ŴaLevi 18:21 - Tonga Bible 1986

²¹ Ungaperekangapo nanga njimoza wa ŵana ŵako, kuŵapereka mu moto kwaku Moleke cha; ndi kuwozga zina laku Chiuta winu. Ndine Ambuya.

ŴaLevi 18:21 Referans Kwoze

Marangu 12:31

Mungachitanga viyo cha ku Ambuya Chiuta winu; chifukwa Ambuya Chiuta winu watinkha chinthu chose cha ukazuzi cho ŵachitiya ŵachiuta ŵawo, pakuti ŵatoche mu moto ŵachiuta ŵawo ŵana ŵawo ŵanthurumi ndi ŵana ŵawo ŵanthukazi.

ŴaLevi 19:12

Mungarapanga ndi zina langu kwakupusika cha, kukazuzga zina laku Chiuta winu: Ndine Ambuya.

Marangu 18:10

Kungachisanirika cha mukati mwinu nanga njumoza wakocha mwana wake munthurumi pamwenga mwana wake munthukazi kuŵa sembe, we yose wakombeza, chanusi, pamwenga mungoma, pamwenga fwiti,

ŴaLevi 22:32

Mungakazuzganga zine langu lakupaturika cha, kweni ŵaYisraele ŵakandipatuwanga ine; Ine Ndine Ambuya wo atimupatuwani;

Machitidu gha Ŵakutumika 7:43

Nadi mungunyamuwa hema laku Moleke, ndi nyenyezi yo ya chiuta Rafane yo, vikozgo vyenivyo mungwata kuvilambiya, ndipo ndamkukusamiskiyani kurweka ku Babiloni.’

Malaki 1:12

Kweni imwe mulipepuwa pakukamba kuti gome la Ambuya ndakufipa ndipo kurgha kwa paku lo kutenere kuyeyeka.

Yeremiya 19:5

ndipo ŵazenga malo gha pachanya ghaku Bala, kochiyapo ŵana ŵawo mu moto nge ndi mpasku wakocha kwaku Bala, ine ndengavi kulangula pamwenga kukamba viyo ndipo kuti ndingughanaghana viyo cha.

1 ŴaKaronga 11:33

chifukwa chakuti wandijowo ine, wasopa Ashetaroto munthukazi wa ŵaSidoni, Kemoshi chiuta wa ŵaMoabu, ndi Milkomu chiuta wa ŵaAmoni, ndipo walivi kwenda mu nthowa zangu, kuchita chenicho nchakurunjika mu maso ghangu, kusunga marangu ghangu ndi vyeruzgu vyangu, nge ndimo wanguchitiya Davidi awiske.

1 ŴaKaronga 11:7

Solomoni wanguzenge Kemoshi ukazuzi waku Moabu malo gha pachanya, ndi Moleki ukazuzi wa ŵina Amoni pa phiri kuvuma kwa Yerusalemu.

ŴaLevi 22:2

“Kambiya Aroni ndi ŵana ŵake kuti ŵajituzgeko ku vinthu vyakupaturika vya ŵaYisraele, vyo ŵatuvipaturiya kwaku ine, alinga kuti ŵareke ku kazuzga zina langu lakupaturika. Ndine Ambuya.

Amosi 5:26

Mukatonga Sakuti karonga winu, ndi Kaiwana chiuta winu wa nyenyezi, vikozgo vinu, vyo mungujipangiya;

Ezekiele 23:37

Pakuti ŵachita ureŵi, ndopa ze pa manja ghawo; ŵachita ureŵi ndi ŵangoza ŵawo; ndipo ŵapereka kwaku wo ŵana, ŵawo ŵanthurumi kuŵa kurgha kwako, ŵana wo ŵangupapiya ine.

Ezekiele 20:31

Po mupereka vyawanangwa ndi kupereka ŵana ŵinu sembe yapa moto, mwajikazuzga imwe mwaŵeni ndi ŵangoza ŵinu wose mpaka ku zuŵa lino. Ndipo kumbi ndikafumbirikiyanga ndi imwe, owe nyumba yaku Yisraele? Mo ndiliri wamoyo, atiti Ambuya Chiuta, kuti ndikafumbirikiyanga ndi imwe cha.

