ŴaLevi 18:24 - Tonga Bible 1986

²⁴ “Mungajikazuzganga ndi chose chaku ivi cha; chifukwa mitundu yo ndidikiska paurongo pinu yikujikazuzga navyo.

ŴaLevi 18:24 Referans Kwoze

Marangu 18:12

Pakuti we yose wakuchita vinthu ivi mbukazuzi ku Ambuya, ndipo chifukwa cha machitidu gha ukazuzi gha viyo, Ambuya Chiuta winu wadikiskengepo mitundu yo paurongo pinu.

ŴaLevi 18:30

Viyo vwani kuchenjezga kwangu, mungachitanga po cha nanga ndi nyengo yimoza umoza wa midauko ya ukazuzi yo yinguchitika kale imwe mwenga mundaze, pamwenga kujikazuzga mwaŵeni ndi malusu gho. Ine ndine Ambuya Chiuta winu.”

1 ŴaKorinte 3:17

Asani yumoza wananga kasopi waku Chiuta, Chiuta wamunangenge iyo; chifukwa kasopi yo waku Chiuta ngwakupaturika, ndipo kasopi yo wakupaturika ndimwe.

Yeremiya 44:4

Kweni kaŵikaŵi ndingukutumiyani ŵateŵeti ŵangu ŵamchimi, kuti, ‘Okwe, rekani kuchita chinthu ichi cha ukazuzi chenicho nditinkha!’

Marangu 12:31

Mungachitanga viyo cha ku Ambuya Chiuta winu; chifukwa Ambuya Chiuta winu watinkha chinthu chose cha ukazuzi cho ŵachitiya ŵachiuta ŵawo, pakuti ŵatoche mu moto ŵachiuta ŵawo ŵana ŵawo ŵanthurumi ndi ŵana ŵawo ŵanthukazi.

ŴaLevi 18:3

Mungachitanga uli ndimo ŵachitiya muno mu charu cha Kanani mo ndaza namwe cha. Mungavwiyanga marangu ghawo cha.

Chiyambo 15:16

Ndipo ŵazamuwere kuno mu mgonezi wa chinayi; pakuti ubendezi wa Amori wenga undafiskike.”

Maŵerengedu 35:34

Mureke kukazuzga charu cho mujamo, chenicho ine ndija mukati mwake; pakuti ine Ambuya ndija mukati mu ŵaYisraele.”

Marangu 9:4

“Mungakambanga mu mtima winu, pavuli pa Ambuya Chiuta winu waŵadikiska pa nthazi pinu, kuti, ‘Nchifukwa cha urunji wangu, lekani Ambuya andiserezga kwazironda charu ichi.’ Kweni nchifukwa cha kwananga kwa mitundu iyi lekani Ambuya akuŵadikiskiya kutali kutuwa pa nthazi pinu.

1 ŴaKaronga 9:7

po ndipo ndikamudumuwangako Yisraele ku charu chenicho ndikuŵapaska; ndi nyumba yeniyo ndatoweske zina langu ndikayituzgangako ku maso ghangu; ndipo Yisraele wakaŵanga nthanthi ndi mphekuru mu makhamu ghose gha ŵanthu.

Ezra 9:1

Vinguti vyamara ivi, ŵara-ŵara ŵanguza kwaku ine, ŵanguti, “ŴaYisraele ndi ŵazukuru ndi ŵaLevi, ŵalivi kujipatuwa ku ŵanthu ŵa vyaru ivi ndi ku ukazuzi wawo, ku ŵaKanani ndi ŵaHiti, ŵaPerizi, ndi ŵaYebusi ndi ŵaAmoni, ndi ŵaMoabu, ndi ŵaEgipiti, ndi Amori.

Sumu 106:39

Ŵangujikazuzga ndimachitiru ghawo, ndipo kwaku Chiuta ŵenga ŵambura magomezgeka.

Marangu 9:5

Kuti nchifukwa cha urunji winu pamwenga kunyoroka kwa mtima winu cha, kuti musere kwachironda charu chawo, kweni nchifukwa cha kwananga kwa mitundu iyi lekani Ambuya Chiuta winu waŵadikiska kutuwa pa nthazi pinu, ndi kuti wafiske mazu gha wangurapiya ku auskemwe, kwaku Abrahamu, Yisaki, ndi Yakobe.

Ŵeruzgi 20:5

Ndipo ŵanthu ŵamu Gibea ŵangundiyukiya, ndi ŵanguzinga nyumba mwenimo ndenga; khumbu lawo lenga la kundibaya ine, wanguchita chikwala mbiligha yangu, ndipo wakufwa.

Ŵeruzgi 20:6

Ndipo ndinguto mbiligha yangu ndinguyidumuwa mathuŵi mathuŵi, ndingughatuma ku charu chose cha chihara chaku Yisraele; pakuti ŵakuchita ukazuzi ndi uvumbwa mu Yisraele.

Ŵeruzgi 20:10

ndipo tikatonga ŵanthu chumi mu machumi pe chumi, mu mitundu yose yaku Yisraele, ndi machumi pe chumi mu chikwi chimoza ndi chikwi chimoza mu vikwi chumi, kuza ndi vyakurgha vya ŵanthu, mwakuti asani ŵaza ŵatayiye thayu Gibea waku Benjamini, chifukwa cha uheni ndi uvumbwa wose wo wachita mu Yisraele.”

2 Mikoka 33:2

Wanguchita cho chenga chiheni mu maso gha Ambuya kuringana ndi unyakazi wa ŵamitundu wo Ambuya anguŵadikiska paurongo pa ŵaYisraele.

Ezekiele 36:17

“Mwana wa munthu po ŵaYisraele ŵajanga mu charu chawo, ŵanguchikazuzga chifukwa cha nthowa zawo ndi nchitu zawo; majaridu ghawo paurongo pangu ghanguŵa nge nkhufipiskika kwa munthukazi yo we mu masambi.