ŴaLevi 19:19 - Tonga Bible 1986

¹⁹ “Musungenge malangulu ghangu. Mungazomerezganga ng'ombe zinu kwandana ndi ng'ombe za mitundu yinyake. Mungapandanga munda winu ndi za mitundu yiŵi cha; chingana nkhuti muvwarenge chakuvwara cha saru yakuŵa ndi mitundu yiŵi.

ŴaLevi 19:19 Referans Kwoze

2 Samuele 13:29

Viyo ŵanyamata ŵaku Absalomu ŵanguchita ndi Amunone nge ndimo Absalomu wanguŵalanguliya. Pavuli ŵana ŵa karonga ŵangusoka; ŵanguthaŵa munthu yose pa nyuru yake.

2 Samuele 18:9

Ndipo Absalomu wangukumana ndi ŵanyamata ŵaku Davidi. Absalomu wangukwera pa nyuru Yake; ndipo nyuru yingusere kusi ku mphanda za kukhorana za chimuti cha nthunthu, ndipo mutu waku Absalomu unguphata mu mphanda za nthunthu, ndipo wangusiyika wakuning'ina mude, nyuru yake yingurutiliya.

Ezra 2:66

Ŵenga ndi ŵakavalo, machumi pe chumi ghankhonde ndi ghaŵi ndi machumi ghatatu pachanya ŵankhonde ndi yumoza (736), myulu zawo machumi pe chumi ghaŵi ndi machumi ghanayi, pachanya zinkhonde (245),

1 ŴaKaronga 1:33

Ndipo karonga wanguti kwakuwo, “Jitoliyeni pamoza namwe ŵaŵanda ŵa mbuyamwe, ndipo mumukwezge Solomoni mwana wangu pa nyulu yangu, ndipo mumutole ku Gihoni;

ŴaRoma 11:6

Kweni asani sankhu lo nda wezi, kuti ndaku zinchitu so cha; ipu wezi wo kuti ndi wezi so cha.

Chiyambo 36:24

Yaŵa mbana ŵanthurumi ŵaku Zibeoni: Aiya ndi Ana; uyo ndi Ana mweniyo wangubowozga maji ghakubwibwituka ghakufunda mu bozwa, po waliskanga mbunda zaku Zibeoni wiske.

ŴaLevi 18:4

Mukachitanga malangulu ghangu, ndi kwenda mwaku gho. Ndine Ambuya Chiuta winu.

ŴaLevi 19:37

Ndipo musungenge malangulu ghangu ghose ndi vyeruzgu vyangu vyose, ndi kuvichita. Ndine Ambuya.”

ŴaLevi 20:8

Sungani malangulu ghangu ndipo mughachitenge. Ndine Ambuya mweniyo watukupatuwani pa kumutoweskani.

ŴaLevi 22:31

“Viyo musungenge marangu ghangu ndi kughachita: Ndine Ambuya.

ŴaLevi 25:18

“Viyo mukachitanga malangulu ghangu, ndi kusunga vyeruzgu vyangu kuvichita; po ndipo mukajanga mu charu cho kwambura kopa.

Marangu 4:1

“Avwani sono, imwe ŵaYisraele, vyakulayizga ndi vyeruzgu vyo ndikusambizgani kuti muvichite, mwakuti muŵe ŵamoyo, mukasere ndikuronda charu kuŵa chinu cho Ambuya Chiuta wa auskemwe ŵamupaskani.

Marangu 4:5

Ndakusambizgani vyakulayizga ndi vyeruzgu nge ndimo Ambuya Chiuta wangu wandikambiya, kuti muchite viyo mu charo cho mutuyako kwachironda kuŵa chinu.

Luka 5:36

Ndipo so waŵakambiyanga ntharika, kuti, “Palive munthu wagambika chigamba cha munjirira ufya pa munjirira wakuvumuka; iku nadi waparuwenge wo ufya, ndipo kuti chigamba cho cha ku ufya wo chiyanenge cha ndi wakuvumuka wo.