Wakutaula 5:17 - Tonga Bible 1986

¹⁷ ndi kumara mazuŵa ghake ghose mu mdima ndi chitima, mu visuzgu vinandi ndi matenda ndi kukweŵeskeka?

Wakutaula 5:17 Referans Kwoze

Sumu 127:2

Nkhwaŵaka kuyuka ndi mlenji ndi kuswera pakugona, kutakataka ukongwa chifukwa cha kurgha; chifukwa Ambuya apaska chipumulu kwaku ŵeniwo atanja.

Machitidu gha Ŵakutumika 12:23

Kweni sosonukweni mungelo wa Mbuya wangumkoso, chifukwa kuti wagupaska unkhankhu kwaku Chiuta cha; ndipo pakunyakata ndi fusi, wanguziririka.

Sumu 102:9

Nditurgha vyoto nge nchiŵande, ndipo vyakumwa vyangu vyatimbulinkhang'a ndi masozi,

Sumu 78:33

Viyo wangumara mazuŵa ghawo nge ndi mvuchi, maumoyo ghawo mu soka lakuchita kubuchizga.

Jobu 21:25

Munyake watufwa mu kuŵaŵa kwa mzimu wake, kuti waturgha ndikukondwa cha.

2 ŴaKaronga 5:27

Chifukwa cho makhate ghaku Namani ghakaniliyenge mwako, ndi kumphapu yako muyaya.” Viyo wangutuwa pa maso ghake wa makhate, ghakutuwa uli ndi matalala.

2 ŴaKaronga 1:6

Iwo ŵanguti kwaku iyo, “Kunguza munthu kuzachikumana nafwe, ndipo wangunena nafwe, ‘Wereni ku karonga yo wakutumani, mukamunene kuti, Viyo ndimo akambiya Ambuya, Kumbi nchifukwa chakuti mulivi Chiuta mwaku Yisraele, kuti mutuma kwachifumba kwaku Balazebubi, chiuta waku Ekroni? Pa chifukwa ichi kuti ukasikangapo cha pa chita po wagona, kwakuneneska ukafwanga.’ ”

2 ŴaKaronga 1:2

Sono Ahaziya wanguwa kuporota pa dangazi mu chipinda chake cha pachanya mu Samaria, ndipo wangutama, viyo wangutuma mathenga wakuti, “Rutani, kafumbeni kwaku Bala-zebubi, chiuta waku Ekroni, vinu ndikachilanga ku utenda uwu.”

1 ŴaKaronga 17:12

Ndipo chinguti, “Mo aliri amoyo Ambuya Chiuta winu, ndilivi kochapo kanthu, kweni ka ufwa pe kamanavi mu chimphuli ndi tumafuta tumanavi mu kasupa; sono reka ndideŵa tunkhuni, utu, mwakuti nkhajirongosole ine ndamweni ndi mwana wangu, kuti tikarghe, ndi kufwa.”

Chiyambo 3:17

Ndipo kwaku Adamu wanguti: “Chifukwa wavwiya mazu gha muwoli wako, ndipo warghapo muti wo ndingukuchenjezga kuti, ‘Ungarghanga cha,’ njakutembeka nyata yo chifukwa chako; mu kutakataka ukarghanga vyake mazuŵa ghose gha umoyo wako;

Sumu 39:6

Nadidi munthu watenda nge nchiduzi! Kwakuneneska wakweŵeka kwawaka; munthu waunjika, kweni kuti waziŵa cha yo wakaronganga!

Wakutaula 2:23

Pakuti mazuŵa ghake ghose ghazaza ndi urwirwi, ndipo nchitu yake ndi vitima; nanga mbusiku mtima wake kuti upumuwa cha. Ichi nachu so nchawaka.

Wakutaula 2:10

Ndipo cho chose maso ghangu ghangukhumba kuti ndingughajara cha; ndengavi kukanizga mtima wangu ku likondwa le lose pakuti mtima wangu ungusaniya likondwa mu nchitu zangu zose, ndipo iyi yenga mphoto ya mukutakataka kwangu kose.

Wakutaula 2:24

Kulivi chamampha chakumwenere munthu kwakuruska kuti warghe ndi kumwa ndi kusaniya likondwa mu nchitu yake. Ichi nacho ndinguchiwona, nchakutuliya ku janja laku Chiuta;

Wakutaula 7:14

Mu zuŵa la kusakata kondwanga, ndipo mu zuŵa la soka ghanaghana; Chiuta wachita chimoza ulaka nge nchinyake mwakuti munthu wareke kusaniya kanthu ko kaŵengepo, pavuli pake.