ŴaLevi 15:25 - Tonga Bible 1986

²⁵ “Asani munthukazi waŵa ndi kusuruwa ndopa kwa mazuŵa ghanandi, pa nyengo yake ya masambi cha, pamwenga asani wendi kusuruwa kwakurutizga nyengo yake ya masambi; mazuŵa ghose ghakusuruwa wakarutiliyanga kuŵa wakukazuzgika uli ndi mu mazuŵa ghake gha masambi, wakaŵanga wakukazuzgika.

ŴaLevi 15:25 Referans Kwoze

Luka 8:43

Ndipo munthukazi, wakuŵa ndi chisuruwa ndopa virimika chumi ndi viŵi, mweniyo wangumariyapo pa zing'anga umoyo wake wose, ndi kuti wanguziŵa kuchizgika ndi yimoza cha,

Marko 5:25

Ndipo mweni-muwa mwenga munthukazi msuruwa ndopa yo wangutama kwa virimika chumi ndi viŵiyo wangukunthiyapo vinandiku ng'anga zinandi, ndi wangumara vyake vyose,

Mateyu 9:20

Ndipo, ehe, munthukazi, msuruwa ndopa virimika chumi ndi viŵi, wakuza kuvuli kwake, wangukwaska mphonji za munjirira wake:

ŴaLevi 15:26

Chita chose cho walapo mu mazuŵa ghose gha kusuruwa kwake, chikaŵanga nge nchakulapo cha masambi; ndipo chose cho wangajapo chikaŵanga chakunguzgika, uli ndi mu nyengo yake ya masambi.