Wakutaula 8:15 - Tonga Bible 1986

¹⁵ Ndipo ndingurumba kukondwa, pakuti munthu walivi kamampha panu pasi kweni kurgha ndi kumwa, ndi kujikondweska mweneko, pakuti ichi chikaŵanga nayo mu nchitu yake mazuŵa ghose gha umoyo wake gho Chiuta watumpaska panu pasi.

Wakutaula 8:15 Referans Kwoze

Wakutaula 2:24

Kulivi chamampha chakumwenere munthu kwakuruska kuti warghe ndi kumwa ndi kusaniya likondwa mu nchitu yake. Ichi nacho ndinguchiwona, nchakutuliya ku janja laku Chiuta;

Wakutaula 5:18

Ehe cho ine ndawona kuŵa chamampha ndi chakwenere nkhurgha ndi kumwa ndi kuŵa ndi likondwa mu nchitu zose zo munthu wasuzgika nazo mu mazuŵa ghamanavi gha umoyo wake gho Chiuta wamupaska panu pasi, pakuti lenilo ndilo phande lake.

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

Wakutaula 3:22

Mu chifukwa ichi ndinguwona kuti kulivi kamampha kwakuruska kuti munthu wakondweriyenge nchitu yake, pakuti lenilo ndilo phande lake; ndiyani yo wakamutoriyanga kukuwona vyo vituza pavuli pake?

Sumu 42:8

Ndi msana Ambuya alanguliya chifundu chawo; ndipo ndi usiku sumu yawo ye paku ine, rombu kwaku Chiuta wa umoyo wangu.

Wakutaula 2:1

Ndingurongoro mu mtima wangu, “Zanga sono, ndikwesenge ndi likondwa; kondwanga wamweni.” Kweni ehe, ichi nachu so chenga chawaka.

Wakutaula 2:3

Ndingupenja ndi mtima wangu mo ndingasangaruskiya liŵavu langu ndi vinyo, mtima wangu weche kundirongozga mu vinjeru ndimo ndingakore, uzereza, mpaka penipo ndinguwona cho nchamampha ku ŵana ŵa ŵanthu kuchita pasi pa mtambo mu mazuŵa ghamanavi gha umoyo wawo.

Wakutaula 2:10

Ndipo cho chose maso ghangu ghangukhumba kuti ndingughajara cha; ndengavi kukanizga mtima wangu ku likondwa le lose pakuti mtima wangu ungusaniya likondwa mu nchitu zangu zose, ndipo iyi yenga mphoto ya mukutakataka kwangu kose.