ŴaLevi 11:25 - Tonga Bible 1986

²⁵ ndipo we yose wakunyamuwa kachiŵaru ke kose ka thupi lawo wakachapanga saru zake, ndi wakaŵanga wakunguzgika mpaka mazulo.

ŴaLevi 11:25 Referans Kwoze

Maŵerengedu 31:24

Mutenere kusuka saru zinu pa zuŵa la chinkhonde ndi chiŵi, ndipo mukatozgekanga, sono pavuli pake ndipo mukazanga mu ugoŵi.”

ŴaLevi 15:5

Ndipo yo wakakwaskanga chita chake wakachapanga vyakuvwara vyake, ndi kusamba mu maji, wakaŵanga wakukozuzgika mpaka mazulo.

ŴaLevi 14:8

Ndipo wakutozgeka yo wasuke saru zake, ndi kusenga sisi lake lose; ndi kusamba mu maji; ndipo wakatozgekanga; pavuli wasere, mu ugoŵi, kweni wakajanga kubwalo kwa hema lake mazuŵa ghankhonde ndi ghaŵi.

ŴaLevi 11:40

Yo wakayirghanga nayo so wakachapanga saru zake, ndipo wakaŵanga wakunguzgika mpaka mazulo.

Maŵerengedu 19:10

Ndipo yo wakayoranga vyoto vya ng'ombe wakachapanga vivwalo vyake, ndipo waŵe wakunguzgika mpaka mazulo. Ili likaŵanga langulu la muyaya ku ŵaYisraele ndi ku ŵalendo ŵakuja mukati mwawo.

ŴaLevi 16:28

Ndipo yo wakaviwochanga wachapenge vyakuvwara vyake ndi kusamba mu maji; ndipo pavuli waziŵa kusere mu ugoŵi.

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.

1 Yohane 1:7

kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

1 Petro 3:21

maji ghenagha chenga chikozgu, chakurongo ubatizo wo sono umutaskani kusuka lisilu la liŵavu cha, kweni niniziku la njuŵi yamampha kuchiri kwaku Chiuta ndi chiyuka chaku Yesu Kristu,

ŴaHebere 10:22

tiŵandikiye ndi mtima weneko mu uzali wa chivwanu, ŵakumijirika kuchiri ku mitima yidu kutuwa ku njuŵi yiheni, ndi ŵakusambiskika kuchiri ku liŵavu lidu ndi maji ghakutowa,

ŴaHebere 9:10

pakuŵa mu vyakurgha ndi vyakumwa ndi masambidu ghamtundumtundu malangulu ghanyama pe, ghakuŵikika mpaka nyengo yakukongore.

Machitidu gha Ŵakutumika 22:16

Ndipo sono usweriyanji? Soka, ubatizike, ndi usambe vilakwa vyako, wakudaniya pa zina lake.’

Yohane 13:8

Petro wamnene, “Kuti mukasambiskanga marundi ghangu cha muyaya.” Wangumwamuka Yesu, “Asani ndireka kukusambiska, kuti we ndi chigaŵa pamoza nane cha.”

Zekariya 13:1

“Mu zuŵa lo chisima chijurikiyenge nyumba yaku Davidi ndi ŵakuja mu Yerusalemu, kuŵatoweska ku ulakwi ndi utimbanizi.

Sumu 51:7

Ndiphotoni ndi hisope, ndipo nditowenge, ndisukeni, ndipo nditowenge kwakuruska nyankhuŵinda.

Sumu 51:2

Mundisuke ku kubende kwangu, ndipo mundiphoto ku kwananga kwangu.

Maŵerengedu 19:19

munthu wakuphotoka wakawazgiyanga pa wakunguzgika pa zuŵa la chitatu ndi pa zuŵa la chinkhonde ndi chiŵi, ndipo wakachapanga vivwalo vyake ndi kusamba mu maji, sono ku mazulo wakaŵanga wakuphotoka.

