Wakutaula 8:11 - Tonga Bible 1986

¹¹ Chifukwa cheruzgu chapa nchitu yiheni kuti chifiskika ruŵi cha, mtima wa ŵana ŵa ŵanthu ukuzikitizgikiya limu kuchita uheni.

Wakutaula 8:11 Referans Kwoze

Yesaya 26:10

Asani mwaŵi upaskika ku muheni kuti wasambira urunji cha, mu charu cha ŵakutowa mu mtima iyo wachita utimbanizi ndipo kuti watiuwona cha unkhankhu wa Ambuya.

Sumu 10:6

Watiti mu mtima wake, “Kuti ndisukuniskikenge cha; ku migonezi yose kuti ndikasaniyanga soka cha.”

Yeremiya 48:11

Moabu waja pa chimangu kutuliya ku uhurwa wake, nge ndi vinyo yo watengama pa visika vyake; walivi kukhutulikapo kutuwa ku chiyaŵi ichi kuya ku chiyaŵi chiya, walivi kurorekapo nanga nkhu umkoli; chifukwa cho kunowa kwake kweche mwake, ndipo chema chake kuti chasinthapo cha.

Chituwa 8:15

Kweni penipo Farao wanguwona kuti pe chigowoke, wangunonopeska mtima wake, ndipo wangukana kuŵategherezga, uli ndimo Ambuya angukambiya.

Yesaya 57:11

Njani yo mungutenthema ndi kopa, po mwakambanga utesi, ndipo mwengavi kundikumbuka, mwengavi kundighanaghana? Kumbi po ndaja ŵaka cheti ine, kwa nyengo yitali, chifukwa cho kuti mutindopa cha?

Yeremiya 42:15

iku vwani mazu gha Ambuya, mwa ŵakujapo ŵaku Yuda. Viyo atiti Ambuya ŵa maŵanja, Chiuta waku Yisraele: Asani mukaratanga visku vinu kwachisere mu Egipiti ndi kuruta kwachija kuwa,

Chituwa 8:32

Kweni Farao wangunonopeska mtima wake nyengo iyi nayo so, ndipo kuti wanguŵazomerezga cha ŵanthu kuruta.

Chituwa 34:6

Ambuya angudumuwa paurongo pake, ndi wangumemeza, “Ambuya, Ambuya, Chiuta wa lisungu ndi wa wezi, wachizita ku kukara, ndi wakuzara ndi chanju cha wezi ndi ukongorekwa,

2 Samuele 11:15

Mu kalata mwenga makani ghakuti, “Uŵike Uriya pa nthazi ipo po nkhondo njirwani, imwe muwere kuvuli mumusiye, mwakuti walasike, wafwe.”

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Wakutaula 9:3

Ichi nchawuyu mwaku vyose vyo vichitika panu pasi, kuti chinthu chimoza chifikiya kwaku wose; ndipo so mitima ya ŵanthu yazaza ukazuzi, kufuntha kwemu mitima yawo po ŵeche ndi umoyo, ndipo, pavuli ŵaruta ku ŵakufwa.

Jobu 24:23

Watuŵapaska chimangu ndipo ŵakhozgeka, maso ghake ghe pa nthowa zawo.

Sumu 10:4

Mukujikuzga kwake munthu muheni watiti, “Chiuta kuti wakandilanganga cha, kuti waphwereko cha!” Agha ndigho maghanaghano gha munthu muheni.