ŴaLevi 15:31 - Tonga Bible 1986

³¹ “Viyo ndimo mukaŵatuzgiyangako ŵaYisraele ku kukazuzgika kwawo vinu ŵangafwiya mu kuwura kutozgeka kwawo pakukazuzga chihema changu cho che mukati mwawo.”

ŴaLevi 15:31 Referans Kwoze

Maŵerengedu 19:20

“Kweni munthu yo wambura kuphotoka ndi kuti watijiphoto cha, munthu wa viyo wadumulikemo mukati mu unganu, chifukwa wakazuzga nyumba yakupaturika ya Ambuya; pakuti maji ghakuphotole ghalivi kuwazgike paku iyo, ngwakunguzgika.

Ezekiele 5:11

Viyo, mo ndiliri wamoyo, atiti Ambuya Chiuta, kwakuneneska, pakuti mwakazuzga malo ghangu ghakupaturika ndi vinthu vinu vyose vyakuchitiska soni ndi maunyakazi ghinu ghose, nadi ndikakudumuliyaninga pasi; jiso langu kuti lisiyengepo cha, ndikaŵangavi lisungu.

Maŵerengedu 19:13

Yose wakukwaska chiŵanda, thupi la munthu wakufwa, ndipo wareka kujitozga, wakazuzga chihema chakupaturika cha Ambuya, munthu wa viyo wadumlikemo mu ŵaYisraele; chifukwa maji ghakuphotole ghengavi kuwazgika paku iyo, ngwambura kutozgeka, kureka kutozgeka kwake kukamujaliriyanga.

Ezekiele 23:38

Chinyake cho ŵandichitiya nchakuti: ŵakazuzga malo ghangu ghakupaturika ndi kufipiska masabata ghangu pa zuŵa lenilo pe.

Maŵerengedu 5:3

uŵatuzge wose munthurumi ndi munthukazi, ŵatuzgikiye kubwalo kwa ugoŵi, alinga kuti ŵareke kukazuzga ugoŵi wawo, mukati mo Ine ndija.”

Yuda 1:4

Chifukwa ŵakwaŵiyamo kwaudeke ŵanthu ŵanyake wo kali ŵangutemeke limu ku chisusa chenichi, ŵambura uwopa Chiuta, ŵakusanduska wazi waku Chiuta widu ku uyaya, ndi ŵakumkana mweneko yija ndi Mbuyafwe Yesu Kristu.

ŴaHebere 10:29

mughanaghana kuti weruzgikenge nge ngwakwenere chilanga chikuru chauli, yo wakandirizga pasi Mwana waku Chiuta yo, ndi wazipima ndopa za chipanganu, mwaku zo wangupaturikiya, chinthu chaŵaka, ndi wayuyuwa Mzimu wa wezi?

1 ŴaKorinte 3:17

Asani yumoza wananga kasopi waku Chiuta, Chiuta wamunangenge iyo; chifukwa kasopi yo waku Chiuta ngwakupaturika, ndipo kasopi yo wakupaturika ndimwe.

Ezekiele 44:23

Ŵakasambizganga ŵanthu ŵangu kupambana kwa pakati pa vinthu vituŵa ndi vyakufipiskika, ndi kuŵarongo mo ŵangapatuliya pakati pa vyambura kuphotoka ndi vyakuphotoka.

Danyele 9:27

Ndipo wakapangananga phanganu lakukho ndi ŵanandi mu sabata yumoza; ndi pakatikati pa sabata ŵalekeskekenge sembe yakubaya ndi sembe ya ufwa; pa phaphiku la vyaukazuzi, pakazanga yumoza yo wapasuwa mpaka umari wakulangulika upungulikiya pa wakupasuwa.”

Sumu 66:18

Asani ndiŵenge wakuphwere viheni vyangu mukati mu mtima, mphanyi Ambuya kuti angundivwa cha.

Marangu 24:8

“Asani munthu watama ndi makhate, phwereni kuchita kwakuyana ndi vyose vyenivyo ŵazukuru ŵaLevi ŵakamurongoninga. Muchitenge ndi kuphwere.

ŴaLevi 21:23

kweni kuti wakazanga kufupi ndi chivwinkhu cha, pamwenga kuza ku jochero, chifukwa wendi kalema; vinu wangakazuzga malo ghangu ghakupaturika, pakuti ine ndine Ambuya yo watighapatuwa.”

ŴaLevi 20:3

Ine ndamweni ndikarwananga nayo ndipo ndikamudumuwangako ku ŵanthu ŵake, chifukwa wapereka yumoza wa ŵana ŵake kwaku Moleke kufipiska nyumba yangu yakupaturika, ndi kunanga zina langu lakupaturika.

ŴaLevi 19:30

Mu sungenge masabata ndi kutumbika nyumba yangu: Ndine Ambuya.

ŴaLevi 13:59

Ili ndi dangu la nthenda ya makhate mu chakuvwara cha weya pamwenga cha befuta, pamwenga mu uzu wakumika pamwenga wakupinjika, pamwenga mu chinthu chose chakuchitika ndi chikopa pakuchinena kuti nchakutozgeka pamwenga nchambura kutozgeka.

ŴaLevi 11:47

kupambaniska pakati pa vya munguzgu ndi vyakuphotoka, ndi chamoyo cho nchamarghika ndi cho nchambura kurghika.

ŴaLevi 15:32

Ili ndi dangu laku yo wendi kusuruwa ndi laku yo wakoza upafi, pa kuŵa wambura kutozgeka;

1 Samuele 3:14

Pa chifukwa ichi ndarapa ku nyumba yake Eli kuti uheni wapa nyumba yaku Eli kuti ukatozgekanga ndi sembe pamwenga mpasku cha muyaya.”

Ezekiele 36:17

“Mwana wa munthu po ŵaYisraele ŵajanga mu charu chawo, ŵanguchikazuzga chifukwa cha nthowa zawo ndi nchitu zawo; majaridu ghawo paurongo pangu ghanguŵa nge nkhufipiskika kwa munthukazi yo we mu masambi.