Wakutaula 9:1 - Tonga Bible 1986

¹ Kweni vyose ivi ndinguviŵika pa mtima, kwesa vyose, kuti murunji ndi wazeru ndi nchitu zawo ŵemu manja ghaku Chiuta; munthu kuti waziŵa cha kuti manyi nchanju pamwenga tinkhu. Chinthu chose paurongo pawo nchawaka.

Wakutaula 9:1 Referans Kwoze

Marangu 33:3

Inya, anguŵanja ŵanthu ŵawo, wose wo ŵangupaturiskikiya kwaku iwo ŵenga mu janja lawo, viyo ŵangundondoroska mu marundi ghinu, ŵakuronde kurongozga kwinu,

1 Petro 1:5

mwaŵakusungika ndi nthazi yaku Chiuta mu chivwanu ku utaski wakurongosoleke kuvumbulikiya mu nyengo yaumari.

Wakutaula 8:14

Kwe chawaka cho chichitika panu pasi, kuti ŵalipo ŵanthu ŵarunji paku ŵeniwo chituŵawiya kwakuyana ndi nchitu za ŵaheni, ndipo ŵalipo ŵaheni paku ŵeniwo chituŵawiya kwakuyana ndi nchitu za ŵarunji. Ndinguti ichi nachu so nchawaka.

Jobu 12:10

Mu janja lake mwe umoyo wa chinthu chose cha moyo, ndi mvuchi wa ŵanthu wose.

2 Timote 1:12

Chifukwa chaku chenicho ndikomwe so vyenivi: kweni kuti ndikanyara cha; chifukwa ndimziŵa mweniyo ndigomezga, ndipo ndiziŵa kuti ngwanthazi kusungirizgiya zuŵa liya chakupazgika changu.

Yesaya 26:12

Ambuya mwe, mukatichitiyanga chimangu ifwe, mwatilongosole ifwe nchitu zidu.

Nthanthi 16:3

Pereka nchitu yako ku Ambuya, ndipo vyakulongoso vyako vikachitikanga.

Sumu 31:5

Mu janja linu ndipereka mzimu wangu; mwandiwombo, Ambuya, Chiuta wamagomekezgeka.

1 Samuele 2:9

“Avikiriyenge marundi gha ŵakuvwana mwaku iwo; kweni ŵaheni ŵakadumulikiyanga ku mdima; chifukwa munthu kuti wakapundanga ndi nthazi yaku yija cha.

Wakutaula 10:14

Wakupusa watandaniska mazu, nanga munthu kuti waziŵa cha cho chikaŵangako, ndipo ndiyani yo wangaziŵa kumunene cho chikaŵangako pavuli paku iyo?

Wakutaula 8:16

Po ndinguti ndapereka mtima wangu kuziŵa vinjeru, ndi kuwona nchitu zo zichitika panu pasi, chifukwa chine kuti chingana ndi msana pamwenga usiku maso gha munthu kuti ghawona tulo cha;

Wakutaula 7:25

Ndingung'anamuka mtima wangu kuziŵa ndi kusanda ndi kupenja zeru kuti ndisaniye unandi wa vinthu ndi kuziŵa uheni wa ŵazereza ndi kupusa ko nkhufuntha.

Wakutaula 7:15

Ine ndawona vinthu vyose mu umoyo wangu waŵaka; walipo munthu murunji yo wafwiya mu urunji wake, ndipo walipo munthu muheni yo wajaririya mu umoyo wake mu nchitu zake ziheni.

Wakutaula 1:17

Ndipo ndingupereka mtima kuziŵa vinjeru, ndi kuziŵa kufuntha ndi uzereza. Ine ndikupanikizga kuti ichi nachu so ndi suzgu ya mtima.

Sumu 73:3

Chifukwa ndinguchita sanji ndi ŵakujikuzga, po ndinguwona kuti ŵaheni ndiwo ŵasakata.

Sumu 10:14

Imwe mwawona; inya, mwapanikizga suzgu ndi chigwinini, mwakuti muvitore mu manja ghinu; wakusauka watijipereka kwaku imwe; imwe mwaŵa movya wa ŵaranda.

Jobu 5:8

“Ine ndipenjenge Chiuta, kwaku Chiuta ndiperekenge chifukwa changu;

Sumu 119:109

Umoyo wangu wemu janja langu zuŵa ndi zuŵa; kweni dangu linu kuti ndiruwa cha.

Wakutaula 9:6

Chanju chawo, tinkhu lawo, ndi sanji yawo vyamara kale, ndipo kuti ŵendi phande so cha muyaya mwaku vyose vyo vichitika mu charu chapasi.

Yeremiya 43:6

ŵanthurumi, ŵanthukazi, ŵana, ŵana ŵanthukazi ŵa ŵakaronga, ndi munthu yose mweniyo Nebuzaradani nduna ya ŵalonda ŵangusiya ndi Gedaliya mwana waku Ahikamu, mwana waku Shafani; ndi so Yeremiya mchimi ndi Baruki mwana waku Neriya.

Jobu 27:12

Wonani, mose mwachiwona mwaŵeni, nanga chifukwa nchine mose pamoza mwaŵa ŵawakawaka?

Wakutaula 8:7

Chifukwa kuti waziŵa cha cho chikaŵangako, pakuti ndiyani yo wangaziŵa kumunene mo chikaŵiyanga?