ŴaLevi 14:7 - Tonga Bible 1986

⁷ ndipo wakaziwazgiyanga paku yo watozgekenge ku makhate kankhonde ndi kaŵi; sono wakanenanga kuti watozgeka, ndipo wataye chiyuni chamoyo cho chiphururikiye ku dondo.

ŴaLevi 14:7 Referans Kwoze

Ezekiele 36:25

Ndikamijanga maji gha kutowa paku imwe, ndipo mukatowanga ku kufipirwa kwinu kose ndikakutoweskaninga ku ŵangoza ŵinu wose.

Yesaya 52:15

viyo ndimu wachuruskiyenge mitundu yinandi; ŵakaronga ŵakasunamanga milomo yawo chifukwa chaku iyo, pakuti cho chengavi kutaulikiya iwo ŵakachiwonanga, ndipo chenicho ŵengavi kuchivwa ŵakawangamo.

2 ŴaKaronga 5:14

Viyo wangusikiyako ndi wangujibizga kankhonde ndi kaŵi mu Yordane, kwakuyana ndi mazu gha munthu waku Chiuta, ndipo liŵavu lake linguweremo nge ndi liŵavu la mwana numana, ndipo wangutozgeka.

2 ŴaKaronga 5:10

Ndipo Elisha wangumutumiya thenga, kunena kuti, “Rutanga, ukasambe mu Yordane kankhonde ndi kaŵi ndipo liŵavu lako likawerengamo, ndipo ukaŵanga wakuphotoka.”

1 Petro 1:2

ŵakusankhika uli ndi mziŵiru limu waku Chiuta Dada, mu chitowesku cha Mzimu, ku muvwiyu ndi ku chiwazga cha ndopa zaku Yesu Kristu: Wezi ndi chimangu vyandaniskikiye kwaku imwe.

ŴaHebere 9:19

Pakuti lati lakambikiya ndi Mosese ku khamu lose langulu lose mwa dangu, wanguto ndopa zo za matholi ndi vyaphongu pamoza ndi maji ndi thonji lakuchesama ndi husope, ndipo wangumijiya buku nalo ndi so khamu lo lose,

ŴaHebere 9:13

Chifukwa asani ndopa za mbuzi ndi nkhuzi, ndi choto cha thokazi vyakumijiya pa ŵakukazuzgika, vipatuliskiya ku chiphoto cha liŵavu:

1 Yohane 5:6

Mwenuyu ndiyo wanguziya mu maji ndi ndopa, Yesu Kristu; mu maji gho pe cha, kweni mu maji gho ndi mu ndopa zo.

ŴaHebere 12:24

ndi kwaku Yesu, mwendapakati wa chipanganu chifya, ndi ku ndopa za chiwazga, zo zikamba ghamamphako kwakuruska zaku Abelu.

ŴaHebere 10:22

tiŵandikiye ndi mtima weneko mu uzali wa chivwanu, ŵakumijirika kuchiri ku mitima yidu kutuwa ku njuŵi yiheni, ndi ŵakusambiskika kuchiri ku liŵavu lidu ndi maji ghakutowa,

ŴaHebere 9:26

iku wangwenere kukomwa panandi kutuwa ku kujarikika kwa charu; kweni sonu kamoza pa umari wa migonezi warongoleka kwachituzgiya maulakwi mu chisopu chaku iyo yija.

ŴaHebere 9:21

Ndipo kwakulingana so wangumijiya ndi ndopa zo chihema cho ndi viyaŵi vyose vyaku teŵete.

Yohane 19:34

Kweni yumoza wa wankhondu wo wangugwaza mbaghara yake ndi mkondu, ndipo sosonukweni kungutuwa ndopa ndi maji.

Mika 7:19

Ŵakaŵanga so nafwe ndi chitima, wakakandirizgiyanga pasi pamarundi ghake maulakwi ghidu. Mukatayanga mu zindimba za nyanja mauheni ghidu ghose.

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

Sumu 51:7

Ndiphotoni ndi hisope, ndipo nditowenge, ndisukeni, ndipo nditowenge kwakuruska nyankhuŵinda.

Sumu 51:2

Mundisuke ku kubende kwangu, ndipo mundiphoto ku kwananga kwangu.

ŴaLevi 16:22

Mbuzi yikanyamuwanga mauheni ghawo ghose kuya nagho ku charu chambura ŵanthu; munthu yo wakyitayanga yirutenge mu bozwa.

ŴaLevi 16:19

Ndipo wakamijiyanga ndopa zinyake pachanya pake ndi munwe wake kankhonde ndi kaŵi, kulitozga ndi kulipatuwako kukuwura kutozgeka kwa ŵaYisraele.

ŴaLevi 16:14

ndipo wakatongapo ndopa zinyake za nkhuzi yo, ndi kuzimijiya ndi munwe wake panthazi pa chitengo cha lisungu ndipo kuchiri kuno kwa chitengo cha lisungu cho wakamijangako ndopa ndi munwe wake kankhonde ndi kaŵi.

ŴaLevi 14:51

ndipo wakatonga chivwa cha muti wa mlanje, ndi husope ndi uzu uyera pamoza ndi kayuni kamoyo kondi kuvibizga mu ndopa za kayuni kakubayika ndi mu maji ghakwenda, ndi kuwazgiya nyumba yo kankhonde ndi kaŵi.

ŴaLevi 13:17

Mzukuru wakamupimanga, asani nthenda yasanduka yituŵa, sono mzukuru wakanenanga kuti munthu wa nthenda yo ngwakutozgeka; watozgeka.

ŴaLevi 13:13

Sono mzukuru wakamupimanga. Asani makhate ghaburumutizga liŵavu lake lose wakamunenanga kuti ngwakutozgeka ku nthenda yo.

ŴaLevi 8:11

Ndipo wanguwazgiya mafuta ghanyake pa jochero kankhonde ndi kaŵi, wangupaka jochero ndi viyaŵi vyake vyose, mbali ndi chakujapo chake, kuvipatuwa.

ŴaLevi 4:17

Ndipo mzukuru wakabizganga munwi wake mu ndopa ndi kuziwazga kankhonde ndi kaŵi paurongo pa Ambuya kunthazi kwa chisaru chakuchinga.

ŴaLevi 4:6

ndipo mzukuru wakabizganga munwi mu ndopa ndi kuwazgiya ndopa zinyake kankhonde ndi kaŵi paurongo pa Ambuya kunthazi kwachivwinkhu cha chipinda chakupaturika.

Maŵerengedu 19:12

wakajitozganga ndi maji pa zuŵa la chitatu ndi pa zuŵa la chinkhonde ndi chiŵi, viyo watozgeka; kweni asani wareka kujitozga pa zuŵa la chitatu ndi la chinkhonde ndi chiŵi, kuti wakaŵanga wakutozgeka cha.