Maŵerengedu 19:8

Yo wakawochanga ng'ombe yo wakachapanga vivwalo vyake ndi kusamba liŵavu lake, ndipo wakaŵanga wakunguzgika mpaka mazulo.

ŴaLevi 15:13

“Ndipo penipo wakusuruwa watozgeka ku kusuruwa kwake, wakajiŵerengiyanga mazuŵa ghankhonde ndi ghaŵi gha kutozgeka kwake, ndi kuchapa vyakuvwara vyake; wakasambanga mu maji ghakwenda, ndipo wakaŵanga wakutozgeka.

ŴaLevi 14:47

yo wakalanga pasi mu nyumba yo wakachapanga saru zake, ndipo wakarghiyangamo kurgha mu nyumba yo wakachapanga saru zake.

ŴaLevi 11:28

Ndipo yo wanyamuwa thupi laku vyo wakachapanga saru zake ndipo wakaŵanga wakunguzgika mpaka mazulo; vyamunguzgu kwinu.

Chituwa 19:14

Viyo Mosese wangusikako ku phiri wanguza ku ŵanthu, ndipo wanguŵapatuwa, ŵanthu wo; ndipo ŵanguchapa vyakuvwara vyawo.

Chituwa 19:10

ndipo Ambuya anguti kwaku Mosese, “Rutanga ku ŵanthu wo ndipo ukaŵapatuwe msana wale ndi la mawa, ndipo ukaŵachapiske vyakuvwara vyawo,

ŴaLevi 11:24

“Ndipo chifukwa chaku ivi mukakazuzgikanga; yose wakuko thupi lake wakaŵanga wakunguzgika mpaka mazulo,

ŴaLevi 11:26

Nyama yose yakugawuwa chikandiru, ndipo yilivi kugaŵikana marundi pamwenga kuti yisumbiya cha, njikazuzi kwinu. Munthu we yose wakuzikwaska yo wakaŵanga wakunguzgika.

ŴaLevi 13:6

Ndipo mzukuru wakamupimanga so pa zuŵa la chinkhonde ndi chiŵi. Asani pa malo gho gha nthenda mphakuti bi ndipo nthenda yo yilivi kufwapuka mu khungu, po ndipo mzukuru wakanenanga kuti ngwambura kunguzgika, Nthwakutupa twawaka ndipo iyo wakachapanga saru zake, ndi kuŵa wambura kunguzgika.

ŴaLevi 16:26

Munthu yo warongozga mbuzi kuya ku Azazele, wakachapanga vivwaro vyake ndi kusamba mu maji, sono pavuli ndipo waziŵa kusere mu ugoŵi.

ŴaLevi 14:46

Ndipo so yo waserenge mu nyumba yo po yajarika, wakaŵanga wakunguzgika mpaka mazulo;

ŴaLevi 15:15

Mzukuru wakaperekanga, kamoza pa sembe yapa ulakwi ndi kanyake pa sembe yakocha; ndipo mzukuru wakamupepeskiyanga paurongo pa Ambuya pa kusuruwa kwake.

ŴaLevi 17:15

Ndipo munthu yose yo wakarghanga chakufwa chija; pamwenga cho chabayika ndi vikoko manyi yo munthu ndi mwenicharu pamwenga ndi mwendathowa wakachapanga vivwaru vyake wakasambanga mu maji, ndi kuŵa wakunguzgika mpaka mazulo; pavuli wakatozgekanga.

ŴaLevi 22:6

munthu waviyo wakaŵanga wakunguzgika mpaka mazulo; ndipo kuti wakarghangapo cha vinthu vyakupaturika kwambura kuti wasamba.

Maŵerengedu 19:7

Pavuli mzukuru wakachapanga vivwalo vyake ndi kusamba liŵavu lake, ndipo wakaserenga mu ugoŵi; mzukuru wakaŵanga wakunguzgika mpaka mazulo.