Biblia Todo Logo
Bib sou entènèt

- Piblisite -




ŴaLevi 10:3 - Tonga Bible 1986

3 Sono Mosese wanguti kwaku Aroni, “Ichi ndicho Ambuya akamba, ‘ndikajirongonga mtuŵa mwaku weniwo ŵe pafupi nane, ndipo paurongo pa ŵanthu wose ndikaŵanga ndi unkhankhu.’ ” Ndipo Aroni wanguja chisisi.

Gade chapit la Kopi




ŴaLevi 10:3
46 Referans Kwoze  

Ndipo so unene ŵazukuru wo ŵandere kufupi ku Ambuya kujipatuwa ŵija vinu Ambuya angaŵarotoke.”


Ndipo anguti kwangu, “Ndiwe mteŵeti wangu, Yisraele, mwaku yo ndikakankhuskikanga.”


Ŵakaŵanga ŵakupaturika kwaku Chiuta wawo, kweni kukazuzga zina laku Chiuta wawo cha; pakuti iwo ŵapereka sembe zapa moto ku Ambuya, chiŵande chaku Chiuta wawo; chifukwa cho ŵakaŵanga ŵakupaturika.


Ambuya angunena ndi Mosese ndi Aroni kuti, “Pakuti mwengavi kuvwana mwaku ine, kundipatuwa mu maso gha ŵaYisraele, chifukwa chenichi kuti mwamuserezga mpingu uwu mu charu cho ndikuŵapaska cha.”


Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.


chifukwa ungutaya chivwanu mwaku ine mukati mu ŵaYisraele pa maji gha Meribata-Kadeshe, mu bozwa la Zini chifukwa wengavi kunditumbika kuti nde wakupaturika, mukati mu ŵaYisraele.


Tuwanimo, tuwanimo, tuwanimo mu Babiloni, mungakonga kanthu kaukazuzi cha; tuwanimo mukati mwake, jitozgeni mwaŵeni, imwe mwaŵakunyamuwa viyaŵi vya Ambuya.


Chiuta wakopeka mu upu wa ŵakupaturika, mura ndi wakofya pachanya paku wose ŵakumuzunguliya.


ŵanthu ŵaku Beteshemeshe ŵanguti, “Njani waziŵa kuma paurongo pa Ambuya, Chiuta mtuŵa uyu? Ndipo wakakweriyanga kwaku yani kutuwako kwidu?”


paulevi munthu yumoza wakupapika mwaku Aroni mzukuru wakuŵa ndi kalema yo wakazanga kufupi kuzachipereka sembe za Ambuya zapa moto, pakuti wendi kalema, kuti wazenge kufupi cha kuzachipereka chiŵande chaku Chiuta wake.


Mukajanga msana ndi usiku pa khomo la hema lakuwunganamo mazuŵa ghankhonde ndi ghaŵi kufiska vyo Ambuya alangula, vinu mungafwa; pakuti viyo ndimo ndalangulikiya.”


Nge ndi fungu lakukondweska ndikamurondiyaninga, nditakuti ndamutuzgani mu ŵamitundu, ndi kumuwunjikani kutuwa mu vyaru mo munguparghang'ikiya, mu maso gha mitundu ndikarongonga utuŵa wangu mukati mwinu.


Chifukwa cho ŵazukuru ŵakavwiyanga kurangula kwangu; vinu ŵangatopo ulakwi ndi ŵangafwa pakukazuzga zina langu: Ndine Ambuya wo atiŵapatuwa.


“Kamba kwaku Aroni, paulevi nanga njumoza wakupapika mwaku iwe mu migoneze yose, yo wendi kalema wakazanga kupereka chiŵande chaku Chiuta wake.


mwakuti wareke kukazuzga ŵana ŵake mu ŵanthu ŵake; pakuti ndine Ambuya ndingumupatuwa.”


Mukamupatuwanga pakuti iyo wapereka chiŵande chaku Chiuta winu; kwaku imwe wakaŵanga wakupaturika, pakuti Ine mbuyamwe yo wapatuwa ndi kutoweska imwe, nde wakupaturika.


Sono wangunena nane, “Vipinda vyaku nkhonde ndi vipinda vyaku malaŵi kulereskana ndi baraza ndi vipinda vyakupaturika, mwenimo ndimo ŵazukuru wo ŵandere ku Ambuya ŵakarghiyanga mipasku yakupaturika kwakuruska; ndimo ŵakaŵikanga mipasku yituŵa kwakuruska, mpasku wa ufwa, mpasku wa ulakwi, ndi mpasku wakuparamula, pakuti malo ngakupaturika.


Nde mbuwu, kuti ndibanuwa mlomo wangu cha; chifukwa imwe ndimwe mukuchichita.


Pakuti ndi nyengo yakuti cheruzgu chiyambenge pa nyumba yaku Chiuta: kweni asani chidanga paku ifwe; chiŵenge chine chigoti cha ŵakutafuliya evangeli waku chiuta?


