ŴaLevi 18:25 - Tonga Bible 1986

²⁵ Viyo charu chingukazuzgika, ndipo ine ndingulanga uheni wake, po charu chinguwukuwa ŵakuja mwaku cho.

ŴaLevi 18:25 Referans Kwoze

ŴaLevi 18:28

muchenje vinu charu cho chingamuwukuwani, muchichikazuzga, uli ndimo chinguwukuliya mtundu wo wengamo kale.

Yeremiya 2:7

Ndipo ndingumutoliyani mu charu cha vyakuzala, kurgha vipasi vyake ndi vyamampha vyake. Kweni munguti mwaseremo imwe mungukazuzga charu changu, ndipo mungukazuzga ŵanthu ŵangu.

Yeremiya 9:9

Kumbi kuti ndikaŵalanganga cha chifukwa cha vinthu ivi? atiti Ambuya; Kuti ndikajitayiyanga thayu cha pa mtundu nge ndi uwu?

Sumu 106:38

Ŵangudiska ndopa zambura kafukwa, ndopa za ŵana ŵawo ŵanthurumi ndi ŵanthukazi, kuŵa sembe ku ŵangoza ŵaku Kanani; viyo charu chingukazuzgika ndi ndopa.

Hoseya 2:13

Ndipo ndimurangenge chifukwa cha mazuŵa gha madghera gha ŵaBala mwaku gho wawochanga vyakununkhira kwaku iwo, ndi wanguvwala mphete ndi vyakugalarika vyake, wangurondo ŵakumwanja ŵake, ndi wangundiruwa ine, atiti Ambuya.

Yeremiya 23:2

Chifukwa cho atiti viyo Ambuya, Chiuta waku Yisraele, pa ŵaliska wo ŵaphwere ŵanthu ŵangu: “Mwambininiska mskambu wangu, mwaŵadikiskiya kutali ndipo mulivi ku ŵatataliya. Ehe, ndimulangeninge chifukwa cha machitidu ghinu ghaheni, atiti Ambuya.

Yeremiya 16:18

Ndipo ndikaŵawerezgiyangapo kwa kaŵi pa utimbanizi ndi uheni wawo, chifukwa ŵakazuzga charu changu ndi viŵanda vya ŵangoza ŵawo ŵa ŵaka, ndipo ŵazaza charu changu ndi maukazuzi ghawo.”

Yeremiya 14:10

Viyo atiti Ambuya ghapa ŵanthu yaŵa: “Ŵanja kuyingayinga kwa viyo, ŵalivi kukanizga marundi ghawo; chifukwa cho Ambuya kuti ŵati ŵaronde cha. Sono ŵakakumbukanga mautimbanizi ghawo, ndi kulanga mauheni ghawo.”

Yeremiya 5:29

Kumbi kuti ndikaŵalanganga cha? Chifukwa cha vinthu ivi ndipo kuti ndikajitayiyanga thayu cha pa mtundu wakuŵa nge ndi uwu?”

Yeremiya 5:9

Kumbi kuti ndikaŵalanganga cha chifukwa cha machitidu yagha? atiti Ambuya; ndipo kuti ndikajichitiyanga thayu cha pa mtundu nge ndi uwu?

Yesaya 26:21

Pakuti ehe, Ambuya atuza kutuwa mu malo ghawo, kuzachilanga ŵakuja mu charu pa chifukwa cha kwananga kwawo, ndipo charu chazamvumbuwa ndopa zakudikiya paku cho, ndipo kuti chikabisanga so ŵakubayika ŵake cha.

Marangu 18:12

Pakuti we yose wakuchita vinthu ivi mbukazuzi ku Ambuya, ndipo chifukwa cha machitidu gha ukazuzi gha viyo, Ambuya Chiuta winu wadikiskengepo mitundu yo paurongo pinu.

ŴaRoma 8:22

Chifukwa tiziŵa kuti ulengi wose utamanthiya ndi ulangiya pamoza mpaka ku sono.

Hoseya 9:9

Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

Yesaya 24:5

Charu chigona mu kukazuzgika pasi pa ŵakujamo ŵake; pakuti ŵalengeska marangu, ŵaswa panganu la muyaya.

Sumu 89:32

penipo ndipo ndikaŵalanganga chifukwa cha uheni wawo; ndikaŵakwechuwanga chifukwa cha kunanga kwawo.

Marangu 9:5

Kuti nchifukwa cha urunji winu pamwenga kunyoroka kwa mtima winu cha, kuti musere kwachironda charu chawo, kweni nchifukwa cha kwananga kwa mitundu iyi lekani Ambuya Chiuta winu waŵadikiska kutuwa pa nthazi pinu, ndi kuti wafiske mazu gha wangurapiya ku auskemwe, kwaku Abrahamu, Yisaki, ndi Yakobe.

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

ŴaLevi 18:26

Kweni imwe mukasunganga malangulu ghangu ndi marangu ghangu. Mureke kuchita nanga nchimoza cha maukazuzi yagha, manyi ndi mwenicharu pamwenga mlendo wakutandala mukati mwinu

Marangu 21:23

thupi lake kuti litandalenge usiku wose pa muti pa cha, kweni mumuŵikenge zuŵa lenilo. Pakuti munthu wakupayikika ngwakutembeka ndi Chiuta, kuti mukazuzgenge charu chinu cha chenicho Ambuya Chiuta winu watukupaskani kuŵa chihara.

1 ŴaKaronga 21:26

Wanguchita kwa unyakazi ukongwa pakurondo ŵangoza, ulaka ndimo ŵanguchitiya ŵaAmori, ŵeniwo Ambuya anguŵataya paurongo pa ŵaYisraele.

Ezra 9:11

Gho mungulanguliya mu ŵateŵeti ŵinu ŵamchimi kuti charu cho muyako kwachihara, ndi charu cha ukazuzi, chakufipiskika ndi ŵeneko ŵacharu ŵija wo ŵazaza charu kosekose ndi uheni wawo.