ŴaLevi 16:21 - Tonga Bible 1986

²¹ Aroni wakaŵikanga manja ghake ghaŵi viyo pa mutu wa mbuzi yamoyo ndi kusumuliyapo paku yo mauheni ghose gha ŵaYisraele, majumphu ghawo ghose, ndi maulakwi ghawo ghose; ndipo wakaviyirikanga pa mutu wambuzi yo wakayidikiskiyanga kubozwa pa janja la munthu munyake yo warindizga penipo.

ŴaLevi 16:21 Referans Kwoze

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

Yesaya 53:6

Tose nge ndi mberere taranda; tang'anamukiya yumoza ndi yumoza ku nthowa yake; ndipo Ambuya ayirika paku iyo mauheni ghaku ifwe tose.

Sumu 51:3

Chifukwa mamphuru ghangu ine ndituziŵa ndipo uheni wangu we paurongo pangu nyengo yose.

Ezra 10:1

Po Ezra wanguromba ndi kuzomera uheni, kuliya ndi kuwa pasi paurongo pa myumba yaku Chiuta, unguwungana kwaku iyo mzinda ukuru wa ŵanthurumi ndi ŵanthukazi ndi ŵana chifukwa ŵanthu ŵanguliya ukongwa.

ŴaRoma 10:10

pakuti ndi mtima munthu wavwaniya ku urunji; ndipo ndi mlomo wazomera ku utaski.

Nthanthi 28:13

Mweniyo wabisa mautimbanizi ghake kuti wakasakatanga cha, kweni mweniyo wazomera ndi kughareka wakarondiyanga lisungu.

Sumu 32:5

Kwananga kwangu ndingumuziŵiskani, ndipo kubende kwangu kuti ndingubisa cha; ndinguti, “Ndizomerenge mamphuru ghangu ku Ambuya”; ndipo imwe mungugowoke kwananga kwa uheni wangu.

ŴaLevi 26:40

“Kweni asani ŵakazomeranga ulakwi wawo ndi ulakwi wa auskeu wa urghargha wo ŵanguchitiya ine; ndi ulakwi wakwenda kwakupambana nane,

Chituwa 29:10

“Pavuli mukatolenga nkhuzi yo paurongo pa hema lakuwunganamo Aroni ndi ŵana ŵake ŵanthurumi ŵakaŵikanga manja ghawo pa mutu wa nkhuzi yo,

ŴaLevi 5:5

Munthu yo we ndi mlandu wa viyo wakazomeranga ulakwi wake wo wakuchita,

ŴaLevi 1:4

Wakalarikanga janja lake pa mutu wa mpasku wakocha, ndipo ukarondekiyanga iyo kuŵa wakumuŵeyerere.

ŴaLevi 16:20

“Sono watakuti wamara kupepeske malo ghakupaturika, hema lakuwunganamo, ndi jochero, wakaperekanga mbuzi yamoyo;

ŴaLevi 16:22

Mbuzi yikanyamuwanga mauheni ghawo ghose kuya nagho ku charu chambura ŵanthu; munthu yo wakyitayanga yirutenge mu bozwa.