ŴaLevi 14:34 - Tonga Bible 1986

³⁴ “Po mwamufika mu charu cha Kanani cho ndakupaskani kuŵa chinu, ndipo ine ndiŵika nthenda ya makhate mu nyumba mu charu cho nchinu,

ŴaLevi 14:34 Referans Kwoze

Marangu 32:49

“Ukwere mu phiri ili la Abarimi, phiri Nebo, lo lemu charu chaku Moabu kulereskana ndi Yeriko, ndipo ukawone charu cha Kanani cho ndipaska ku ŵaYisraele kuŵa chawo.

Chiyambo 17:8

Ndipo nkhapaskanga kwako, ndi ku mphapu zako za pavuli pako, charu chakutandaramo kwinu, charu chose cha Kanani, kuŵa chihara cha muyaya; ndipo ndikaŵanga Chiuta wawo.”

Maŵerengedu 32:22

ndi kuti charu chathereskeka paurongo pa Ambuya; sono pavuli pake ndipo mukawenga ndi kuŵa ŵanangwa ŵambura matewu ku Ambuya ndi ku ŵaYisraele; sono charu ichi chikaŵanga chihara chinu paurongo pa Ambuya.

Mika 6:9

Mazu gha Ambuya ghadanirizga ku msumba ndipo ndi vinjeru vyamampha kopa zina linu: “Vwani, mwa fuku ndi mwakuwungana mu msumba!

Amosi 6:11

Pakuti wonani, Ambuya alangula, ndipo nyumba yikuru yikabwangandulikanga, ndinyumba yimana nayo yibwangandukenge.

Amosi 3:6

Kumbi mbata yingambika mumsumba, ndipo ŵanthu ŵangareka kopa? Kumbi chiheni chingaŵamo mu msumba, kwambura kuti chachitika ndi Ambuya?

Yesaya 45:7

Ndiumba ukweru ndi kulenga mdima, ndiŵika umampha ndilenga soka, ndine Ambuya mweniyo wachita vinthu ivi vyose.

Nthanthi 3:33

Thembu la Ambuya le pa nyumba ya muheni, kweni atumbika kuja kwa murunji.

1 Samuele 2:6

Ambuya abaya ndi kutore ku umoyo; aserezga pasi ku muunda, ndi kuyuska so.

Yoswa 13:1

Sono Yoswa wangukota wakuŵa ndi virimika vinandi; ndipo Ambuya angunena nayo, “Wakota we wa virimika vinandi, ndipo charu cheche waka chikuru cho chingagaŵika.

Marangu 27:3

Ndipo mwamulembapo paku yo mazu ghose gha dangu lo, muchambuka pakusere charu cho Ambuya Chiuta winu watukupaskani, charu cho chakutaŵala mkaka ndi uchi, uli ndimo Ambuya Chiuta wa auskemwe wakupangirana namwe.

Marangu 26:1

“Muchisere mu charu cho Ambuya Chiuta winu watukupaskani kuŵa chihara, ndipo po mwachito ndi kuja mwenimo,

Marangu 19:1

“Penipo Ambuya Chiuta winu wamumara mitundu yeniyo, charu chawo Ambuya Chiuta winu wampaska imwe, ndipo imwe mwakuŵakwamphuwa ndi mwamuja mu misumba yawo ndi mu nyumba zawo,

Marangu 12:1

“Ivi ndi visambizgu ndi vyeruzgu vyenivyo mutenere kuphwere kuvichita mu charu chenicho Ambuya, Chiuta wa auskemwe, wakumupaskani kuti chiŵe chinu, mazuŵa ghose gha umoyo winu panu pasi.

Marangu 7:15

Ndipo Ambuya atuzgengeko utenda wose kwaku imwe, ndi kuti aŵikenge paku imwe cha zinthenda za vyanusi zamu Egipiti zo muziŵa, kweni akaziŵikanga paku wose wo ŵatimutinkhani.

Maŵerengedu 35:10

“Ukambe ndi ŵaYisraele, mutakuti mwalowoka Yordane muchisere mu Kanani.

Maŵerengedu 32:32

Tikalowokanga taŵakunozgeke nkhondo pa maso pa Ambuya mu charu cha Kanani, ndipo chigaŵa cha chihara chidu chikatiŵiyanga kusirgha linu la Yordane.”

ŴaLevi 25:2

“Ukambe ku waYisraele kuti, Mukati kuti mwafika mu charu cho nditukupaskani, charu chikasungiyanga Ambuya sabata.

ŴaLevi 23:10

“Kamba ku ŵaYisraele kuti, mutakuti mwafika mu charu cho nditukupaskani, ndi kuvuna vuna yake, mukazanga ndi nchinda ya vipasi vyakudanga vya vuna yinu ku mzukuru;

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

Chiyambo 13:17

Soka wendemo mu utali ndi usani wa charu cho pakuti ndikachipaskanga kwaku iwe.”

Chiyambo 12:7

Sono Ambuya anguwoneka kwaku Abramu, ndi anguti, “Ndikapaskanga charu ichi ku mbumba zako.” Viyo wanguzenga penipa jochero ku Ambuya ŵeniwo angumuwoneke.

ŴaLevi 14:33

Ambuya anguti kwaku Mosese ndi Aroni.

Zekariya 5:4

Ndilitumizgenge, atiti Ambuya ŵa maŵanja, ndipo liserenge mu nyumba ya munkhungu, ndi mu nyumba yaku yo warapa utesi mu zina langu; ndipo lijenge mu nyumba yake ndi kuyimara, miti yake ndi mya yake pamoza.”

ŴaLevi 14:55

lapa makhate gha mu chakuvwara pamwenga mu nyumba,

ŴaLevi 20:24

Kweni kwaku imwe ndakamba kuti, ‘Mukaharanga charu chawo, ndipo ndikachipaskanga kwaku imwe kuŵa chinu, charu chakutaŵala mkaka ndi uchi.’ Ine ndine Ambuya Chiuta winu, yo wakupatuwaniko ku mitundu yinyake ya ŵanthu.