ŴaLevi 16:13 - Tonga Bible 1986

¹³ ndi kuŵika vyakusunkhizga pa moto paurongo pa Ambuya alinga kuti mtambo wa vyakusunkhizga uvimbe chitengo cha lisungu, cho che pachanya pa bokosi la phanganu; vinu wangafwa

ŴaLevi 16:13 Referans Kwoze

Chituwa 25:21

Ndipo mukaŵikanga chitengo cha lisungu pachanya pabokosi; ndipo mukati mu bokosi mukaŵikangamo phanganu lenilo ndikakupaskaninga.

Chituwa 30:1

“Mukachitanga jochero lakochiyapo vya chema. Mukalichitanga ndi muti wa mlombwa.

ŴaHebere 9:24

Chifukwa Kristu walive kusere mu malo ghakupaturika ghakwatika ndi ŵanthu, cho nchikozgu cha malo gheneko. Kweni wanguruta kuchanya iko, kweniko sono wawoneka paurongo paku Chiuta pa chifwa chidu:

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

Maŵerengedu 16:46

Sono Mosese wangunena ndi Aroni, “To mbali yakusunkhizgiyamo, ndipo kwakutinthimika ujitore ku wumba, kuŵapepeske; chifukwa kwatuwa ukari ku Ambuya, ndipo nthenda yayamba.”

Maŵerengedu 16:18

Viyo munthu yose wanguto mbali yake; yakusunkhizgiyamo, wangukozgamo moto ndi kulalikapo vyakusunkhizga, ndipo wanguma pa khomo la hema lakuwunganamo pamoza ndi Mosese ndi Aroni.

Maŵerengedu 16:7

mukozgemo moto ndipo muŵikemo vyakusunkhizga paurongo pa Ambuya lamawa, ndipo munthu yo Ambuya asankha ndiyo mtuŵa. Imwe ŵaLevi mwajikwezga ukongwa!”

ŴaLevi 22:9

Chifukwa cho ŵazukuru ŵakavwiyanga kurangula kwangu; vinu ŵangatopo ulakwi ndi ŵangafwa pakukazuzga zina langu: Ndine Ambuya wo atiŵapatuwa.

Chituwa 28:43

ndipo ŵakavwaranga Aroni ndi ŵana ŵake ŵanthurumi, ŵachamusere mu hema lakuwunganamo pamwenga ŵachiza kufupi ku jochero la sembe kwachiteŵeta malo ghakupaturika; vinu ŵangajitole ulakwi pa ŵeneko ndi ŵangafwa. Ili likaŵanga dangu lakulembeka lambura kumara paku iyo ndi pa mphapu zake pavuli paku iyo.

Maŵerengedu 4:15

Ndipo asani Aroni ndi ŵana ŵake ŵamara kuvunikiriya chihema chakupaturika, ndi vyakuteŵete vyose vyamu malo ghakupaturika, pa kusoka ugoŵi; pavuli pake, ŵana ŵaku Kohati ŵazenge kuzachinyamuwa ivi; kweni ŵareke kukwaska vinthu vyakupaturika, vinu ŵangafwa. Vinthu ivi ndivyo mphingu za ŵana ŵaku Kohati vyamu hema lakuwunganamo.

Maŵerengedu 4:20

kweni iwo kuti ŵakaserenga mukati kwachiwona vinthu vyakupaturika cha, vinu ŵangafwa.”

Marangu 33:10

Ŵakarunguchizganga Yakobe vyeruzgu vinu ndi Yisraele dangu linu, wakaperekanga vya chema paurongo pinu ndi sembe yose yakocha pa jochero linu.