ŴaLevi 19:17 - Tonga Bible 1986

¹⁷ “Mungatinkhanga mwana munyinu mu mtima winu cha, kweni mukambiskanenge kwakujarikana umampha ndi muzengezgani winu, vinu mungatopo ulakwi chifukwa chake.

ŴaLevi 19:17 Referans Kwoze

1 Yohane 2:9

Yo watiti we mu kungweruka, ndipo ngwakumtinkha mbali wake, weche mu mdima mpaka sono.

Luka 17:3

Mujichenjere: asani mbali wako walakwa, muchenye; ndipo asani wape mgowoke.

1 Yohane 2:11

Kweni yo ngwakumtinkha mbali wake wemu mdima, ndipo mu mdima wo watenda, ndipo kuti waziŵa cha kweniko wata, pakuti mdima wo waburumutizga maso ghake.

ŴaGalatia 6:1

Mwaŵabali, asani munthu wakoreka mu ubudi wakuti e, imwe mwa ŵamzimu munyoroskeni waviyo mu mzimu wa upovu, pakujithoŵa wamweni, vinu nawe so ungeseka.

ŴaEfeso 5:11

ndipo mungasangana ndi nchitu zambura vipasi za mdima, kweni viŵiviŵi muzisuske nadi;

ŴaRoma 1:32

ŵeniwo, pakuziŵa cheruzgu chaku Chiuta, chakuti ŵakuchita vyaviyo mbakwenere nyifwa, kuti ŵavichita pe cha, kweni ŵazomerezgana so ndi ŵeniwo mbakuvichita.

Nthanthi 9:8

Reka kuchenya ŵakuyeya, vinu ŵangakutinkha; chenya munthu wa zeru, ndipo wakakwanjanga.

Tito 2:15

Vyenivi kambanga ndi chiskanga ndi panikizganga ndi mtufu wose. Wangakuyuyuwa cha chingana njumoza.

Tito 1:13

Chisimisimi chenichi nchakuneneska. Pa chifukwa chenicho ŵapanikizge kwakuchenya, alinga kuti ŵakhome mu chivwanu.

2 Timote 4:2

memeza mazu; pamphuka mu nyengo yamampha ndi mu nyengo yiheni; panikizga, chenya, chiska mu chilekerezga chose ndi chirunguchizgu.

1 Timote 5:22

Ungaŵikapo manja pa yumoza ruŵiruŵi cha, chingana nkhusangana mu vilakwa vya ŵanyake cha: ukajisunganga mkhovu.

1 Timote 5:20

Ŵakulakwa uŵachenye mu maso ghaku wose, alinga kuti ŵakujapo nawo ŵaŵe ndi chopu.

1 ŴaKorinte 5:2

Ndipo imwe mutukumuka, kumbi kuti mungwenere kuchita chitima cha? Wakuchita ichi mutuzgeni mukati mwinu.

Sumu 141:5

Munthu wamampha wandilange ndi kundichenya mwa ulemu, kweni kuti ndizomerezgenge muheni kundipaka mafuta ku mutu cha, chifukwa nyengo yose ndirombe pa nchitu zawo ziheni.

Chiyambo 27:41

Sono Esau wangutinkha Yakobe chifukwa cha chitumbiku chenicho awiske wangumutumbika nacho, ndipo Esau wanguti kwaku yija, “Mazuwa ghakufwiya ada ghaŵandika; pavuli ndazamubaya mhurwa wangu Yakobe.”

2 Samuele 13:22

Penipo Absalomu kuti wangurongoro kanthu kamampha pamwenga kaheni cha ndi Amunone; pakuti Absalomu wangumutinkha Amunone, chifukwa wanguchichizga mzichi wake Tamara.

Nehemiya 13:17

Sono ndingususkana ndi ŵaraŵara ŵaku Yuda, ndinguti kwaku wo, “Mbuheni wa mtundu uli uwu muchita, kukazuzga zuŵa la sabata?