ŴaLevi 14:14 - Tonga Bible 1986

¹⁴ Mzukuru wakatongapo ndopa zinyake za mpasku wapa kwananga wakaziŵikanga pa songo pa gutu laku marghe laku yo wakatozgekanga, ndi pa chikumbu chikuru cha janja lake laku marghe, ndi pa chikumbu chikuru cha rundi lake laku marghe.

ŴaLevi 14:14 Referans Kwoze

Chituwa 29:20

Ndipo mukabayanga bira yo, ndi mukatonga ndopa zake zinyake ndi kuziŵika pa umari wa gutu lamarghe laku Aroni ndi pa umari wa makutu ghamarghe gha ŵana ŵake ŵanthurumi, ndi vikumbu vya manja ghawo ghamarghe, ndi pa vikumbu vya marundi ghawo ghamarghe; ndipo muwochenge ndopa zakujapo kuchiri ku jochero la sembe kwakuzunguliya lo.

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

ŴaFilipi 1:20

uli nchilereze cho ndinweka ndi chigomekezgu changu, chakuti ndingalengeskeka mu kanthu kamoza cha, kweni kuti mu chiganga chose sono nge ndi nyengo zose, Kristu wakuzgikiyenge mu liŵavu langu, manyi ndi mu umoyo, pamwenga mu nyifwa.

1 ŴaKorinte 6:20

chifukwa mungugulika ndi mtengu. Viyo mkankhuskiyeni Chiuta mu liŵavu linu.

ŴaRoma 12:1

Viyo ndikuŵeyereni, mwa ŵabali, chifukwa cha vyalisungu vyo vyaku Chiuta, kupereka maliŵavu ghinu sembe yamoyo yakupaturika, yamarondeka kwaku Chiuta, ndiyo uteŵeti winu wavinjeru.

ŴaRoma 6:19

Ndikamba nge ndi munthu pa chifukwa cha udomboto wa liŵavu linu; chifukwa uli ndimo mungupereke viŵaru vinu nge mbaŵanda ku ukazuzi ndi ku uchikana-marangu kuya ku uchikana-marangu, viyo sono viperekeni viŵaru vinu nge mbaŵanda ku urunji kuya ku kupaturika.

ŴaRoma 6:13

Ndipo viŵaru vinu mungavipereka cha ku ulakwi nge ndi vitataliru vya uwura-urunji; kweni mujipereke kwaku Chiuta, nge mbamoyo ku ŵakufwa, ndi viŵaru vinu nge ndi vitataliru vya urunji kwaku Chiuta.

Yesaya 1:5

Chifukwa chine mukapumikiyanga-pumikiyanga, pakuti mugarukiya-garukiya? Mutu wose ngwakutama, mtima wose utufwa chipoyo.

1 Petro 2:5

ndipo mwaŵeni, uli ndi mya yamoyo muzengeke nyumba ya mzimu, kwachiŵa uzukuru wakupaturika, kuperekapo visopu vya mzimu, vyamarondeka kwaku Chiuta mwaku Yesu Kristu.

ŴaLevi 14:19

Mzukuru wakaperekanga sembe yapa ulakwi kumuchitiya mphepeska yo wakatozgekanga ku munguzgu wake. Ndipo pavuli wakabayanga sembe yakocha;

ŴaLevi 14:25

Ndipo wakabayanga mberere yo ya sembe ya pakwananga, wakatongapo ndopa zinyake za sembe ya kwananga kuziŵika pa songo pa gutu la marghe laku yo wakatozgekanga, ndi pa chikumbu chikuru cha janja lake laku marghe, ndi chikumbu chikuru cha rundi lake laku marghe.

Marangu 24:8

“Asani munthu watama ndi makhate, phwereni kuchita kwakuyana ndi vyose vyenivyo ŵazukuru ŵaLevi ŵakamurongoninga. Muchitenge ndi kuphwere.