ŴaLevi 14:12 - Tonga Bible 1986

¹² Ndipo mzukuru wakatonga yimoza ya mberere zinthurumi kuyipereka kuŵa mpasku wapa kwananga pamoza ndi supa ya mafuta, ndi kuvizungung'a kuŵa mpasku wakuzungung'a paurongo pa Ambuya.

ŴaLevi 14:12 Referans Kwoze

Chituwa 29:24

ndipo mukaŵikanga ivi vyose mu manja ghaku Aroni ndi mu manja gha ŵana ŵake ŵanthurumi, ndi kuvizungung'a kuŵa mpasku wakuzungung'a paurongo pa Ambuya.

Yesaya 53:10

Kweni lenga khumbo la Ambuya kumukomweska; amuŵika viyo mukuŵaŵa; penipo watijipereka iyo yija mpasku wapa ulakwi, wakawonanga ŵana ŵake, wakarutilizganga mazuŵa ghake; khumbu la Ambuya likasakatanga mu janja lake;

Chituwa 29:22

“Mukatonga so mafuta gha bira, ndi muchiya wa mafuta, ndi mafuta ghaku matumbo ndi mafuta gha pachanya pa mphafwa ndi sana zo ziŵi pamoza ndi mafuta gha pachanya paku zo, ndi chigha chakumarghe pakuti ndi bira wakumikiya,

Chituwa 29:26

“Ndipo mukatonga nganga ya bira yo ya pakumikika kwaku Aroni ndi kuyizungung'a kuŵa mpasku wakuzungung'a paurongo pa Ambuya; ndipo iyi yikaŵanga yinu.

ŴaLevi 14:10

“Ndipo pa zuŵa la chinkhonde ndi chitatu wakatonga mberere ziŵi zinthurumi zambura kalema, mberere yinthukazi yimoza ya chirimika chimoza yambura kalema, ndi mpasku wa ufwa wachigaŵa cha chitatu cha vigaŵa chumi vya mwesu wa ufwa wamampha wakusazgika ndi mafuta ndi supa yimoza ya mafuta.

ŴaLevi 14:11

Ndipo mzukuru yo watimutozga wakarongonga ku Ambuya munthu yo watenere kutozgeka pamoza ndi vinthu vyo, pakhomo la hema lakuwunganamo.

ŴaLevi 14:19

Mzukuru wakaperekanga sembe yapa ulakwi kumuchitiya mphepeska yo wakatozgekanga ku munguzgu wake. Ndipo pavuli wakabayanga sembe yakocha;

ŴaLevi 5:15

“Asani we yose wasiya umagomekezgeka wake ndi walakwa kwambura kuziŵa mwaku che chose cha vituŵa vya Ambuya, wakazanga ndi bira wambura kalema kutuwa ku mskambu wo iwe wapima mtengo wake mu ndrama za siliva kwakuyana ndi ndrama ya nyumba yakupaturika wo ndi mpasku wapa kwananga.