Wakutaula 6:2 - Tonga Bible 1986

² Munthuyo Chiuta watimupaska usambasi, vyuma, ndi ulemu, mwakuti, kuti wakavuka kanthu cha paku vyose vyo wakhumba, kweni ndipuuli Chiuta kuti watimpaska nthazi yakukondwe navyo cha, kweni mlendo ndiyo wakondwa navyo; nchawaka ichi; ichi nchironda chakupweteka.

Wakutaula 6:2 Referans Kwoze

Wakutaula 5:19

Munthu yose yo Chiuta wamupaska usambasi ndi vyuma ndi mazaza ghakukondwe navyo, kuronde phande lake ndi kusekere mu nchitu yake; ichi nchawezi chaku Chiuta.

Sumu 17:14

ku ŵanthurumi ndi janja linu, A Chiuta, ku ŵanthurumi wo chigaŵa chawo mbumoyo wamu charu ichi. Mphanyi nthumbu yawo mwayizaza ndi vyo imwe mwaŵaŵikiya; ŵana ŵawo ŵagute kwakurutizga; mphanyi malitema ghawo ŵaghasiriya vyo iwo ŵasiyako.

Sumu 73:7

Mitima yawo yidiska mphurupuru, ndipo maghanaghano ghawo ngakuzaza ndi nthowa za uheni.

1 ŴaKaronga 3:13

Nditukupaska so vyo ulivi kupempha, vyose usambasi ndi ulemu, viyo kuti palivi karonga yo walinganenge nawe mu mazuŵa ghako ghose.

Chitenje 5:2

Chihara chidu chang'anamulikiya ku ŵalendo, nyumba zidu ku ŵamwenda nthowa.

Sumu 39:6

Nadidi munthu watenda nge nchiduzi! Kwakuneneska wakweŵeka kwawaka; munthu waunjika, kweni kuti waziŵa cha yo wakaronganga!

Hoseya 7:9

Ŵalendo ŵamara nthazi zake, ndipo iyo kuti waziŵa ichi cha; nyivu zayoyoskeka paku iyo, kweni kuti waziŵa ichi cha.

Danyele 5:18

Ehe, karonga, Chiuta Wamachanya wangupaska Nebukadanezara ausu ufumu, kuzirwa, unkhankhu ndi mazaza;

Wakutaula 5:16

Ichi nachu mbuheni wakuŵaŵa: ulaka nge ndimo wanguziya, ndimu so wakarutiyanga, kumbi wendi chanduwu uli mo wangutakatakiya mu suzgu yake,

Wakutaula 4:8

munthu yo walivi nanga njumoza, kaya mwana munthurumi pamwenga mbali, kweni uli kulivi umari ku suzgu yake yose, ndipo maso ghake kuti ghaguta ndi usambasi cha, viyo kuti watijifumba cha kuti, “Kumbi ine ndisuzgikiya yani pakujikanizga ku malikondwa?” Ichi nacho so nchawaka ndipo ndi nchitu yambura kukondweska.

Wakutaula 4:4

Penipo ndinguwona kuti milimu yose ndi umisiri wose mu nchitu utuza kutuliya mu sanji ya munthu ndi mwanasi wake. Ichi nachu nchawaka ndi suzgu ya mtima.

2 Mikoka 1:11

Chiuta wangumwamuka Solomoni wanguti, “Chifukwa ichi chenga mu mtima wako, kuti wapempha uromba, vyuma, kutumbikika, pamwenga umoyo waku wo ŵatikutinkha cha, ndipo kuti wapempha nanga mbumoyo utali cha, kweni wajipemphe zeru, ndi mziŵiru, mwakuti uwuse ŵanthu ŵangu paku wo nditukumika kuŵa karonga.

1 Mikoka 29:28

Ndipo wangufwa pa unkhongwe wakufikapo, wa mazuŵa ghanandi, msambasi ndi wakutumbikika. Solomoni mwana wake wanguwusa mu malo ghake.

1 Mikoka 29:25

Ndipo Ambuya angumuchita Solomoni kuŵa wambiri yikuru mukati mu ŵaYisraele wose ndi angumpaska mazaza gha ufumu ghenigho ghengavi kupaskika ku karonga we yose waku Yisraele, wakudanga kwaku iyo.

Ŵeruzgi 18:10

Muchiruta mwamufika ku ŵanthu ŵambura kughanaghanako kanyake cha. Charu nchisani; inya, Chiuta wachipaska mu manja ghinu, charu cho kuti kusoŵa kanthu cha ko ke mu charu chapasi.”

Marangu 28:43

Mlendo wakuŵa mukati mwinu wakaŵanga pachanya pinu, ndipo imwe mukasikiyanga pasi.

Marangu 28:33

Mtundu wo mulivi kuziŵa ukarghanga vipasi vya nyata yinu ndi vya kutakataka kwinu kose. Ndipo mukazitiskikanga ndi kuphwanyika rutaruta;

Wakutaula 5:13

Ulipo uheni wakuŵaŵa wo ndawona panu pasi: ngwakuti usambasi upweteka mweneko wakuwusunga,

Yesaya 55:2

Chifukwa chine mutananga ndrama zinu paku cho kuti nchakurgha cha, ndi kutakataka kwinu paku cho kuti chigutiska cha? Tegherezgani kwarwana kwaku ine, murghe cho nchamampha, ndipo mujikondwereske ndi vyakununa.

Wakutaula 5:18

Ehe cho ine ndawona kuŵa chamampha ndi chakwenere nkhurgha ndi kumwa ndi kuŵa ndi likondwa mu nchitu zose zo munthu wasuzgika nazo mu mazuŵa ghamanavi gha umoyo wake gho Chiuta wamupaska panu pasi, pakuti lenilo ndilo phande lake.