ŴaLevi 17:15 - Tonga Bible 1986

¹⁵ Ndipo munthu yose yo wakarghanga chakufwa chija; pamwenga cho chabayika ndi vikoko manyi yo munthu ndi mwenicharu pamwenga ndi mwendathowa wakachapanga vivwaru vyake wakasambanga mu maji, ndi kuŵa wakunguzgika mpaka mazulo; pavuli wakatozgekanga.

ŴaLevi 17:15 Referans Kwoze

Marangu 14:21

“Mungarghanga cha kanthu kose ko kafwa kija. Mukapaske ku mlendo yo wemu mizi yinu, kuti warghe, pamwenga muguliske ku ŵalendo; pakuti imwe ndimwe ŵanthu ŵakupaturika ku Ambuya Chiuta winu. Mungabikanga mwana wa mbuzi mu mkaka wa nyina.

ŴaLevi 22:8

Cho nchakufwa chija pamwenga chakupalurika ndi vikoko wangarghanga cha, kujikazuzga nacho: Ndine Ambuya.’

Chituwa 22:31

“Mukaŵanga ŵanthu ŵakupaturikiya ine; chifukwa cho kuti mukarghanga nyama yakuparurika ndi chikoko cha mu dondo cha, muyitayiyenge ŵagaru.

ŴaLevi 11:25

ndipo we yose wakunyamuwa kachiŵaru ke kose ka thupi lawo wakachapanga saru zake, ndi wakaŵanga wakunguzgika mpaka mazulo.

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.

Ezekiele 44:31

Ŵazukuru ŵareke kurgha chinthu chose, kaya nchiyuni pamwenga nyama, cho chachita kufwa chija pamwenga kuthwazurika.

Ezekiele 4:14

Ine ndinguti, “A, Ambuya Chiuta! Aawonani, ndilivi kujikazuzgapo kutuwa ku wana wangu mpaka kuno ku sono kuti ndarghapo chakufwa chija cha, pamwenga chakuthwazurika ndi vinyama, nanga ndi nyama yakuvunda kuti ndayesa mu mlomo wangu cha.”

ŴaLevi 15:5

Ndipo yo wakakwaskanga chita chake wakachapanga vyakuvwara vyake, ndi kusamba mu maji, wakaŵanga wakukozuzgika mpaka mazulo.

Maŵerengedu 19:21

Ndipo likaŵaŵiyanga langulu la muyaya. Yo wawazga maji ghakuphotole wakachapanga vivwalo vyake; ndipo wakukwaska maji ghakuphotole wakaŵanga wakunguzgika mpaka mazulo.

Maŵerengedu 19:19

munthu wakuphotoka wakawazgiyanga pa wakunguzgika pa zuŵa la chitatu ndi pa zuŵa la chinkhonde ndi chiŵi, ndipo wakachapanga vivwalo vyake ndi kusamba mu maji, sono ku mazulo wakaŵanga wakuphotoka.

Maŵerengedu 19:8

Yo wakawochanga ng'ombe yo wakachapanga vivwalo vyake ndi kusamba liŵavu lake, ndipo wakaŵanga wakunguzgika mpaka mazulo.

ŴaLevi 15:21

Ndipo yose wakukwaska chakulapo chake wakasambanga maji, wakaŵanga wakukazuzgika mpaka mazulo.

ŴaLevi 15:10

Ndipo yose wakukwaska chose cho wangujapo, wakaŵanga wakukazuzgika mpaka mazulo; ndipo yose wakunyamuwa chinthu cha viyo wakachapanga vyakuvwara vyake, wakasambanga mu maji, ndi wakaŵanga wakukazuzgika mpaka mazulo.

ŴaLevi 7:24

Mafuta cha chinyama chakufwa chija, ndi mafuta ghaku cho chapalurika ndi vikoko, muchiti nagho mlimu we wose kweni mureke kughargha.

ŴaLevi 11:40

Yo wakayirghanga nayo so wakachapanga saru zake, ndipo wakaŵanga wakunguzgika mpaka mazulo.

Chituwa 22:30

Ng'ombe zako nazo ukachitanga kwakukozganga ndi mberere nazo viyo pe; mazuŵa ghankhonde ndi ghaŵi yikaŵanga ndi nyina; pa zuŵa la chinkhonde ndi chitatu ukayipaskanga kwaku ine.

ŴaLevi 11:24

“Ndipo chifukwa chaku ivi mukakazuzgikanga; yose wakuko thupi lake wakaŵanga wakunguzgika mpaka mazulo,

ŴaLevi 11:27

Ndipo mukati mu vinyama vyakwende marundi ndi manja, vyose vyakwende njoŵe vya munguzgu kwinu, munthu yose wakukwaska thupi laku vyo wakaŵanga wakunguzgika mpaka mazulo.

ŴaLevi 11:28

Ndipo yo wanyamuwa thupi laku vyo wakachapanga saru zake ndipo wakaŵanga wakunguzgika mpaka mazulo; vyamunguzgu kwinu.

ŴaLevi 11:31

Ivi vyamunguzgu kwinu mu vyakwandana vyose vyakukwaŵa; yose wakuvikwaska po vyafwiya wakaŵanga wakunguzgika mpaka mazulo.

ŴaLevi 11:32

Ndipo ke kose ko chakufwa cho chawiyapo, kakaŵanga ka munguzgu manyi nkhamuti pamwenga chakuvwara; pamwenga chikopa pamwenga chigudulu, chiyaŵi che chose chakutataliyamo ke kose katenere kubizgika mu maji ndipo kakaŵanga kakutozgeka.

ŴaLevi 11:39

“Ndipo asani nyama yose yo mungargha yafwa, yo wakwaskenge thupi lake, wakaŵanga wakunguzgika mpaka mazulo, ndipo wakunyamuwa thupi lo nayo wakachapanga saru zake, wakaŵanga wakunguzgika mpaka mazulo.