ŴaLevi 10:13 - Tonga Bible 1986

¹³ Mukawurghiyanga mu malo ghakupaturika chifukwa ndi phande lako ndi la ŵana ŵako, kutuliya ku mpasku wakuperekeka wapa moto ku Ambuya pakuti viyo ndimo ndingulangulikiya.

ŴaLevi 10:13 Referans Kwoze

ŴaLevi 6:16

Ndipo chakujako chose Aroni ndi ŵana ŵake ŵakachirghanga, chikarghikanga chambura mtupu mu malo ghakupaturika; mu bwalo la hema lakuwunganamo.

ŴaLevi 2:3

Ndipo chigaŵa cho chikajangako cha mpasku wa ufwa chikaŵanga chaku Aroni ndi ŵana ŵake. Cho nchigaŵa chakupaturika chakuruska cha mipasku yapa moto ku Ambuya.

Maŵerengedu 18:10

Mu malo ghakupaturika kwakuruska, ndimo mukarghiyanga; munthurumi yose wakarghangako vyakupaturika kwaku imwe.

ŴaLevi 10:12

Mosese wangunena ndi Aroni, Eleazara, ndi Itamara, ŵana ŵake wo ŵangujapo, “Toni mpasku wa ufwa wo wajoko wakuperekeka wapa moto ku Ambuya, ndi muwurghe wambura mtupu pafupi ndi jochero, chifukwa ngwakupaturika.

ŴaLevi 10:14

Kweni nganga yo yazungung'ika ndi chigha cho chaperekeka mukarghiyanga mu malo ghe ghose ghakutozgeka, imwe pamoza ndi ŵana ŵinu ŵanthurumi ndi ŵana ŵinu ŵanthukazi pamoza namwe. Pakuti vyo vyapaskika kuŵa phande linu, ndi phande la ŵana ŵinu, kutuwa ku mipasku ya vyakupereka vya chimangu vya ŵaYisraele.

Maŵerengedu 5:10

ndipo vyakupaturika vya munthu we yose vikaŵanga vyake; chinthu che chose cho munthu wakaperekanga ku mzukuru chikaŵanga chake.”

Ezekiele 42:13

Sono wangunena nane, “Vipinda vyaku nkhonde ndi vipinda vyaku malaŵi kulereskana ndi baraza ndi vipinda vyakupaturika, mwenimo ndimo ŵazukuru wo ŵandere ku Ambuya ŵakarghiyanga mipasku yakupaturika kwakuruska; ndimo ŵakaŵikanga mipasku yituŵa kwakuruska, mpasku wa ufwa, mpasku wa ulakwi, ndi mpasku wakuparamula, pakuti malo ngakupaturika.