Yo ngwakwanja wiske pamwenga nyina kwakuruska ine kuti ngwakwenere ine cha; ndipo yo ngwakwanja mwana munthurumi pamwenga mwana munthukazi kwakuruska ine, kuti ngwakwenere ine cha.


Kamba kuti, Viyo atiti Ambuya Chiuta: “Ehe, ndimikana nawe, Sidoni, ndikavumbuwanga unkhankhu wangu mwaku iwe. Ndipo ŵakaziŵanga kuti ine ndine Ambuya, po ndifiska vyeruzgu vyangu mukati mwake, ndi kuvumbuwa utuŵa wangu mwaku iyo;


Kweni iyo wanguti kwaku iyo, “Ukamba kwakulingana nge yumoza wa ŵanthukazi ŵakupusa wangakambiya. Kumbi tikarondiyanga umampha kutuwa ku janja laku Chiuta, kumbi kuti tikarondiyanga uheni cha?” Mwaku chose ichi Jobu kuti wangunanga cha mukurongoro kwake.


‘Ada, kankhuskani zina linu.’ ” Viyo kunguza liu lakutuwa kuchanya, lakuti “Ndalikankhuska, ndipo ndilikankhuskenge so.”


Viyo Samuele wangumukambiya vyose ndipo kuti wangubisa kanthu cha. Ndipo Eli wanguti, “Ndi Ambuya; iko achite cho chingaŵa chamampha kwaku iwo.”


Ndipo ndikanonopaskanga mtima waku Farao ndipo wakaŵandondoloskanga, ndipo ine ndirondenge unkhankhu paku Farao ndi liŵanja lake lose; ndipo ŵaEgipiti ŵakaziŵanga kuti Ndine Ambuya.” Ndipo ŵanguchitade viyo.


Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”


wachiza mkankhuskikiya mu zuŵa liya mu ŵakupaturika ŵake, ndi kurumbika mwaku wose ŵakuvwana (pakuti chinguvwanika chisimisimi chidu chakwaku imwe).


Ndipo chenicho chose mukapemphanga mu zina langu, chenicho nkhachitanga alinga kuti Dada wakankhuskikiye mu Mwana.


Chifukwa chaku imwe, ndichita mantha, ndazazika ndi chitenthe chifukwa cha vyeruzgu vinu.


“Jani chete, ndipo ziŵani kuti ine ndine Chiuta. Ndikutumphuskika mukati mu mitundu, ndikutumphuskika mu charu chapasi!”


Sono Hezekiya wanguti kwaku Yesaya, “Mazu gha Ambuya gho warongoro ngamampha.” Pakuti wangughanaghana kuti, “Pakaŵanga chimangu ndi kuvikirika mu mazuŵa ghangu.”


Ndipo ndikanonopeskanga mitima ya ŵaEgipiti kuti ŵaseremo kuŵandondoloska, ndipo ine ndirondenge unkhankhu paku Farao ndi liŵanja lake lose, magareta ghake, ndi ŵankhondo ŵapa ŵakavalo ŵake.


Ukatukutizganga Aroni ndi ŵana ŵake ŵanthurumi, ndi kuŵapatuwa, kuti wanditeŵete nge mbazukuru.


ndipo wangunena ndi Kora ndi mpingu wake wose, kuti, “Lemawa Ambuya akarongonga mweniyo ngwawo, ndi yo ndi mtuŵa, ndipo akamunderezgiyanga mtuŵa kufupi kwaku iwo; inya mweniyo iwo asankha akamunderezgiyanga kufupi kwawo.


Asoske pachanya nthazi ya ŵanthu ŵawo, rumbani chifukwa cha ŵatuwa ŵawo, chifukwa cha ŵanthu ŵaku Yisraele, khamu lapa mtima wawo. Rumbani Ambuya!


ukazanga kurwana ndi ŵanthu ŵangu ŵaYisraele, ngendi mtambo ubenekere charu. Mu mazuŵa gha umari ndikutonge kuti umikane ndi ŵanthu ŵangu, mwakuti mitundu yindiziŵe, alinga kuti pakuporote mwaku iwe Gogi, ndivumbuwe utuŵa wangu paurongo pawo.


chipinda ichi chilereska ku nkhonde ncha ŵazukuru ŵakutufuliya jochero; aŵa mbana ŵaku Zadoki, mweniyo yija mukati mu ŵana ŵaku Levi ndiyo wakazanga pafupi pa Ambuya kuŵateŵete iwo.


Ndipo Ambuya anguti kwaku iyo, “Sika, ndipo ukakwere so kunu, ndi Aroni pamoza nawe; kweni ungazomerezga ŵazukuru ndi ŵanthu cha kuporota kuti ŵakwere ku Ambuya, vinu ŵangaŵarotoke.”


Mungandikwe chuwanga cha; ndamarizgika ndi kupuma kwa janja linu.


Visimisimi vinu vyakukho ukongwa; utuŵa uzaza nyumba yinu, Ambuya, muyaya ndi muyaya.


Swiv nou:

Piblisite


Piblisite