ŴaLevi 15:18 - Tonga Bible 1986

¹⁸ Nanga ndi munthukazi yo wagona ndi munthurumi wakukoza upafi, wose ŵaŵi ŵasambe mu maji, ndipo ŵaŵange ŵakukazuzgika mpaka mazulo.

ŴaLevi 15:18 Referans Kwoze

1 Petro 2:11

Mwaŵakwanjiwa, ndikuŵeyereni nge mbayinga ndi ŵalendo kufunga pa maulakalaka ghanyama, ghenigho ghaturwa pa uzima wo.

ŴaHebere 13:4

Nthengwa yiŵe yaulemu mwaku wose, ndipo chita chiŵe chikhovu: chifukwa ŵareŵi ndi ŵarowozi waŵeruzgenge Chiuta.

2 Timote 2:22

Kweni thaŵanga maulakalaka ghauhurwa, ndipo ndondoloska urunji, chivwanu, chanju, chimangu, pamoza ndi ŵeniwo ŵadaniya pa Mbuya ndi mtima ukovu.

1 ŴaKorinte 6:18

Uthaŵeni ureŵi wo, chakulakwa chose cho wangachita munthu che kubwaro ku liŵavu; kweni yo ngwakureŵa walakwiya liŵavu laku yija.

1 ŴaKorinte 6:12

“Kwaku ine vinthu vyose vyamachitika”; kweni kuti vyose vitovya cha. “Kwaku ine vinthu vyose vyamachitika,” kweni kuti nkhaŵanga muŵanda ku kanthu ke kose cha.

Sumu 51:5

Ehe, mu kubende ndingulengeka, ndipo mu kwananga wangundizuwukiya ama.

ŴaLevi 15:5

Ndipo yo wakakwaskanga chita chake wakachapanga vyakuvwara vyake, ndi kusamba mu maji, wakaŵanga wakukozuzgika mpaka mazulo.

Chituwa 19:15

Ndipo wanguti ku ŵanthu, “Muŵe ŵakurongosoreka zuŵa la chitatu; munganderenga kufupi ku munthukazi cha.”

ŴaLevi 15:16

“Kweni asani munthurumi wakoza upafi, wakasambanga liŵavu lake lose mu maji, ndi wakaŵanga wambura kutozgeka mpaka mazulo.

ŴaLevi 15:17

Ndipo chakuvwara chose ndi khungu lose paku lo upafi wadikapo wavisuke ndi maji, kweni vikaŵanga vyakunguzgika mpaka mazulo.

2 Samuele 11:4

Sono Davidi wangutuma mathenga, ŵangumuto; ndipo wanguza kwaku iyo, ndipo wangulakwa nayo. Pakuti wangutozgeka ku masambi ghake, ndipo wanguwere ku nyumba yake.