Wakutaula 7:14 - Tonga Bible 1986

¹⁴ Mu zuŵa la kusakata kondwanga, ndipo mu zuŵa la soka ghanaghana; Chiuta wachita chimoza ulaka nge nchinyake mwakuti munthu wareke kusaniya kanthu ko kaŵengepo, pavuli pake.

Wakutaula 7:14 Referans Kwoze

Wakutaula 3:22

Mu chifukwa ichi ndinguwona kuti kulivi kamampha kwakuruska kuti munthu wakondweriyenge nchitu yake, pakuti lenilo ndilo phande lake; ndiyani yo wakamutoriyanga kukuwona vyo vituza pavuli pake?

Wakutaula 3:4

nyengo yakuliriya, ndi nyengo yakuseke; nyengo yakutenjere, ndi nyengo yakuviniya;

Wakutaula 12:13

Umari wa makani; vyose vyavwika muwope Chiuta, ndipo sungani marangu ghake; pakuti ichi ndicho ndi nchitu yose ya munthu.

Marangu 28:47

“Chifukwa cha unandi wa vinthu vyo mwenga navyo, mwengavi kuŵateŵete Ambuya Chiuta winu ndi chimwemwe ndi likondwa la mu mtima;

Marangu 8:3

Wangumuchepeskani kumutandalikani ndi nja, ndipo wangumuhiŵani ndi mana ghenigho kuti mungughaziŵa cha, chingana mbauskemwe ŵengavi kughaziŵa. Wanguchita viyo mwakuti wamuziŵiskeni kuti munthu waja ndi umoyo ndi chiŵande pe cha, kweni munthu wajaliya wamoyo ndi mazu ghose ghakutuwa mu mlomo wa Ambuya.

Yesaya 26:11

Ambuya, janja linu lasoskeka, kweni kuti ŵatiliwona cha. Ŵarekeni ŵawone mwamphu winu pa ŵanthu ŵinu ndi ŵachiti soni. Moto ŵakupindikana ŵinu uŵamare.

Yakobe 5:13

Kumbi yumoza wamwaku imwe wavwiyapo uheni? Warombe. Kumbi yumoza wasangaruka? Wambenge sumu.

Mateyu 9:13

Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Mika 6:9

Mazu gha Ambuya ghadanirizga ku msumba ndipo ndi vinjeru vyamampha kopa zina linu: “Vwani, mwa fuku ndi mwakuwungana mu msumba!

Yeremiya 23:20

Ukari wa Ambuya kuti ukawerenga cha, mpaka penipo wakachitanga ndi kufiska vyo maghanaghanu ghawo ghakhumba. Mu mazuŵa gha pavuli mukaŵangamo khwerukhweru.

Sumu 119:71

Kulangika kwangu kungundiŵiya kwamampha, alinga kuti ndisambire vilangulu vinu.

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

Sumu 40:3

Anguŵikamo sumu yifya mu mlomo wangu, sumu ya chitumbiku kwaku Chiuta widu. Ŵanandi ŵawonenge ndi ŵawopenge, ndipo ŵaŵikenge chigomekuzgu chawo mu Ambuya.

Yesaya 42:25

Viyo wangudira pake kufunda kwa ukari wake ndi kulimba kwa homwa; kungumupong'a pa moto kwakuzunguliya kweti, kweni kuti wanguwamo cha; ungumocha kweni kuti wanguphwereko cha.

Wakutaula 12:8

Nchaŵaka, vyaŵaka watiti wakutaula chose nchaŵaka.

1 ŴaKaronga 8:47

ndipo asani ŵaghanaghana mu mtima po ŵe ku charu cho ŵayorekiyako ndipo ŵang'anamuka, ndi kuŵeyere kwaku imwe mu charu cha ŵakuŵayora, kuti, ‘Talakwa, tachita kwa ubereŵeza ndi kwa kwananga’;

Marangu 8:5

Viyo muziŵe mu mtima winu kuti nge ndimo munthu walangiya mwana wake, ndimo Ambuya Chiuta winu wamulangiyani.

Marangu 26:11

ndipo mukakondwerenga mu vyamampha vyose vyo Ambuya Chiuta winu wapereka kwaku imwe ndi ku nyumba yinu, imwe, ndi mlendo yo we mukati mwinu.

Jobu 2:10

Kweni iyo wanguti kwaku iyo, “Ukamba kwakulingana nge yumoza wa ŵanthukazi ŵakupusa wangakambiya. Kumbi tikarondiyanga umampha kutuwa ku janja laku Chiuta, kumbi kuti tikarondiyanga uheni cha?” Mwaku chose ichi Jobu kuti wangunanga cha mukurongoro kwake.

Wakutaula 8:7

Chifukwa kuti waziŵa cha cho chikaŵangako, pakuti ndiyani yo wangaziŵa kumunene mo chikaŵiyanga?

Wakutaula 9:7

Rutanga, karghenge kurgha kwako ndi likondwa, ndi kumwa vinyo wako mu chimwemwe cha mtima; pakuti Chiuta wakuzomerezga kale nchitu zako.

Wakutaula 10:14

Wakupusa watandaniska mazu, nanga munthu kuti waziŵa cha cho chikaŵangako, ndipo ndiyani yo wangaziŵa kumunene cho chikaŵangako pavuli paku iyo?

Wakutaula 11:9

Kondwanga, muyamata, mu unyamata wako ndipo mtima wako ukondwenge mu mazuŵa gha unyamata wako; yendanga mu nthowa za mtima wako ndimu kuwona kwa maso ghako. Kweni ziŵa kuti Chiuta wakutoriyenge ku cheruzgu mwaku vyose ivi.

Wakutaula 5:17

ndi kumara mazuŵa ghake ghose mu mdima ndi chitima, mu visuzgu vinandi ndi matenda ndi kukweŵeskeka?

Chitenje 3:38

Kumbi kuti nkhu mlomo wa Wapachanya Limu cha; ko kutuwa chamampha ndi chiheni?