Wakutaula 9:6 - Tonga Bible 1986

⁶ Chanju chawo, tinkhu lawo, ndi sanji yawo vyamara kale, ndipo kuti ŵendi phande so cha muyaya mwaku vyose vyo vichitika mu charu chapasi.

Wakutaula 9:6 Referans Kwoze

Mateyu 2:20

“Yuka, to mwana yo ndi nyina, kanga ku charu chaku Yisraele, chifukwa ŵafwa wo ŵapenjenga umoyo wa mwana yo.”

Wakutaula 6:12

Chifukwa ndiyani waziŵa cho nchamampha ku munthu penipo waja mazuŵa ghamanavi gha umoyo wake wa ŵaka, wo wati wujumpha nge ndi mduzi? Pakuti ndiyani yo wangamunene munthu cho chikaŵangako pavuli pake panu pasi.

Nthanthi 10:28

Chigomezgu cha murunji chimaliya mu kukondwa, kweni cho wagomezga wamphurupuru chimaliya pa waka.

Chituwa 1:8

Sono kunguwa karonga munyake wa Egipiti, yo wengavi kuziŵa Yosefe.

Wakutaula 2:10

Ndipo cho chose maso ghangu ghangukhumba kuti ndingughajara cha; ndengavi kukanizga mtima wangu ku likondwa le lose pakuti mtima wangu ungusaniya likondwa mu nchitu zangu zose, ndipo iyi yenga mphoto ya mukutakataka kwangu kose.

Wakutaula 3:22

Mu chifukwa ichi ndinguwona kuti kulivi kamampha kwakuruska kuti munthu wakondweriyenge nchitu yake, pakuti lenilo ndilo phande lake; ndiyani yo wakamutoriyanga kukuwona vyo vituza pavuli pake?

Wakutaula 9:1

Kweni vyose ivi ndinguviŵika pa mtima, kwesa vyose, kuti murunji ndi wazeru ndi nchitu zawo ŵemu manja ghaku Chiuta; munthu kuti waziŵa cha kuti manyi nchanju pamwenga tinkhu. Chinthu chose paurongo pawo nchawaka.

Yesaya 38:11

Ndinguti, kuti ndiwonenge Ambuya cha mu charu cha ŵamoyo; kuti ndikalereskanga so pa munthu cha mukati mu ŵakuja mu charu.