ŴaLevi 11:39 - Tonga Bible 1986

³⁹ “Ndipo asani nyama yose yo mungargha yafwa, yo wakwaskenge thupi lake, wakaŵanga wakunguzgika mpaka mazulo, ndipo wakunyamuwa thupi lo nayo wakachapanga saru zake, wakaŵanga wakunguzgika mpaka mazulo.

ŴaLevi 11:39 Referans Kwoze

Maŵerengedu 19:16

Yose yo wemu dondo asani wakwaska munthu yo wakubayika ndi lipanga, pamwenga chiŵanda, pamwenga cha munthu, pamwenga muunda, wakaŵanga wakunguzgika mazuŵa ghankhonde ndi ghaŵi.

Maŵerengedu 19:11

“Wakukwaska chiŵanda cha munthu we yose wakaŵanga wakunguzgika mazuŵa ghankhonde ndi ghaŵi;

ŴaLevi 15:7

Ndipo yose wakukwaska liŵavu laku yo wendi nthenda ya kusuruwa wakachapanga vyakuvwara vyake, ndi kuŵa wakunguzgika mpaka mazulo.

ŴaLevi 15:5

Ndipo yo wakakwaskanga chita chake wakachapanga vyakuvwara vyake, ndi kusamba mu maji, wakaŵanga wakukozuzgika mpaka mazulo.

ŴaLevi 11:40

Yo wakayirghanga nayo so wakachapanga saru zake, ndipo wakaŵanga wakunguzgika mpaka mazulo.

ŴaLevi 11:31

Ivi vyamunguzgu kwinu mu vyakwandana vyose vyakukwaŵa; yose wakuvikwaska po vyafwiya wakaŵanga wakunguzgika mpaka mazulo.

ŴaLevi 11:28

Ndipo yo wanyamuwa thupi laku vyo wakachapanga saru zake ndipo wakaŵanga wakunguzgika mpaka mazulo; vyamunguzgu kwinu.

ŴaLevi 11:24

“Ndipo chifukwa chaku ivi mukakazuzgikanga; yose wakuko thupi lake wakaŵanga wakunguzgika mpaka mazulo,

ŴaLevi 11:38

kweni asani maji ghadirika pa mbeu, sono chiŵaru che chose cha thupi la chakufwa cho chawapo, iko njamunguzgu kwinu.

ŴaLevi 22:4

Paulevi yomoza wa fuko laku Aroni yo ngwamakhate pamwenga wakutama ndi thenda yaku suruwa warghengepo vinthu vyakupaturika mpaka po watozgeka. We yose yo wakwaska kanthu ka ukazuzi chifukwa cha kukwaska wakufwa pamwenga munthu yo wakoza upafi;

ŴaLevi 22:8

Cho nchakufwa chija pamwenga chakupalurika ndi vikoko wangarghanga cha, kujikazuzga nacho: Ndine Ambuya.’

ŴaLevi 14:46

Ndipo so yo waserenge mu nyumba yo po yajarika, wakaŵanga wakunguzgika mpaka mazulo;

ŴaLevi 15:15

Mzukuru wakaperekanga, kamoza pa sembe yapa ulakwi ndi kanyake pa sembe yakocha; ndipo mzukuru wakamupepeskiyanga paurongo pa Ambuya pa kusuruwa kwake.

ŴaLevi 16:26

Munthu yo warongozga mbuzi kuya ku Azazele, wakachapanga vivwaro vyake ndi kusamba mu maji, sono pavuli ndipo waziŵa kusere mu ugoŵi.

ŴaLevi 17:15

Ndipo munthu yose yo wakarghanga chakufwa chija; pamwenga cho chabayika ndi vikoko manyi yo munthu ndi mwenicharu pamwenga ndi mwendathowa wakachapanga vivwaru vyake wakasambanga mu maji, ndi kuŵa wakunguzgika mpaka mazulo; pavuli wakatozgekanga.

ŴaLevi 22:6

munthu waviyo wakaŵanga wakunguzgika mpaka mazulo; ndipo kuti wakarghangapo cha vinthu vyakupaturika kwambura kuti wasamba.

Maŵerengedu 19:7

Pavuli mzukuru wakachapanga vivwalo vyake ndi kusamba liŵavu lake, ndipo wakaserenga mu ugoŵi; mzukuru wakaŵanga wakunguzgika mpaka mazulo.

Ezekiele 4:14

Ine ndinguti, “A, Ambuya Chiuta! Aawonani, ndilivi kujikazuzgapo kutuwa ku wana wangu mpaka kuno ku sono kuti ndarghapo chakufwa chija cha, pamwenga chakuthwazurika ndi vinyama, nanga ndi nyama yakuvunda kuti ndayesa mu mlomo wangu cha.”