ŴaLevi 10:14 - Tonga Bible 1986

¹⁴ Kweni nganga yo yazungung'ika ndi chigha cho chaperekeka mukarghiyanga mu malo ghe ghose ghakutozgeka, imwe pamoza ndi ŵana ŵinu ŵanthurumi ndi ŵana ŵinu ŵanthukazi pamoza namwe. Pakuti vyo vyapaskika kuŵa phande linu, ndi phande la ŵana ŵinu, kutuwa ku mipasku ya vyakupereka vya chimangu vya ŵaYisraele.

ŴaLevi 10:14 Referans Kwoze

Maŵerengedu 18:11

Mipasku yawo yose ya wanangwa, mipasku yose yakuzungung'a ya ŵaYisraele, iyi nayo so njinu; ndayipaska kwaku iwe, ku ŵana ŵako ŵanthurumi ndi ŵana ŵako ŵanthukazi pamoza nawe, nge ndi phande la muyaya; we yose wambura kalema mu nyumba yako warghengeko.

Yohane 4:34

Yesu wanguŵanene, “Chakurgha changu nchakuti ndichitenge khumbo la wakundituma yo, ndi kuti ndifiske mlimu wake.

ŴaLevi 9:21

Kweni nganga ndi chigha chaku marghe Aroni wanguzungung'a kuŵa mpasku wakuzungung'a paurongo pa Ambuya; uli ndimo Mosese wangulanguliya.

Chituwa 29:33

Ŵakarghanga vinthu vyo vinguchitikiya mphepeska kuŵamika ndi kuŵapatuwa, kweni ŵakubwalo kuti ŵakavirghanga cha, pakuti vyakupaturika.

ŴaLevi 10:13

Mukawurghiyanga mu malo ghakupaturika chifukwa ndi phande lako ndi la ŵana ŵako, kutuliya ku mpasku wakuperekeka wapa moto ku Ambuya pakuti viyo ndimo ndingulangulikiya.

Maŵerengedu 5:9

Ndipo mpasku wose, vinthu vyose vyakupaturika vya ŵaYisraele, vyo ŵatuza navyo ku mzukuru, vikaŵanga vyake;

Ezekiele 42:13

Sono wangunena nane, “Vipinda vyaku nkhonde ndi vipinda vyaku malaŵi kulereskana ndi baraza ndi vipinda vyakupaturika, mwenimo ndimo ŵazukuru wo ŵandere ku Ambuya ŵakarghiyanga mipasku yakupaturika kwakuruska; ndimo ŵakaŵikanga mipasku yituŵa kwakuruska, mpasku wa ufwa, mpasku wa ulakwi, ndi mpasku wakuparamula, pakuti malo ngakupaturika.

ŴaLevi 22:13

Kweni asani mwana munthukazi wa mzukuru nchoko pamwenga ngwakupatika ndi munthurumi, ndipo walivi mwana; ndipo wawere ku nyumba ya awiske mo walili weche muŵisi, wangaziŵa kurgha kwa awiske; kweni munthu waka kuti warghengepo cho cha.