Yeremiya 7:31

Ndipo ŵazenga malo gha pachanya pa Tofeti, gho ghe mu dambo la mwana waku Hinomu, kwachocha ŵana ŵawo ŵanthurumi ndi ŵana ŵawo ŵanthukazi mu moto; chinthu cho ndengavi kuchitamula, chingana nkhuti chenga mu maghanughanu ghangu nako cha.

2 ŴaKaronga 23:10

Ndipo ŵangukazuzga Tofeti, yo we mudambo la ŵana ŵaku Hinomu kuti paulevi yumoza wakuti wawochemo mwana wake munthurumi pamwenga mwana wake munthukazi kuŵa mpasku kwaku Moleki.

2 ŴaKaronga 21:6

Ndipo wangocha mwana wake uli ndi mpasku, ndipo so wachitanga uchanusi ndi kombeza, wanguwukwa ku viŵanda ndi ufwiti. Wanguchita viheni vinandi mu maso gha Ambuya, kuŵasosomole ku ukari.

2 ŴaKaronga 16:3

kweni wangwenda mu nthowa ya ŵakaronga ŵaku Yisraele. Ndipo wangocha chingana ndi mwana wake kupereka mpasku, kwakuyana ndi unyakazi wakuchitika ndi mitundu yo Ambuya angudikiska paurongo pa waYisraele.

ŴaLevi 21:6

Ŵakaŵanga ŵakupaturika kwaku Chiuta wawo, kweni kukazuzga zina laku Chiuta wawo cha; pakuti iwo ŵapereka sembe zapa moto ku Ambuya, chiŵande chaku Chiuta wawo; chifukwa cho ŵakaŵanga ŵakupaturika.

ŴaRoma 2:24

Chifukwa, uli ndimo kwalembeke, “Zina laku Chiuta litokoskeka mu ŵaMitundu pa chifwa chinu.”

ŴaRoma 1:23

ndipo ŵangusanduska unkhankhu waku Chiuta wambura kuwo ku ngoza wakulinganizgika ndi munthu yo wawo, ndi viyuni, ndi vya marundi ghanayi, ndi vyakukwaŵa.

2 Mikoka 28:3

ndipo wanguwocha vyakununkhira mu dambo la mwana waku Hinomu, ndi wangocha ŵana ŵake kuŵa sembe kwakuyana ndi kachitiro kaunyakazi ka mitundu yeniyo Ambuya anguyidikiska paurongo paku Yisraele.

Yeremiya 32:35

Ŵakuzenga vitanthali vyaku Bala mu dambo la mwana waku Hinomu, kwachipereka ŵana ŵawo ŵanthurumi ndi ŵanthukazi kwaku Moleke po ine ndengavi kuŵalanguliya, nanga nkhughanaghana kuti ŵachitenge ukazuzi uwu, kumulakwiska Yuda.

Ezekiele 20:26

ndinguŵakazuzga mu vyawanangwa vyaku iwo ŵeneko pakuŵachitiska kuti ŵapereke mpasku wapa moto ŵana ŵawo wose ŵaumwali, mwakuti ndiŵawofye, ndinguchita ichi alinga kuti ŵaziŵe kuti ine ndine Ambuya.

Mika 6:7

Kumbi nkhaperekanga mwana wangu wa umwali chifukwa cha maulakwi ghangu, chipasi cha liŵavu langu chifukwa cha kwananga kwa mzimu wangu?”

ŴaLevi 24:15

Ndipo ukambe ku ŵaYisraele kuti yose wakutuka Chiuta wake wakalakwanga.

2 ŴaKaronga 17:31

ŵaAva ŵangupanga Nibhazi ndi Tartaki, ndipo ŵaSefarvaimu wangocha ŵana ŵawo pa moto koche Adramumeleki ndi Anamumeleki ŵachiuta ŵa ŵaSefarvaimu.

Amosi 2:7

Ŵeniwo ŵakandirizga mutuwa mkavu pa fuvu la pasi; ndi kupetuskiya kunyake nthowa ya wakusuzgika; mwana ndi wiske ŵasere mu mwali yumoza, viyo zina langu lituŵa lanangika;