Wakutaula 9:11 - Tonga Bible 1986

¹¹ Ndinguwona so kuti panu pasi maphara kuti gheku ŵapusu cha, nanga ndi nkhondo kuti yaku ŵanthazi cha, nanga nkhurgha ku ŵazeru, nanga mbusambasi ku ŵakuwamo nanga mbulemu ku zing'ombwa cha: kweni nyengo ndi mwaŵi viŵiya kwaku wose.

Wakutaula 9:11 Referans Kwoze

Yeremiya 9:23

Viyo atiti Ambuya, “Munthu wazeru wareke kutumbwiya mu zeru zake, wakulimba wareke kutumbwiya mu kulimba kwake, musambasi wareke kutumbwiya mu usambasi wake;

Wakutaula 3:17

Ndingunena mu mtima wangu, Chiuta wakeruzganga ŵarunji ndi ŵaheni, pakuti wamika nyengo pa kafukwa ke kose, ndi pa nchitu ye yose.

Wakutaula 3:14

Ndiziŵa kuti chose cho Chiuta wachita chikajaririyanga muyaya; kuti kakasazgikiyangako kanyake nanga nkhutuzgapo kanthu kanyake kwaku cho cha; Chiuta wachichita ichi mwakuti ŵanthu wopenge paurongo pake.

ŴaEfeso 1:11

Nadi mwaku iyo, mwaku mweniyo so tinguchitika chihara (tati tatemeke limu mu chitema chaku mweniyo watataliya vyose tataliya vyose kwakulingana ndi chipangu cha khumbu lake),

2 Mikoka 20:15

Iyo wanguti, “Avwani, imwe mose ŵaYuda ndi imwe muja mu Yerusalemu, ndi imwe karonga Yehosafati, viyo ndimo watumuneniyani Chiuta, wati, ‘Mungopanga cha chingana nkhutenthema chifukwa cha chimzinda ichi chikuru, chifukwa nkhondo njinu cha, njaku Chiuta.

Marangu 8:18

Mukumbuke Ambuya Chiuta winu, chifukwa ndiyo wamupaskani nthazi zakusaniriya usambasi, kuti wakhozge phanganu lenilo wangurapa kwa auskemwe, nge ndimo kulilizuŵa lino.

Wakutaula 4:4

Penipo ndinguwona kuti milimu yose ndi umisiri wose mu nchitu utuza kutuliya mu sanji ya munthu ndi mwanasi wake. Ichi nachu nchawaka ndi suzgu ya mtima.

Yeremiya 46:6

Ŵapusu kuchimbiya kuti ŵangathaŵa cha; chingana ndi ngwazi kupozomoka ng'o; ku nkhonde pa msinji wa Efrate ŵaguŵa ndi ŵawa.

Wakutaula 7:13

Ghanaghana nchitu yaku Chiuta; ndiyani wangaziŵa kunyoroska chenicho iyo wabendezga?

Wakutaula 4:1

Ndinguwona so visuzgu vyose vyo vichitika panu pasi. Ehe, masozi gha ŵakukandirizgika, ŵengavi nanga njumoza wakuŵasangaruska! Kuchiri ku ŵakuŵakandirizga kwenga mazaza, ndipo pengavi yumoza wakuŵasangaruska.

Wakutaula 2:12

Viyo ndingung'anamuka kughanaghana vinjeru, kufuntha, ndi uzereza; chifukwa wangachitanji munthu yo watuza pavuli pa karonga? Nchenicho pe wakuchita kale.

Jobu 34:29

Pa iyo waja cheti, ndiyani wangasuska? Pa wabisa chisku chake, ndiyani wangamuwona; pamwenga ungaŵa mtundu pamwenga munthu,

2 Samuele 17:14

Absalomu pamoza ndi ŵanthurumi wose ŵaYisraele, ŵanguti, “Fundu yaku Hushai mu Arki ndiyo yamampha kuruska yaku Ahitofele.” Chifukwa Ambuya angumika kususka fundu yamampha yaku Ahitofele, mwakuti Ambuya asiskiye uheni paku Absalomu.

Malaki 3:18

Viyo so mwamupatuwa murunji ku muheni, wakuteŵete Chiuta ndi yo wareka kumuteŵete.

1 Samuele 17:50

Viyo Davidi wangupunda muFilisti ndi chakupong'e ndi mwa ndipo wangumubaya, mwengavi lipanga mu janja lake.

Danyele 4:35

wose ŵakuja mu charu cha panu pasi ŵapimika nge vyawaka; ndipo wachita kwakiyana ndi khumbu lake mu liŵanja la kuchanya ndi mu ŵakuja mu charu chapasi; ndipo palivi yo wangaziŵa kuja mu janja lake, nanga nkhuti kwaku iyo, “Uchitanji?”

2 Samuele 17:23

Po Ahitofele wanguwona kuti pengavi yumoza yo wangurondo fundu yake, wangukwera pa mbunda yake, ndi kuruta ku nyumba yake ku muzi wake. Ndipo wanguti wanozga umampha vyose vyamu nyumba yake, wangujigwinjiriya; ndipo wangufwa, ndipo wanguŵikika mu muunda wa awiske.

Marangu 8:17

Chenjeni vinu mungati mu mtima, ‘Nthazi yangu ndi nthazi ya janja langu vyanditore usambasi uwu.’

1 Samuele 6:9

Ndipo wonani; asani likwera mu nthowa yakuya ku charu chake ku Beteshemeshe, iku ndiyo yo watichitiya uheni ukuru uwu, asani kuti liyengeko cha, mbwenu tikaziŵanga kuti, kuti ndi janja lake cha lo latipweteka, chatiŵiya waka mwasoka.”

Sumu 76:5

Ŵankhondo ŵawo ŵakukhwima mtima ŵakuskoweka, ndipo sono ŵagona, ŵagona tulo twa nyifwa; palivi nanga njumoza wakusiyika wakuti wako vyakurwiya vyawo.

Nthanthi 1:5

munthu wa zeru nayo wavwe ndi wakuskiyeko masambiro, ndi munthu wakuwamo wapenje umisili,

Wakutaula 9:2

Pakuti chinthu chimoza chifikiya paku wose, ku murunji ndi muheni, wamampha ndi wawuyu, ku wakuphotoka ndi wambura kuphotoka, kwaku yo wapereka sembe ndi yo wareka kupereka sembe. Nge ndimo waliri munthu wamampha, ndimo waliri wakwananga; ndipo wakurapa rapu wayana ndi yo watopa rapu.

Zekariya 4:6

Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.

Wakutaula 9:3

Ichi nchawuyu mwaku vyose vyo vichitika panu pasi, kuti chinthu chimoza chifikiya kwaku wose; ndipo so mitima ya ŵanthu yazaza ukazuzi, kufuntha kwemu mitima yawo po ŵeche ndi umoyo, ndipo, pavuli ŵaruta ku ŵakufwa.

Yeremiya 48:14

Mukamba uli, ‘Te ŵanthazi ndi ŵankhondo ŵakulimba’?