ŴaLevi 16:22 - Tonga Bible 1986

²² Mbuzi yikanyamuwanga mauheni ghawo ghose kuya nagho ku charu chambura ŵanthu; munthu yo wakyitayanga yirutenge mu bozwa.

ŴaLevi 16:22 Referans Kwoze

1 Petro 2:24

Iyo mweneko wangunyamuliya vilakwa vidu mu liŵavu lake pa muti wo, alinga kuti ifwe taŵakufwa kuchiri ku vilakwa tijaririyenge ŵamoyo kuchiri ku urunji; mu vikukusa vyaku mweniyo munguchizgika.

ŴaHebere 9:28

viyo Kristu nayo, wati waperekeka kamoza kwachinyamuliya vilakwa ŵanandi, wamwoneka kachiŵi, kwambura maulakwi, ku ŵakumlereze, kwachiŵataska.

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

ŴaGalatia 3:13

Kristu watiwombo ifwe ku tembo la chilangulu cho, pakuŵa wakutembeka pa chifukwa chidu: chifukwa kwalembeka, “Ngwakutembeka yose yo ngwakupayikika pa muti”:

Mika 7:19

Ŵakaŵanga so nafwe ndi chitima, wakakandirizgiyanga pasi pamarundi ghake maulakwi ghidu. Mukatayanga mu zindimba za nyanja mauheni ghidu ghose.

Sumu 103:12

nge ndimo kuvuma kuŵiya kutali ndi kuzambwe viyo ndimo anderezge kutali kwaku ifwe mphurupuru zidu.

Sumu 103:10

Kuti atichitiya kwakuyana ndi uheni widu cha, pamwenga kutiwerezgiyapo kwakuyana ndi vyakulakwa vidu.

Ezekiele 18:22

Palivi nanga nchimoza cha vilakwa vyake cho chikakumbukikanga paku iyo; chifukwa cha urunji wo wachita wakaŵanga wamoyo.

ŴaLevi 16:21

Aroni wakaŵikanga manja ghake ghaŵi viyo pa mutu wa mbuzi yamoyo ndi kusumuliyapo paku yo mauheni ghose gha ŵaYisraele, majumphu ghawo ghose, ndi maulakwi ghawo ghose; ndipo wakaviyirikanga pa mutu wambuzi yo wakayidikiskiyanga kubozwa pa janja la munthu munyake yo warindizga penipo.

ŴaLevi 16:23

“Pavuli Aroni wakaserenga mu hema lakuwunganamo, wakazuwanga vivwaro vituŵa vyo wanguvwara po wangusere mu malo ghakupaturika, ndipo wakavisiyanga mwenimuwa.

Ezekiele 4:4

“Sono ugone kumbegheka yako ya kumaze, ndipo ndikagonekanga kulangika kwaku Yisraele paku iwe; kwakuyana ndi unandi wa mazuŵa gho ugoniyengeko ukapinganga kulangika kwawo.

ŴaLevi 14:7

ndipo wakaziwazgiyanga paku yo watozgekenge ku makhate kankhonde ndi kaŵi; sono wakanenanga kuti watozgeka, ndipo wataye chiyuni chamoyo cho chiphururikiye ku dondo.