ŴaLevi 14:21 - Tonga Bible 1986

²¹ “Kweni asani ndi msauchi, ndipo kuti wangavipereka vyo vyose cha, iku wakatonga mberere yinthurumi yimoza ya sembe ya pa kwananga kwachiyizungung'a yakupepeske iyo ndi mweso umoza wa chichumi wa ufwa wamampha wakusazgako mafuta, kuŵa sembe ya ufwa, ndi supa ya mafuta,

ŴaLevi 14:21 Referans Kwoze

ŴaLevi 5:7

“Asani walivi mwana wa mberere, ike wakazanga ku Ambuya chifukwa cha mamphuru ghake, tunjiŵa tuŵi pamwenga tuviwunda twa nkhunda tuŵi, kamoza kuŵa mpasku wapa ulakwi, ndi kanyake kuŵa mpasku wakocha.

ŴaLevi 12:8

Ndipo asani wangatondeka kusaniya mberere, iku wato tunjiŵa tuŵi, pamwenga tuviunda twa nkhunda, kamoza ka mpasku wakocha ndi kanyake ka mpasku wapa ulakwi, ndipo mzukuru wakamupepeskiyanga, viyo wakaŵanga wakuphotoka.”

Nthanthi 17:5

Mweniyo wanyoza wakusauka watuka Mulengi wake; mweniyo ngwakukondwa pa soka kuti walekekenge kulangika cha.

2 ŴaKorinte 8:12

Chifukwa asani upusuwo ulipo, mpasku ngwamarondeka uli ndimo munthu waliri nacho, uli ndimo wauriyavi cha.

2 ŴaKorinte 8:9

Chifukwa muziŵa wezi wo wa Ambuyafwe Yesu Kristu, kuti, pakuŵa msambasi, pa chifukwa chinu wangukavuka, alinga kuti imwe ndi ukavu wake musambaskike.

Luka 6:20

Ndipo iyo, pakuyinuskiya maso ghake pa ŵasambizi ŵake, wanguti, “Mwe ŵamwaŵi mwaŵakavu; pakuti ngwinu ufumu waku Chiuta.

Nthanthi 22:2

Musambasi ndi mukavu ŵakumana pamoza; Ambuya ndiwo Mlengi waku iwo wose.

Jobu 34:19

mweniyo wareka kurumba chisku nanga ndi mukati mu mafumu, nanga nkhuphwere ŵaromba kuruska ŵakavu, chifukwa wose mba nchitu ya manja ghake!

1 Samuele 2:8

Akwezga mkavu kutuwa ku fuvu; asoske pachanya ŵaumphaŵi kutuwa kuchiza, kuŵajariska pamoza ndi ŵana ŵa mafumu ndi kuŵahariska mpando wa chitumbiku. Pakuti viŵanja vya charu chapasi vya Ambuya ndipo pakuvyo achimika charu.

ŴaLevi 14:22

ndipo so tunjiŵa tuŵi pamwenga tuviunda tuŵi twa nkhunda, to wangaziŵa kutusaniya, kamoza kakaŵanga kasembe ya ulakwi, kanyake kakaŵanga ka sembe yakocha.

ŴaLevi 5:11

“Kweni asani walivi njiŵa ziŵi pamwenga tuviwunda twa nkhunda, iku wakazanga ndi ufwa wamampha wa chipimo cha chigaŵa cha chumi, kuŵa mpasku wake wapa kwananga ko wakuchita. Kuti waŵikengepo mafuta cha, ndipo kuti waŵikengepo vya chema cha, pakuti ndi mpasku wapa kwananga.

ŴaLevi 1:14

“Asani mpasku wake ku Ambuya ngwakocha wa viyuni, iku wakazanga ndi mpasku wake wa nkhunda pamwenga viunda.

ŴaLevi 14:10

“Ndipo pa zuŵa la chinkhonde ndi chitatu wakatonga mberere ziŵi zinthurumi zambura kalema, mberere yinthukazi yimoza ya chirimika chimoza yambura kalema, ndi mpasku wa ufwa wachigaŵa cha chitatu cha vigaŵa chumi vya mwesu wa ufwa wamampha wakusazgika ndi mafuta ndi supa yimoza ya mafuta.

ŴaLevi 27:8

Ndipo asani munthu ndi msauchi; watondeka kulipa mtengo wo iwe watema, wakazanga ndi munthu yo paurongo pa mzukuru kuti mzukuru wateme mtengo wake. Wakatemanga mtengo kwakuyana ndi ndrama zo wakulipa we nazo.

Ezekiele 46:7

pa mpasku wa vyakurgha wapereke sokora yimoza ndi yimoza pa nkhuzi ndi bira, kweni pa ŵana mberere wapereke nge ndimo wakhumbiya, waŵikepo supa ya mafuta pa so­kora ndi sokora.