Wakutaula 6:12 - Tonga Bible 1986

¹² Chifukwa ndiyani waziŵa cho nchamampha ku munthu penipo waja mazuŵa ghamanavi gha umoyo wake wa ŵaka, wo wati wujumpha nge ndi mduzi? Pakuti ndiyani yo wangamunene munthu cho chikaŵangako pavuli pake panu pasi.

Wakutaula 6:12 Referans Kwoze

Yakobe 4:14

penipo napo mulive kuchiziŵiska chamawa cha. Pakuti we uli umoyo winu? Mwe nyankhuŵinda, na, yo wawoneka kanyengo kamanavi, ndipo pavuli wazirimitiya.

Wakutaula 3:22

Mu chifukwa ichi ndinguwona kuti kulivi kamampha kwakuruska kuti munthu wakondweriyenge nchitu yake, pakuti lenilo ndilo phande lake; ndiyani yo wakamutoriyanga kukuwona vyo vituza pavuli pake?

Jobu 14:2

Watuwa nge ndi luŵa, ndi wafota; wachimbiya nge nchiduduzi, kuti walutiriya cha,

Sumu 144:4

Walingana waka ndi mvuchi munthu, mazuŵa ghake ghenge nkhujumpha kwa chiduzi.

Wakutaula 8:13

kweni muheni kuti kumuŵiyenge umampha cha, nanga nkhuti mazuŵa ghake gharutiliye nge nchiduduzi chake, chifukwa kuti watopa paurongo paku Chiuta cha.

Wakutaula 8:7

Chifukwa kuti waziŵa cha cho chikaŵangako, pakuti ndiyani yo wangaziŵa kumunene mo chikaŵiyanga?

Jobu 8:9

pakuti ndifwe ŵa zana, ndipo tiziŵa kanthu cha, chifukwa mazuŵa ghidu pa charu ghe nge nchiduduzi.

1 Mikoka 29:15

Chifukwa ndifwe ŵalendo ndi ŵayinga paurongo pinu, nge ŵenge auskefwe; mazuŵa ghidu mu charu ghenge ndi mduzi, mulive kujariliya.

Wakutaula 12:13

Umari wa makani; vyose vyavwika muwope Chiuta, ndipo sungani marangu ghake; pakuti ichi ndicho ndi nchitu yose ya munthu.

Wakutaula 9:6

Chanju chawo, tinkhu lawo, ndi sanji yawo vyamara kale, ndipo kuti ŵendi phande so cha muyaya mwaku vyose vyo vichitika mu charu chapasi.

Wakutaula 2:3

Ndingupenja ndi mtima wangu mo ndingasangaruskiya liŵavu langu ndi vinyo, mtima wangu weche kundirongozga mu vinjeru ndimo ndingakore, uzereza, mpaka penipo ndinguwona cho nchamampha ku ŵana ŵa ŵanthu kuchita pasi pa mtambo mu mazuŵa ghamanavi gha umoyo wawo.

Sumu 109:23

Ndizgeŵereke ulaka nchiduzi cha mazulo; ndiputiskika ulaka ndi zombe.

Sumu 102:11

Mazuŵa ghangu ghayana ulaka nchiduzi pa lumwi lipendama; ndikozgana ndi uteka wakumira.

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Sumu 4:6

Mbanadi wo ŵatiti, “Owe mphanyi tinguwona cho nchamampha! Kwezgiyani kungweruka kwa chisku chinu paku ifwe, A Chiuta!”

Jobu 14:21

Ŵana ŵake ŵatuza ku ulemu kweni iyo kuti waziŵa cha, ŵasiskikiya pasi, kweni iyo kuti watichiwona cha.

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

Sumu 89:47

Kumbukani, Ambuya, mo uliri ufupi umoyo wa munthu; kumbukani kuti mukulenga ŵanthu wose dongo la waka!

Sumu 47:4

Wakutisankhiya chihara chidu, kujikuzga kwaku Yakobe mweniyo watanja.

Sumu 16:5

Imwe Ambuya, nchigaŵa changu chakusankhika, mutindipaska chose cho ndikhumba; umoyo wangu we mu manja ghinu.

Wakutaula 2:24

Kulivi chamampha chakumwenere munthu kwakuruska kuti warghe ndi kumwa ndi kusaniya likondwa mu nchitu yake. Ichi nacho ndinguchiwona, nchakutuliya ku janja laku Chiuta;

Wakutaula 6:11

Pa makani ghanandi, pe vyawaka vinandi nanga munthu waruskakunji?

Wakutaula 7:15

Ine ndawona vinthu vyose mu umoyo wangu waŵaka; walipo munthu murunji yo wafwiya mu urunji wake, ndipo walipo munthu muheni yo wajaririya mu umoyo wake mu nchitu zake ziheni.

Wakutaula 9:9

Kondwanga ndi umoyo pamoza ndi muwoli wako yo utanja, mazuŵa ghose, gha umoyo wako wawaka wo wakupaska pa charu, pakuti lenilo ndilo phande lemu umoyo ndi mu nchitu yako yo usuzgika nayo panu pasi.

Wakutaula 10:14

Wakupusa watandaniska mazu, nanga munthu kuti waziŵa cha cho chikaŵangako, ndipo ndiyani yo wangaziŵa kumunene cho chikaŵangako pavuli paku iyo?