ŴaLevi 17:11 - Tonga Bible 1986

¹¹ Pakuti umoyo wa liŵavu ndi ndopa; reka ndazisankha kuŵa zakupepeske pa jochero chifukwa chinu: ndi ndopa, ndizo umoyo, ndizo zichita mphepeska.

ŴaLevi 17:11 Referans Kwoze

ŴaHebere 9:22

Ndipo mwa dangu lo viŵiviŵi vyose viphotoleka ndi ndopa, ndipo kwambura kudika ndopa chireke palive.

1 Yohane 1:7

kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

ŴaRoma 3:25

mweniyo Chiuta wangumumika kuŵa mphepeska mu chivwanu, mu ndopa zake, kwachirongo urunji wake, pa chifukwa cha kujumphapo maulakwi ghakuŵapo kali, mu chilekerezga cho chaku Chiuta, ndititi,

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

Marko 14:24

Ndipo wanguŵanene, “Chenichi ndi ndopa zangu, za phanganu, zakudikiya pa ŵanandi.

Chiyambo 9:4

Chimoza pe kuti mukargbanga nyama ndi umoyo wake cha, wo ndi ndopa zake.

ŴaKolose 1:14

mwaku mweniyo te nawo uwombozi kuchireke cha vilakwa.

Mateyu 26:28

chifukwa ili ndi ndopa zangu za chipanganu chifya, zakudikiya pa chifwa cha ŵanandi ku chireke cha vilakwa.

ŴaHebere 13:12

Viyo so Yesu nayo, alinga kuti wapaturiye khamu mu ndopa zaku yija, wangukomwa kubwaro ku ugoŵi.

ŴaEfeso 1:7

Mwaku mweniyo te nawo uwombozi mu ndopa zake, chireke icho cha mamphuru ghidu, kwakuyana ndi usambasi wa wezi wake,

ŴaLevi 17:14

“Pakuti umoyo wa chamoyo chose ndi ndopa zake, chifukwa cho ndaŵanene ŵaYisraele, kuti, Mungarghanga cha ndopa za chamoyo chose, pakuti umoyo wa chamoyo chose ndi ndopa zake; we yose yo wakazirghanga wakadumulikangako.

1 Petro 1:2

ŵakusankhika uli ndi mziŵiru limu waku Chiuta Dada, mu chitowesku cha Mzimu, ku muvwiyu ndi ku chiwazga cha ndopa zaku Yesu Kristu: Wezi ndi chimangu vyandaniskikiye kwaku imwe.

ŴaKolose 1:20

ndipo kuti mwaku iyo wasopaniskiye vyose kwaku yija, wati wachitiya chimangu mu ndopa za mphinjika yake; ndititi, kwachisopaniskiya mwaku iyo pamwenga vyo vyapa charu, pamwenga vyo vya kuchanya.

ŴaRoma 5:9

Ukongwa viŵi, tati tarunjiskikiya sono mu ndopa zake, titaskikenge ku kandundu ko ndi iyo.

ŴaLevi 8:15

Ndipo Mosese wanguyibaya, wanguto ndopa, ndipo ndi munwi wake wanguziŵika pa masengwe gha jochero kwakuzunguliya, ndipo wangutozga jochero, wangupunguliya ndopa musina mwa jochero, ndi wanguripatuwa kulichitiya mphepeska.

1 Yohane 2:2

iyo nayo ndi mphepeska pa chifukwa cha vilakwa vidu; ndipo pa vidu pe cha, kweni so pa chifukwa chaku vya charu chose.

Mateyu 20:28

ulaka ndimo Mwana wa munthu kuti wanguziya kwachiteŵeteke cha, kweni kwachiteŵete ndi kupereka umoyo wake thumba lapa ŵanandi.”

ŴaLevi 16:11

“Aroni wapereke nkhuzi kuŵa sembe yapa ulakwi ndipo wakajipepeskiyanga iyo mweneko ndi nyumba yake, wakabayanga nkhuzi yo kuŵa sembe yapa ulakwi wa mweneko.

ŴaLevi 1:5

Ndipo wakabayanga nkhuzi yo paurongo pa Ambuya; ndipo ŵana ŵaku Aroni ŵazukuru wo, ŵakarongonga ndopa zo, ndipo ŵakawazganga kwakuzunguliya uku ndi uku pa jochero la sembe lo le pa khomo pa hema lakuwunganamo.

ŴaLevi 17:12

Chifukwa cho ndaŵanene ŵaYisraele, paulevi munthu wa mukati mwinu yo wakarghanga ndopa chingana ndi mulendo wakutandara mukati mwinu.

ŴaLevi 4:25

Sono mzukuru wakatonga ndopa zinyake za mpasku wapa ulakwi ndi munwi wake ndi kuziŵika pa masengwe gha jochero la mpasku wakocha.

ŴaLevi 4:26

Ndipo mafuta ghake ghose wakawochanga pa jochero uli ndi mafuta gha mpasku wa chimangu; Viyo mzukuru wakamupepeskiyanga ulakwi wake, ndipo wakagowokelekiyanga.

Marangu 12:23

Kweni mutenere kuŵa ŵaneneska kuti muturgha ndopa cha; chifukwa ndopa mbumoyo, ndipo mukarghanga umoyo ndi nyama cha.