa nyumba yaku Chiuta: kweni asani chidanga paku ifwe; chiŵenge chine chigoti cha ŵakutafuliya evangeli waku chiuta?

2 Mikoka 36:14

Wose ŵara ŵa ŵazukuru, ndi ŵanthu ŵangunanga ukongwa kulingana ndi ukazuzi wa ŵamitundu, ndipo ŵangukazuzga nyumba yaku Chiuta yo iyo wanguyipatuwa mu Yerusalemu.

2 Mikoka 33:7

Ndipo ngoza wakusema chikozgo cho wanguchita, wanguŵika mu nyumba yaku Chiuta yeniyo Chiuta wangukamba kwaku Davidi ndi kwaku Solomoni mwana wake, “Mu nyumba iyi ndi mu Yerusalemu yo ndasankha mukati mu mafuko ghose ghaku Yisraele, ndiŵikengemo zina langu muyaya;

ŴaLevi 15:31

“Viyo ndimo mukaŵatuzgiyangako ŵaYisraele ku kukazuzgika kwawo vinu ŵangafwiya mu kuwura kutozgeka kwawo pakukazuzga chihema changu cho che mukati mwawo.”

ŴaLevi 10:3

Sono Mosese wanguti kwaku Aroni, “Ichi ndicho Ambuya akamba, ‘ndikajirongonga mtuŵa mwaku weniwo ŵe pafupi nane, ndipo paurongo pa ŵanthu wose ndikaŵanga ndi unkhankhu.’ ” Ndipo Aroni wanguja chisisi.

Ezekiele 9:6

kosoni ŵanthu, ŵara, ŵanyamata, ŵamwali, ŵana ndi ŵanthukazi, kweni rekani kukwaska nanga njumoza wa ŵakuŵa ndi chisimikizgu wo. Ndipo mwambe pa malo ghangu ghakupaturika.” Viyo ŵangwamba pa ŵaraŵara wo ŵenga pa khomo la nyumba.