Wakutaula 8:1 - Tonga Bible 1986

¹ Ndiyani yo wayana ndi munthu wazeru? Ndipo ndiyani yo waziŵa kung'anamulidu ka chinthu? Zeru za munthu zingweruska chisku chake, Ndipo unonono wa chisku chake usinthika.

Wakutaula 8:1 Referans Kwoze

Machitidu gha Ŵakutumika 6:15

Ndipo wose ŵakuteka mu upu wo, pakumudodoliska, ŵanguthoŵa chisku chake ulaka ndi chisku cha mungelo.

Marangu 28:50

mtundu wa chisku cha kofya weniwo kuti ukaphwerenga unthu wa mura cha pamwenga kuchita lisungu ku mumana cha,

2 Petro 1:20

Pakuziŵa chenichi danga, kuti palive lembo la umchimi lo lijing'anamuwa lija.

2 Timote 4:17

Kweni Mbuya iyo wangumapo pamoza nane, ndipo wangundikhomeska; alinga kuti mwaku ine mumemezu wo ufiskike, ndipo kuti ŵanguvwa ŵaMitundu wose: ndipo ndingutaskika ku mlomo wa nkharamu.

Machitidu gha Ŵakutumika 4:29

Ndipo sono, Ambuya, lereskanipo pa mafingu ghawo: ndi paskani ku ŵateŵeti ŵinu kurongoro ndi chiganga chose mazu ghinu,

Machitidu gha Ŵakutumika 4:13

Ndipo pakuwona chiganga chaku Petro ndi Yohane, ndi pakuthoŵa kuti ŵenga ŵanthu ŵambura kusambira ndi ŵaŵaka, ŵazizwanga ndipo ŵaŵateskanga kuti ŵaŵanga pamoza ndi Yesu.

Nthanthi 17:24

Munthu wakuwamo warazga chisku chake pa zeru, kweni maso gha wakupusa ghe pa umari wa charu chapasi.

Jobu 33:23

Asani wakamuŵiyangako mungelo, mwendapakati, yumoza waku wo chikwi, (1,000) wakukunene munthu cho nchakurunjika kwaku iyo;

ŴaEfeso 6:19

ndi pa chifukwa chaku ine, kuti kwaku ine ghapaskike mazu kubanuwa mlomo wangu, kuvumbuwa ndi chiganga mangari gha evangeli,

Mateyu 17:2

Ndipo wangusanduka paurongo pawo, chisku chake chinguwara nge ndi dazi, minjirira yake yinguŵa yituŵa nge mbukweru.

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

Nthanthi 24:5

Munthu wa zeru ngwakulimba kwakuruska munthu wanthazi, ndipo munthu wa chinjeru waruska mweniyo wendi nthazi,

Nthanthi 1:6

kuwamo nthanthi ndi kang'anamulidu kake, mazu gha ŵazefu ndi vyakuzizika vyawo. Munthu kuti wazomerezga wakwananga kuti wamurongozgi cha

Chiyambo 40:8

Iwo ŵanguti kwaku iyo, “Talotanga maloto, ndipo palivi nanga njumoza Wakughang'anamuwa.” Ndipo Yosefe wanguti kwaku wo. “Kumbi mang'anamulidu kuti ngaku Chiuta cha? Ndineniyeni, nditukuŵeyereni.”

ŴaRoma 13:5

Viyo mujithereske, chifukwa cha kandundu ko pe cha, kweni so chifukwa cha njuŵi.

Nthanthi 21:29

Munthu wamphulupulu wavwara chisku chambura mantha, kweni munthu wakunyoroka wasanda nthowa zake.

Chituwa 34:35

ŵaYisraele ŵanguwona chisku chaku Mosese kuti khungu la chisku chaku Mosese linguŵala; ndipo Mosese waŵikanga so chivwinkhu pa chisku chake, mpake penipo wangusere kwachikamba nawo.

Nthanthi 12:8

Munthu warumbika kwakuyana ndi chinjeru chake chamampha, kweni mweniyo ngwa muwongo wakulandizga wasekeka.

Danyele 2:22

wavumbuwa vyamu ndimba ndi vinthu vyamuchibisibisi, waziŵa cho chemu mdima, ndi ukweru we kwaku iyo.