Wakutaula 9:5 - Tonga Bible 1986

⁵ Chifukwa ŵamoyo ŵaziŵa kuti ŵakafwanga, kweni ŵakufwa kuti ŵaziŵa kanthu cha nanga ndi mphoto nayo ŵalivi; ndipo mbakuruwika.

Wakutaula 9:5 Referans Kwoze

Yesaya 26:14

Iwo ŵakufwa, kuti ŵakaŵanga ŵamoyo cha; ndi mizguka, kuti ŵakayukanga so cha, chifukwa ichi imwe munguchezga nawo ndi phasulu ndipo mungusisita chinkhumbu chawo chose.

Wakutaula 1:11

Vyakale kuti vikumbukika cha, ndipo kuti vikakumbukikanga cha vinthu vyo vikachitikanga kunthazi, vyo vikaŵangako mwaku wo ŵakazanga kuvuli.

Sumu 6:5

Pakuti kulivi kukumbuka imwe ku nyifwa; ndiyani wathamikenge imwe mu muunda.

ŴaHebere 9:27

Ndipo uli ndimo kutemeke ŵanthu kufwa kamoza, kweni pavuli pake kweruzgika,

Jobu 14:21

Ŵana ŵake ŵatuza ku ulemu kweni iyo kuti waziŵa cha, ŵasiskikiya pasi, kweni iyo kuti watichiwona cha.

Wakutaula 2:16

Pakuti wazeru kuti wakumbukika nyengo zose kuruska wakupusa cha pakuwona kuti mu mazuŵa gha ghatuza wose ŵakaluwikanga. Kumbi wa vinjeru watufwa uli nge ngwakupusa?

Sumu 109:15

Nyengo yose Ambuya akumbuke ma utimbanizighawo, ndipo iwo ŵeneko ŵaruwikiye limu!

Wakutaula 8:10

Sono ndinguwona ŵaheni ŵaŵikika mu masono; iwo ŵaserenga ndi kutuwa mu malo ghakupaturika, ndipo ŵarumbikanga mu muzi mwenimo ŵachitanga vya viyo. Ichi nachu so nchawaka.

Yesaya 63:16

Pakuti imwe ndimwe Auskefwe, chingana Abrahamu wareka kutiziŵa ifwe, ndipo Yisraele kuti watitipanikizga cha; imwe Ambuya, ndimwe mwe Auskefwe, Muwombozi widu ndilo zina linu kutuliya ku mwaka.

Wakutaula 7:2

Nkjwamampha kuruta ku nuumba ya maliro kwakuruska kuruta ku nyumba ya madghera; pakuti uwu mbumari wa ŵanthu wose, ndipo ŵamoyo ŵakachiŵikanga pa mtima.

Jobu 30:23

Inya ndiziŵa kuti mukanditoriyanga ku nyifwa, ndi ku nyumba yakumikikiya ŵamoyo wose.

Wakutaula 9:4

Kweni yose yo wakubatikana ndi ŵamoyo wose wenacho chigomezgu, pakuti garu wamoyo ngwamampha kwakuruska nkharamu yakufwa.

Wakutaula 9:10

Chose cho janja lako lasaniya kuchita, chitanga ndi nthazi yako; pakuti kulivi nchitu pamwenga maghanaghano pamwenga kuziŵa pamwenga vinjeru mu muunda mwenimo ukarutanga.

2 Samuele 14:14

Tose tikafwanga te nge ndi maji ghakudikiya pasi, gho kuti ghangayoreka so cha; kweni Chiuta kuti wakatuzgangako cha umoyo wa munthu yo wapenja nthowa yakuti wakudikika wake wareke kudikikiya limu.

Sumu 88:13

Ambuya, ine ndiliriya chovyo chinu; mlenji ndi mlenji ndiromba imwe.

Luka 20:32

Pavuli pake wangufwa munthukazi nayo.