ŴaLevi 10:2 - Tonga Bible 1986

² Ndipo moto unyake unguza kutuliya ku Ambuya ndi unguŵamara, ŵangufwa paurongo pa Ambuya.

ŴaLevi 10:2 Referans Kwoze

Maŵerengedu 26:61

Kweni Nadabu ndi Abihu ŵangufwa pakupereka moto wambura kupaturika pa maso pa Ambuya.

Maŵerengedu 16:35

Ndipo moto wakutuwa ku Ambuya, unguŵamara ŵanthu machumi pe chumi ghaŵi pachanya machumi ghankhonde (250) wo ŵangupereka vyakusunkhizga.

ŴaLevi 9:24

Ndipo moto unguburika kutuwa paurongo pa Ambuya ungocha mpasku wakocha ndi mafuta gho ghenga pa jochero; ndipo penipo ŵanthu wose ŵanguwuwona, ŵangukambura, ndi ŵanguwa pasi kavunama.

2 Samuele 6:7

Ndipo Ambuya angukalipa ndi Uza; Chiuta wangumukoso penipa chifukwa wangusoske janja lake pa Bokosi la Ambuya; ndipo wangufwiya musina mu Bokosi laku Chiuta.

1 ŴaKorinte 10:11

Ivi vinguŵaŵiya ŵa nge nchakuteskiyapo; ndipo vingulembeke kutichenjezga ifwe, paku taŵenifwe wafikiya umari wa migonezi.

Machitidu gha Ŵakutumika 5:10

Ndipo sosonukweni wanguwa pasi pa marundi ghake, ndipo wanguziririka: ndipo pakuseremo ŵahurwa wo ŵangumsaniya wafwa; ndipo ŵangumtembeze kubwaro, ndi kumuŵika kumoza ndi mrumi wake.

Machitidu gha Ŵakutumika 5:5

Ndipo Hananiya pakuvwa mazu yagha, wanguwa pasi ndipo wanguziririka: ndipo chopu chikuru chinguwiya wose wo ŵavwanga.

Yesaya 30:33

Pakuti malo ghakunyeka ndi moto ghakulongosoreka kale; inya pakuti gharongosoreke karonga yo, muunda wake wakumbika utali ndi usani, moto pamoza ndi nkhuni zinandi; mvuchi wa Ambuya utiwupemba nge ndi msinji wa fukanyira.

1 Mikoka 24:2

Kweni Nadabu ndi Abihu wangufwa auskeu ŵeche ŵamoyo, ndipo ŵengavi ŵana. Viyo Eleazara ndi Itamara ŵanguŵa wazukuru.

1 Mikoka 15:13

Chifukwa mwengavi kulinyamuwa pakudanga, Ambuya Chiuta widu wangutikalipiya Chifukwa kuti tinguliphwere cha kwakuyana ndi nthowa yo yikulangulika.”

1 Mikoka 13:10

Ndipo ukale wa Ambuya ungukole paku Uza, ŵangumkoso chifukwa wangukwaska bokosi ndi janja lake, ndi wangufwiya penipa paurongo paku Chiuta.

2 ŴaKaronga 1:12

Kweni Eliya wanguŵamuka, “Asani ine nde munthu waku Chiuta, usike moto kutuliya kuchanya kukumara, iwe ndi ŵanthu ŵako machumi ghankhonde.” Sono moto waku Chiuta ungusika kutuliya kuchanya ungumumara iyo ndi ŵanthu ŵake.

2 ŴaKaronga 1:10

Kweni Eliya wangwamuka nduna ya nkhondo ya liŵanja la machumi ghankhonde, “Asani ine nde munthu waku Chiuta, moto usike kutuliya kuchanya ku kupirizga iwe ndi ŵanthu ŵako.” Sono moto ungusika kutuwa kuchanya, ndipo ungumara iyo ndi ŵanthu ŵake machumi ghankhonde.

1 Samuele 6:19

Kweni ŵana ŵaku Yekoniya kuti ŵangukondwere pamoza ndi ŵanyawo ŵamu Beteshemeshe cha pakuza kwa bokosi la Ambuya, ndipo angukoso ŵanthu machumi ghankhonde ndi ghaŵi (70). Ŵanthu ŵangutenje chifukwa Ambuya angukoso ŵanthu ŵanandi mukati mwawo,

Maŵerengedu 16:49

Sono wo ŵangufwa ndi nthenda wenga vikwi chumi ndi vinayi pachanya machumi pe chumi ghankhonde ndi ghaŵi, (14,700) yaŵa mba pade paku wo ŵangufwa chifukwa cha mrandu waku Kora.

ŴaLevi 16:1

Ambuya angurongoro kwaku Mosese, pavuli pa nyifwa ya ŵana ŵaŵi ŵaku Aroni, ŵeniwo pakundere pafupi paurongo pa Ambuya ŵangufwa.

ŴaLevi 10:5

Viyo ŵangundere kufupi ndi wanguŵanyamuliya mu maraya ghawo kubwalo kwa ugoŵi, uli ndimo Mosese wangukambiya.

Chituwa 24:1

Ndipo wanguti kwaku Mosese, “Kwere kuno ku Ambuya, iwe ndi Aroni, Nadaba, ndi Abihu ndi ŵaraŵara ŵa ŵaYisraele machumi ghankhonde ndi ghaŵi (70) ndi musope katatu.

1 ŴaKaronga 18:38

Sono moto wa Ambuya unguwa, ndi ungocha sembe yakocha, ndinkhuni, ndi mya, ndi fuvu; ungumyanga maji gho ghenga mungalande.

Jobu 1:16

Weche kukamba, wanguza munyake yo wanguti, “Moto waku Chiuta ungusika kuchanya ndi ungocha mberere ndi ŵaliska ndi kuŵamara, ndipo ine ndija ndine ndapozomoka kuzachikunene.”

Sumu 50:3

Chiuta widu watuza, kuti waja chisisi cha, moto wakunyekeska we paurongo pake, wazingirizgika ndi lirondo la nthazi.

Maŵerengedu 14:37

wo angupinga makani ghaheni gha charu chiya, ŵangufwa ndi nthenda ya kofya pa maso pa Ambuya.

1 ŴaKaronga 13:28

Wanguruta, wangusaniya thupi lake lapong'eka mu mseu, ndipo mbunda ndi nkharamu vyama waka jo pafupi ndi thupi chingana nkhu paruwa mbunda cha.