ŴaLevi 13:58 - Tonga Bible 1986

⁵⁸ Kweni chakuvwara, cha uzu wakumika pamwenga wakupinjika, pamwenga chinthu chose cho nchakuchitika ndi chikopa mwaku cho nthenda yatuwa mwati mwachisuka, chikasukikanga so kachiŵi, ndipo chikatozgekanga.”

ŴaLevi 13:58 Referans Kwoze

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

ŴaHebere 9:10

pakuŵa mu vyakurgha ndi vyakumwa ndi masambidu ghamtundumtundu malangulu ghanyama pe, ghakuŵikika mpaka nyengo yakukongore.

2 ŴaKorinte 12:8

Pa chifukwa chaku chenichi ndinguŵeyere Ambuya katatu, kuti ŵatuweko kwangu.

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

Sumu 51:2

Mundisuke ku kubende kwangu, ndipo mundiphoto ku kwananga kwangu.

2 ŴaKaronga 5:14

Viyo wangusikiyako ndi wangujibizga kankhonde ndi kaŵi mu Yordane, kwakuyana ndi mazu gha munthu waku Chiuta, ndipo liŵavu lake linguweremo nge ndi liŵavu la mwana numana, ndipo wangutozgeka.

2 ŴaKaronga 5:10

Ndipo Elisha wangumutumiya thenga, kunena kuti, “Rutanga, ukasambe mu Yordane kankhonde ndi kaŵi ndipo liŵavu lako likawerengamo, ndipo ukaŵanga wakuphotoka.”

ŴaLevi 13:48

manyi ncha uzu wakumika pamwenga wakupinjika, wa cha bafuta pamwenga cha weya, pamwenga mu chikopa pamwenga chinthu chose chakuchitika ndi chikopa,

ŴaLevi 13:57

ndipo asani yiwoneka so mu chakuvwara mu uzu wakumika pamwenga wakupinjika, pamwenga mu chinthu chose chakuchitika ndi chikopa, yachapaliya, muchoche ndi moto, che ndi nthenda.

ŴaLevi 13:59

Ili ndi dangu la nthenda ya makhate mu chakuvwara cha weya pamwenga cha befuta, pamwenga mu uzu wakumika pamwenga wakupinjika, pamwenga mu chinthu chose chakuchitika ndi chikopa pakuchinena kuti nchakutozgeka pamwenga nchambura kutozgeka.