ŴaLevi 17:10 - Tonga Bible 1986

¹⁰ “Asani munthu wa nyumba yaku Yisraele pamwenga ya ŵalendo ŵakutandara mukati mwawo waturgha ndopa ze zose, ndikamikananga nayo munthu yo, ndipo ndikamudumuwangako ku ŵanthu ŵake.

ŴaLevi 17:10 Referans Kwoze

ŴaLevi 17:11

Pakuti umoyo wa liŵavu ndi ndopa; reka ndazisankha kuŵa zakupepeske pa jochero chifukwa chinu: ndi ndopa, ndizo umoyo, ndizo zichita mphepeska.

Marangu 12:23

Kweni mutenere kuŵa ŵaneneska kuti muturgha ndopa cha; chifukwa ndopa mbumoyo, ndipo mukarghanga umoyo ndi nyama cha.

Marangu 12:16

Kweni mungargha ndopa cha, muzidire pasi nge ndi maji.

ŴaLevi 3:17

Ili likaŵanga dangu la muyaya mu migonezi yinu yose, mu malo ghinu ghose ghakujamo, lakuti mureke kurgha mafuta chingana ndi ndopa.”

Yeremiya 44:11

“Chifukwa cho atiti Ambuya ŵa maŵanja, Chiuta waku Yisraele: Ehe, ndikalazganga chisku changu paku imwe kumikana namwe pa uheni, kudumuwako Yuda yose.

1 Samuele 14:33

Sono ŵangunene Sauli, “Awonani, ŵanthu ŵalakwiya Ambuya, pakurgha ndi ndopa zake.” Ndipo iyo wanguti, “Mwachita chinthu chiheni, ndikunkhuzgiyeni kuno mwa ukuru.”

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

Chiyambo 9:4

Chimoza pe kuti mukargbanga nyama ndi umoyo wake cha, wo ndi ndopa zake.

Ezekiele 44:7

pakuti mwazomerezga ŵalendo, ŵambura kuchinjika mu mtima ndi liŵavu, kusere mu malo ghangu ghatuŵa, kughafipiska, po mutindipaska kurgha kwangu, mafuta ndi ndopa. Mwaswa phanganu langu, mukusazgiyako ku maunyakazi ghinu ghose.

Ezekiele 15:7

Ndikarazganga chisku changukumikana nawo; nanga ŵangapozomoka ku moto, kweni ndipuuli moto ukaŵarghanga; ndipo mukaziŵanga kuti ine ndine Ambuya, po ndirazga chisku changu kumikana nawo.

Ezekiele 14:8

ndikamikanga ndi munthu wa viyo ndikamusanduskanga chisimikizgu ndi chakusekeska ndi kumudumuwa mukati mu ŵanthu ŵangu; ndipo mukaziŵanga kuti ine ndine Ambuya.

Sumu 34:16

Chisku cha Ambuya chimikana ndi ŵakuchita utimbanizi, kudumuwa chinkhumbu chawo mu charu.

Marangu 15:23

Ndopa zake pe mungarghanga cha; mukazidiranga pasi nge ndi maji.

ŴaLevi 19:26

“Mungarghanga nyama ndi ndopa zake cha. Mungachitanga chanusi ndi ufwiti cha.

Ezekiele 33:25

Chifukwa cho uŵanene kuti, Viyo atiti Ambuya Chiuta: Muturgha nyama ndi ndopa, ndipo muyinuskiya maso ghinu ku ŵangoza, ndi kudiska ndopa, kumbi mungahara charu viyo?

Yeremiya 21:10

Pakuti ndalereska chisku changu pa msumba uwu kuwuchitiya uheni umampha cha, atiti Ambuya: ukapaskikanga mu janja la karonga wa Babiloni, ndipo wakawochanga ndi moto.’

Machitidu gha Ŵakutumika 15:20

kweni kuti tilembe kwaku wo kalata wakuti ŵajitinthe ku vyaukazuzi vya ŵangoza, ndi ku uyaya, ndi ku vyakuphuphunyuka, ndi ku ndopa.

ŴaHebere 10:29

mughanaghana kuti weruzgikenge nge ngwakwenere chilanga chikuru chauli, yo wakandirizga pasi Mwana waku Chiuta yo, ndi wazipima ndopa za chipanganu, mwaku zo wangupaturikiya, chinthu chaŵaka, ndi wayuyuwa Mzimu wa wezi?

Machitidu gha Ŵakutumika 15:29

kujikanizga vyakubayikiya ŵangoza, ndi ndopa, ndi vyakuphuphunyuka, ndi vyauyu; pakujitintha kwaku vyenivyo, mwamchita umampha. Paweme.”

1 Samuele 14:32

ŵanguchimbiriya pa muskowo, ndipo ŵanguto mberere, ng'ombe ndi mathole, ŵanguvibayiya pasi ndipo ŵangurgha ndi ndopa zake.

2 Samuele 23:17

Wanguti, “Chindiŵiyi kutali, Ambuya, kuti ndichiti ichi. Kumbi ndimwengi ndopa za ŵanthu wo ŵanguruta pa kujipata maumoyo ghawo?” Pa chifukwa ichi kuti wangumwa cha. Ivi ndivyo vinguchitika ndi vinkhara vitatu viya.

Amosi 9:4

Chingana ŵangaruta ku umkoli pamaso gha ŵarwani ŵawo, ndamulanguliya lipanga, ndipo lakuŵabaya kweniko; ndipo ndilereskenge maso ghangu paku iwo, kuŵachitiya uheni, kweni kuŵachitiya umampha cha.”

Chituwa 30:33

We yose wakuchita ghe ghose kukozganiskana nagho pamwenga we yose yo wakaŵikanga ghanyake gha mafuta yagha pa wakubwalo wakadumulikangako ku ŵanthu ŵake.’ ”