ŴaLevi 13:45 - Tonga Bible 1986

⁴⁵ “Yo we ndi nthenda ya makhate wavwarenge malizwazwa, sisi laku mutu wake liŵenge lambura kumanga, ndipo wabenekeriyenge mlomo wake wanena, ndi kukambura kuti, ‘Wambura kutozgeka, wambura kutozgeka’;

ŴaLevi 13:45 Referans Kwoze

Mika 3:7

Ŵawoni ŵazamuchita soni, ndi ŵakuloska nawo ŵazamuchita soni; wose ŵakajaranga milomo yawo, chifukwa kulivi kwamuka kuturiya kwaku Chiuta.

ŴaLevi 10:6

Mosese wanguti kwaku Aroni ndi Eleazara ndi Itamara ŵana ŵake, “Mungafwatuwanga sisi la mitu yinu cha, ndipo mungaparuwanga saru zinu cha, vinu mungafwa, ndi vinu ukari ungaza pa mpingu wose; kweni ŵana ŵanyinu, wose ŵamu nyumba yaku Yisraele, ŵatenjere pa moto wo Ambuya akozga.

Ezekiele 24:17

Fwifwinthiya, kweni kwakuvwika cha; kuchita kutenjere wakufwa cha. Manga chilemba chako, vwara viyato vyako; ungajaranga milomo yako cha, nanga nkhurgha chiŵande cha ŵakutenje.”

Chitenje 4:15

Ŵanthu ŵangubongo viyo paku iwo, “Tuwanipo! Mwaŵakukazuzgika! Tuwanipo, tuwanipo, mungakwaskanga cha!” Viyo ŵangusanduka ŵakuthaŵathaŵa ndi ŵakuyingayinga; ŵanthu ŵanguti mukati mu mitundu, “Kuti ŵakajanga so nafwe pamoza cha.”

Luka 17:12

Ndipo wachisere iyo mu muzi wakuti, ŵangukumana nayo ŵanthurumi chumi, ŵamakhate, ŵeniwo ŵanguma kutari:

Ezekiele 24:22

Imwe mukachitanga mo ine ndachitiya kuti mukajaranga milomo yinu cha, pamwenga kurgha vya ŵakutenje.

ŴaLevi 21:10

“Mzukuru yo ndi mura pa ŵabali ŵake, yo pa mutu pake pakudirika mafuta ghakupaka kumupatuwa, yo wakupaturikiya kuvwara vivwaro, wakafwatuwanga sisi laku mutu wake cha, pamwenga kuparuwa vivwaro vyake;

Luka 5:8

Kweni wachiwona, Simoni Petro wanguwa pa makongono ghaku Yesu, wakunena, “Tuwaniko kwangu, pakuti ndine munthu wakulakwa, Ambuya.”

Yesaya 64:6

Ifwe tose taŵa uli ndi yo ngwakukazuzgika, ndipo nchitu zidu zose za kurunjika ze nge ndi chivwalo cha ukazuzi. Tose tifota ulaka ndi jani, ndipo maulakwi ghidu, uli ndi mphepo ghatitiputiska.

Yesaya 6:5

Ndipo ine ndinguti, “Wasoka ndine! Pakuti ndasoŵa, pakuti nde munthu wa milomo yambura ku photoka, ndipo ndija mukati mu ŵanthu ŵa milomo yambura kuphotoka, pakuti maso ghangu ghawona karonga Ambuya ŵa maŵanja!”

Sumu 51:3

Chifukwa mamphuru ghangu ine ndituziŵa ndipo uheni wangu we paurongo pangu nyengo yose.

Yoele 2:13

muparuwe mitima yinu, vyakuvwala vinu cha.” Ng'anamukiyani ku Ambuya Chiuta winu, chifukwa ngwamampha ndi walisungu, wambura kukalipa ruŵi, ndi wakuzara chanju chikuru, ndi wakugowoke uheni.

Yeremiya 36:24

Kweni karonga pamoza ndi ŵateŵeti ŵake ŵeniwo ŵanguvwa mazu yagha ghose, kuti ŵangutenthema cha, ndipo ŵengavi chingana nkhuparuwa vyakuvwara vyawo.

Yeremiya 3:25

Tiyeni tigone pasi mu kulengeskeka kwidu, ndipo kujiyuyuwa kwidu kutivimbe; pakuti talakwiya Ambuya Chiuta widu, ifwe pamoza ndi auskefwe kutuwa ku uhurwa widu inya mpaka msana wale; ndipo tilive kuvwiya mazu gha Ambuya Chiuta widu.”

Sumu 51:5

Ehe, mu kubende ndingulengeka, ndipo mu kwananga wangundizuwukiya ama.

Jobu 42:6

chifukwa ichi nditijisuska, ndipo ndajiwezga mu fuvu ndi mu choto.”

Jobu 1:20

Penipo Jobu wangusoka ndi wanguparuwa munjirira wake ndi wangumeta sisi la mutu wake, ndi kuwa pasi ndi kuromba,

2 Samuele 13:19

Ndipo Tamara wangudira vyoto pa mutu wake, wanguparuwa laya lo wanguvwara; ndi wanguŵika manja ghake pa mutu wangwenda ndi kuliya kukuru wachiruta.

Chiyambo 37:29

Po Rubene wanguweriyako ku zenje lo ndipo wanguwona kuti Yosefe mulivi mu zenje, wanguparuwa vyakuvwara vyake

Yesaya 52:11

Tuwanimo, tuwanimo, tuwanimo mu Babiloni, mungakonga kanthu kaukazuzi cha; tuwanimo mukati mwake, jitozgeni mwaŵeni, imwe mwaŵakunyamuwa viyaŵi vya Ambuya.

ŴaLevi 13:44

ngwa makhate, ngwakunguzgika; mzukuru wamukambe kuti ngwakunguzgika; nthenda yapa mutu wake.

2 ŴaKaronga 7:3

Penga ŵanthurumi ŵanayi ŵamakhate pakuserere pa likomo, yaŵa ŵafumbananga yumoza ndi munyake, “Kumbi tijariyengenji pano mpaka tifwe?

Maŵerengedu 5:2

“Ŵalanguliye ŵaYisraele kuti ŵatuzgemo wamakhate yose mu ogiŵi, ndi yose wakuŵa ndi nthenda ya kusuluwa, ndi yose yo wakazuzgika pa kukwaska chakufwa;