Wakutaula 8:17 - Tonga Bible 1986

¹⁷ penipo ndinguwona nchitu zose zaku Chiuta munthu kuti wangasaniya nchitu yo yichitika panu pasi cha. Nanga wangafukafuka uli mu kupenja-penja kuti wangayisaniya cha; manyi chingana ngwazeru yo watiti waziŵa, kweni kuti wangayisaniya cha.

Wakutaula 8:17 Referans Kwoze

Wakutaula 3:11

Wachita vinthu vyose kuŵa vyakutowa mu nyengo yake; waŵika so umuyaya mu mtima wa munthu kweni ndipuuli palivi yo waziŵiska cho Chiuta wachita kutuliya ku kwamba mpaka ku umari.

ŴaRoma 11:33

Ndimba nayo ya usambasi wa zeru ndi so wa mziŵiru waku Chiuta; vyeruzgu vyake vizira mapenjeka mbwenu, ndi nthowa zake zizira mateskeka!

Sumu 73:16

Viyo ndingwesakwa unonono kuti ndiwemo ichi, nanga chenga chizitu kwakuruska,

Yesaya 40:28

Kuti ukuziŵa cha? Kumbi ulivi kuvwa? Ambuya ndiyo Chiuta wa muyaya, Mlengi wa vigoti vya charu chapasi. Kuti wagongowa chingana nkhuvuka cha, kuwamo kwake nkhwambura mapenjeka.

Jobu 5:9

Mweniyo wachita vinthu vikuru, ndi vyambura kulondoreka, vinthu vyakuziziswa vyambura kuŵerengeka.

Wakutaula 11:5

Nge ndimo ureke kuziŵiya mzimu uchiza muviwanga mukati mu nthumbo ya munthukazi wakuŵa ndi mwana, ndimo ureke kuziŵiya nchitu zaku Chiuta yo wachita vinthu vyose.

Sumu 40:5

Ambuya, Chiuta wangu, mwandaniska nchitu zinu zakuziziswa ndi maghanaghanu ghinu gha paku ifwe; palivi nanga njumoza wakuyana namwe! Asani ndenga wakughataula ndi kughakamba, mphanyi ghaŵa ghanandi ghambura maŵerengeka.

Sumu 104:24

Ambuya, mwachita vinthu vinandi ukongwa! Ndi zeru yinu mwachita ivi vyose! Charu chapasi chazaza ndi vyose imwe mwalenga.

Wakutaula 1:13

Ndipo ndingupereka mtima wangu kupenja ndi kusanda mwa zeru vyose vyo vichitika pasi pa mtambo; ndi nchitu yambura kukondweska yo Chiuta wapereka ku ŵana ŵa ŵanthu kuti ŵasuzgike nayo.

Wakutaula 7:13

Ghanaghana nchitu yaku Chiuta; ndiyani wangaziŵa kunyoroska chenicho iyo wabendezga?